El Principín y 1809, les obres n’asturianu más vendíes en Cervantes en 2022

La llibreria Cervantes, la más importante en volume de ventes n’Asturies, tien como obra lliteraria n’asturianu más vendida a lo llargo de 2022 la traducción de Xosé Lluis García Arias d’El Principín, la clásica obra d’Antoine de Saint-Exupéry tornada a más de quinientes llingües y, nesti casu, editada pola ALLA. Darréu, la obra más vendida ye 1809: Cartes de la Revolución de Trubia, escrita por Andrés Fernández con namás que diecisiete años y editada por Radagast. Esta obra de xéneru epistolar presenta un Asturies ucrónica que se dixebra históricamente de la real.

De siguío, les obres más vendíes en Cervantes son de non-narrativa:

La primera, la historia de la música asturiana que percuerre Xune Elipe n’Hai una llinia trazada, editada por Trabe. La segunda, la guía gastronómica de David Castañón Les Farturrutes: Caleyar y comer n’Asturies, editada por Delallama. Y la tercera, el llibru-CD Ente la niebla de Dixebra, que nuna coincidencia sorprendente empata en ventes coles trés siguientes obres de narrativa, que comparten el bronce nesti xéneru.

Read Full Post »

Nicolás Bardio: «En Radagast apostamos por facer llibros que llea la xente»

Nicolás Bardio (Uviéu, 1987) ye escritor y narrador asturianu. Autor de les noveles Sol Reló (Trabe, 2008), Onde ensamen les abeyes (Suburbia, 2011), La Colomina 36 (Trabe, 2020) cola que ganó’l Premiu Asturias Joven de Narrativa, y Del llau del nigromante (Radagast, 2021).

Ye tamién el promotor Depués d’Ochobre, el xuegu de rol n’asturianu, ucronía ambientada na República Obrera y Campesina d’Asturies llueu de que triunfare la Revolución d’Ochobre de 1934 y Asturies pasare a formar parte de la Unión Soviética.

Dende l’añu 2018 dirixe Ediciones Radagast, onde edita obres lliteraries de fantasía y ciencia ficción. Con él falamos de la trayectoria d’esta editorial que va garrando puxu nel panorama lliterariu asturianu.

¿En qué momentu surde la idea de fundar una editorial especializada en fantasía y ciencia ficción n’Asturies y principalmente n’asturianu?

Pos la verdá ye que dalgo que surde a últimos de 2019 col éxitu que tuvimos con Depués d’Ochobre. Eso fixo posible disponer de perres coles que poder montar la editorial, apostar polos primeros llibros que sacamos y facer frente a tolos trámites necesarios, que nun son pocos.

Read Full Post »

Casimiro Fernández: “Yo almiro a Xuan Bello. Llamar a Fort Paniceiros, Paniceiros, ye un homenaxe a él”

Facemos esta entrevista na casina que tien Casimiro a les afueres de Mieres. Ye una casina modesta, pequeña pero qu’enseguida amuesa esa herencia mexicana que Casimiro traxo del otru llau del charcu. N’antoxana, diminuta, tien cactus y magueyes (col que se fai’l mezcal) que mos enseña arguyosu. Llueu, yá dientro la vivienda, una semeya de la Virxe de Guadalupe preside la entradera y paisaxes de estampes mexicanes norteñes, con vaques y vaqueros, repártense peles parees de forma desigual. Sentámonos a la mesa con él y, mientres sacamos papel y llapiceru, Casimiro saca una botella d’oruxu caseru y una d’Herradura, un tequila reposado añejo que diz que ye lo meyor del mundu. Ye la hora del vermú.

¿Qué va atopar el llector en Fort Paniceiros: Una hestoria de la de mi’madre?

Un western. Ún de los de verdá. Con tiros, con hosties y con munches rises. El western ye un xéneru cómicu de lo más prestoso. La novela ambiéntase en California, na parte sur, ehí pegando casi con Arizona, nel pueblu de Fort Paniceiros que controla’l xérif John Oldman con mano de fierro.

Read Full Post »

Casimiro Fernández asturianiza’l Far West na novela ‘Fort Paniceiros’

 PABLO R. GUARDADO

Una historia de vaqueros ambientada en California enllena de referencies a Asturies. Ye lo que plantega Casimiro Fernández, escritor que s’estrena a los 72 años, en ‘Fort Paniceiros. Una historia de la de mi’ madre’, primer títulu de la coleición ‘Al filu’ d’Ediciones Radagast.

“Hai de too: xérif, foraxíos, güisqui, plantes rodadores, saloon con música y munches pistoles, tiros y hosties”, resume Fernández, mierense retornáu depués d’emigrar a México. Ye un ‘fabada western’, como etiqueta la editorial, con vaqueros que comen esti platu tan carauterísticu de la nuesa gastronomía, un pueblu asturmexicanu que mez les ‘tortillas’ y los tortos, y hasta ranchotonaes.

Read Full Post »

Asturias acoge AsturCon, la I Convención de Fantasía Asturiana

Laboral Centro de Arte y Creación Industrial acogerá este 17 de diciembre AsturCon, la primera Convención de Fantasía Asturiana. El evento durará desde las 12.00 hasta las 14.30 horas y desde las 16.30 hasta las 21.00 horas. Los asistentes podrán indagar y disfrutar los mundos fantásticos que se reflejan en los libros de diferentes autores asturianos.

En el evento podrán participar escritores de fantasía que sean asturianos o vivan en Asturias. A lo largo de la jornada se celebrarán cinco mesas redondas en las que se tratarán diferentes temáticas: El Lego de la magia, Mitología cuántica, La fábrica de héroes, Especies diversas y El círculo mágico de rol.

