Carlos Alba gana’l Premiu Nel Amaro pela segunda vez col espectáculu ‘Les madreñes vacíes’

L’espectáculu ‘Les madreñes vacíes’, de Carlos Alba, ye’l ganador del VI Premiu Nel Amaro de Teatru profesional n’asturianu 2022. Ye la segunda ocasión en que’l trabayu d’Alba se reconoz col Premiu, porque nel 2017 recibió esti gallardón pola so adaptación ‘Llázaro de Tormes’.

El xuráu destacó “el bon trabayu actoral, la interacción que consigue col públicu, la integración d’oxetos y títeres y l’usu d’una referencia lliteraria universal como Miguel Hernández p’ampliar el repertoriu teatral asturianu”.

Read Full Post »

El IX Ruempi la Mollera, pal CP Campoamor

PABLO R. GUARDADO

El Colexu Públicu Ramón de Campoamor llevó’l IX Concursu Ruempi la Mollera, que vivió esti miércoles l’actu d’entrega de premios. Nél participaron cerca de cien escolinos y escolines de Llingua Asturiana de quintu y sestu de Primaria pertenecientes a cuatro centros de Xixón.

L’eventu, que se celebró esta mañana nel salón d’actos del Centru de Cultura Antiguu Institutu cola presencia de tolos alumnos participantes, tuvo presidíu por Xosé Nel Riesgo, direutor de la Fundación Municipal de Cultura, Educación y Universidá Popular, y animáu por actores de Producciones Nun Tris qu’arrancaron les risotiaes de los presentes. Asina, tres repasar caún de les trés entrugues plantegaes nel concursu d’esti añu, entamaron xuegos pa los neños y neñes, que collaboraron en too momentu.

Read Full Post »

La sociedá asturfalante reclama la normalización social na RTPA

La Xunta Xeneral ta tramitando la segunda llei de reforma del sector públicu, que va regular, sobre manera, la Radio Televisión del Principáu d’Asturies (RTPA), axustándola a la llei audiovisual nueva y a los criterios d’austeridá. Ye de reseñar que la llei actual señala ente los sos oxetivos la promoción de la cultura y la educación, «con especial protección del bable, mediante la promoción del so usu y espardimientu nos medios de comunicación social». Sicasí, esa especial protección nun llegó a más d’un 5% de la emisión na TPA y un 2% en RPA, mentes que na web rtpa.es l’asturianu cuasi nun existe. Por eso, a los firmantes d’esti manifiestu paez-yos “que resulta evidente que la llei tien que valir pa recoyer esplícitamente la necesidá de que la televisión y la radio autonómica xueguen un papel fundamental nel procesu de normalización social del idioma”.

Read Full Post »

Nun Tris presenta esti sábadu “Xuanón namoráu”

La compañía profesional de teatru asturiana Producciones Nun Tris, estrenará esti sábadu 24 d’Agostu nel Teatru Riera de Villaviciosa, a les 21,30 h., l’espectáculu “Xuanón namoráu”. Trátase d’una versión del testu orixinal de F. Villoch (L’Habana, 1900) realizada por dramaturgu maliayu Lluis Portal, y col públicu adultu como destinatariu.

“Xuanón namoráu” pertenez al xéneru del teatru bufu cubanu, yy propón une spectáculu inspiráu na zarzuela y la revista, con tonu cómicu y dellos númberos musicales. La obra cunta amás con un especial interés, al falar de cierta forma del papel del emigrante asturianu d’entamos del S.XX, pudiendo considerase una forma de teatru asturianu fecha nel esterior. Les llingües vehiculares sedrán l’asturianu y el castellán.

(d’Infoasturies, 22-08-2013)

Read Full Post »

Arranca la XXXIII Selmana de les Lletres Asturianes cola presentación de ‘Al rodiu de la poesía ilustrada’

PABLO R. GUARDADO

El Muséu Casa Natal de Xovellanos acoyó esti llunes la inauguración de la XXXIII Selmana de les Lletres Asturies, dedicada a Benito de l’Auxa y Antón Balvidares. Nel actu presentose’l volume ‘Al rodiu de la poesía ilustrada’.

La música d’un duu de cuerda precedió a les intervenciones de les autoridaes, con ausencies destacaes. Carlos Rubiera, conceyal d’Educacación, Cultura, Mocedá y Festexos, acudió al actu en sustitución de l’alcaldesa, Carmen Moriyón, mentes qu’Ana Isabel Álvarez González, conseyera en funciones d’Educación y Universidaes, escusó a Emilio Marcos Vallaure pola muerte d’un persona venceyada al Muséu de Belles Artes. El primeru en tomar la pallabra foi Rubiera, que fixo referencia al llugar de la presentación, la casa natal de Gaspar Melchor de Xovellanos, “onde se falaba davezu n’asturianu”, como amosaba la carta en castellanu que l’ilustráu xixonés unvió nel 1791 al so hermanu Francisco de Paula. “Xovellanos falaba davezu na llingua del país”, continuó’l conceyal, “al igual que la clase ilustrada, ensin complexu y vergoña”, pa depués recordar l’enfotu de Gaspar Melchor y la so hermana pequeña Xosefa pa cola llingua asturiana. Tamién fixo referencia a los dos poetes a los que ta dedicada la Selmana, L’Auxa y Balvidares, ilustraos “que falaben y escribíen na llingua del país”, a la que definió como “un estraordinariu patrimoniu de la humanidá”.

Read Full Post »

“Facer teatru n’asturianu, o trabayar por definir lo que ye un Teatru Asturianu con ’denominación d’orixe’, tien de pasar per un claru compromisu cola llingua y cultura asturianes”

Entrevista a Toño Caamaño, componente de la compañía teatral “Producciones Nun Tris”:

En primer llugar, prestaríanos que mos desplicare esautamente cuálu ye’l llabor qu’implica la direición escénica y la producción, y en qué se diferencien.
La direición escénica pa min ye tolo que tien que ver col material artísticu; tanto dende la estética, el tipu de trabayu colos actores, l’ideariu… La produción vien a ser lo que ta venceyao coles perres, en xeneral; presupuestos, planificaciones… Nel nuesu casu tien abondo que ver una cola otra, yá que la produción condiciona la direición escénica, al llimitala, na mayoría los casos, al haber poques perres; y al revés tamién, porque al ser una compañía profesional qu’ufierta unos produtos determinaos pa un supuestu mercáu, hai un ideariu concretu y unes formes de trabayar específiques que marquen el tipu produciones que facemos.

Read Full Post »