Read Full Post »

El Ministeriu de Cultura concede subvenciones pa la traducción a cuatro editoriales asturianes

El Ministeriu de Cultura y Deporte concedió ayudes pal fomentu de la traducción de llibros ente llingües del Estáu español a cuatro editoriales asturianes. En total, van recibir cerca de 10.500 euros pa publicar seis obres que se van traducir del gallegu y el catalán al asturianu o d’esti idioma al aragonés y castellanu.

Estes ayudes estatales, qu’en xunto sumen 200.000 euros, pela primer vez permitieron la participación d’obres escrites en o al asturianu. Asina, la obra oxetu de traducción tien que tar yá publicada en cualquiera de les llingües del Estáu, ensin necesidá de que sía llingua oficial sinón que valdría col so reconocimientu estatutariu, como ye’l casu de la llingua asturiana o l’aragonés.

Read Full Post »

Una editorial asturiana va adaptar a xuegu de rol la obra d’Orwell «1984»

Ediciones Radagast, una editorial asturiana que yá produxere con ésitu’l primer xuegu de rol n’asturianu, Depués d’Ochobre, pal que recaldaron más de 12.000 euros, ta acabante de presentar la campaña de mecenalgu en Verkami pa facer posible 1984: Thoughtcrime, el xuegu oficial de la novela d’Orwell 1984.

El xuegu de rol, que s’ambienta nel Londres distópicu de la novela d’Orwell 1984, va salir a la venta n’asturianu, castellanu y inglés y fíxose a comuña colos heriedes de George Orwell, que garantizaron que’l xuegu seya fiel dafechu a la obra orixinal. Trátase d’un xuegu de rol «survival sicolóxicu», nel que los xugadores van ponese na piel de ciudadanos de la Oceanía distópica de George Orwell qu’han sobrevivir a una dictadura tarrecible y implacable dominada pol Hermanu Grande na que tolos documentos escritos manipúlense con procuru y a los ciudadanos vixílenlos con cámares de contino.

Read Full Post »

La Regenta y Drácula se enfrentarán también en castellano

CHRISTIAN FERREIRO

Fiestas, orgías y ritos para corromper la vida aristocrática: la maldad del conde Drácula se extiende por la Vetusta del siglo XIX; Ana Ozores, sin embargo, se encargará de impedirlo. Con estos mimbres comienza La Rexenta contra Drácula (Ediciones Radagast, 2022), novela de ciencia ficción en asturiano que mezcla la alta literatura decimonónica con las llamadas “novelas de a duro” populares. Esa fue la idea que le vino “de golpe” a Adrián Carbayales, su autor asturiano, quien ha podido ver de primera mano el éxito que está teniendo la novela. Licenciado en Filosofía y con experiencia como técnico cultural y profesor, Carbayales también ha trabajado en traducciones al asturiano en la editorial Radagast y ejerce como periodista cultural en el portal Refuelgu. Ahora, además, el público podrá disfrutar de su reciente novela en lengua castellana, que comenzará a distribuirse en breve, pero que ya está disponible en la caseta de Radagast del Celsius, el festival literario de Avilés, donde estará firmando ejemplares el próximo viernes 22, a partir de las 19:00.

Read Full Post »

La Rexenta, axente secreta, enfréntase a Drácula na nueva novela d’Adrián Carbayales

Vetusta y non otra ciudá ye l’escenariu d’esti enfrentamientu míticu ente dos clásicos de la lliteratura universal: La Rexenta y Drácula. Según la novela d’Adrián Carbayales, lo que lleímos na clásica novela «La Rexenta» foi una mentira del axente secretu Leopoldo Alas, nome en clave «Clarín», espertu propagandista d’una asociación secreta p’atapar l’enfrentamientu ente l’axente secreta Ana Ozores, nome en clave «La Rexenta» y Drácula, qu’intentó corromper a Vetusta na seronda de 1882.

Na novela d’Ediciones Radagast, Adrián Carbayales trespórtanos a una Vetusta de finales del sieglu XIX onde Drácula ta corrompiendo a l’aristocracia llocal al traviés de fiestes, orxíes y ritos nuevos. Frente a ello, Ana Ozores habrá d’enfrentase a la criatura non-muerta pa intentar salvar la ciudá de Vetusta y les vieyes tradiciones. Estrada de referencies tanto a les dos obres clásiques como a les adautaciones al cine y a munches obres más, esta novela cuenta l’enfrentamientu ente Drácula y La Rexenta hasta acabar con un desenllaz inesperáu.

Read Full Post »

‘La hestoria inacabable’ d’Ende yá tien versión n’asturianu de la mano de González Rato

‘Die unendliche Geschichte’, el llibru de Michael Ende del 1979 popularizáu pola película del 1984 del tamién alemán Wolfgang Petersen, yá se pue lleer en llingua asturiana como ‘La hestoria inacabable’. Xesús González Rato, qu’enantes tornara ‘Momo’ del mesmu autor, encargóse de traducir esti llibru qu’asoleya Radagast.

Considerada una de les noveles infantiles más importantes de tolos tiempos, narra cómo Bastian Balthasar Bux “atopa nuna llibrería anticuaria un llibru que lu atrai de forma máxica: ‘La hestoria incabable’. Nél llee sobre l’Imperiu de Fantasia, onde la Nada ta espardiéndose ensin llendes, por cuenta d’una malura rara que carez la so gobernante, la Emperatriz Infantil. Namás un neñu humanu, de fuera del llibru, va poder curala”, rellaten dende la editorial.

Read Full Post »