Xosé Bolado se alza con el Premio de la Crítica de la RPA por su poemario ‘La bona intención’

En estos últimos meses del año han coincidido los fallos de un buen número de premios literarios asturianos, el último de ellos ha sido el del Premio de la Crítica de la RPA 2012, que en su modalidad de literatura ha recaído en Xosé Bolado, por su obra La bona intención.

Publicada en edición bilingüe asturiano-castellano por la Editorial Impronta, La bona intención ye una sutil aventura introspectiva. Les ventanes qu’abre esti llibru allumen un espaciu que ye personal pero que ye’l de cualesquiera. El llector va facer nes sos páxines un viaxe al corazón de les hores y les coses, al infatigable y firiente cursu de los díes, a los intorgables daños y engaños que’l pasu y el pesu del tiempu aveza a dexar en nós. Somos de fixo una suma de negaciones y afirmaciones y nada como les pallabres pa ser quien a interpretar los nuestros silencios.

Read Full Post »

RPA entrega los Premios de la Crítica a lo meyor de la música asturiana del 2011

El miércoles 7 d’avientu va celebrase, nel Auditoriu Teodoro Cuesta de Mieres del Camín, va celebrase la gala d’entrega de los IV Premios de la Crítica RPA. L’actu va contar cola actuación de tolos gallardonaos: el grupu La Cirigüeña; el cantante Chus Pedro; les cantantes Marisa Valle Roso, Mariluz Cristóbal Caunedo y Lorena Corripio; los grupos folk Duerna, Tuenda y La Col.lá Propinde; el grupo de baile Muyeres, y la orquesta de cámara Ensemble Ars Mundi. Igualmente, nel apartáu lliterariu de la gala, va intervenir la poeta mierense Vanessa Gutiérrez.

Estos premios, vencellaos a la música asturiana, planteense como un reconocimientu a los meyores trabayos del añu y como un apoyu por parte de la RTPA a la promoción y difusión de la cultura musical del país. La gala va presentala Sonia Fidalgo y va contar cola presencia de miembros destacaos de la música y la cultura asturianes.

Read Full Post »

Cristina Muñiz: “Necesito cambiar de xéneru, canso si toi muncho tiempu cola mesma cosa”

INACIU GALÁN

Cristina Muñiz Martín (Xixón, 1953) ye amás de narradora, escritora de guiones radiofónicos y amante del teatru. Tien publicaos dellos volúmenes de cuentos y la novela Ventiocho díes, amás d’otra recién en castellán y dellos llibros infantiles. Agora xunta nun volume los monólogos escritos pa echar nel programa de la TPA «La risión», el llibru llámase ¡Qué te preste! y falamos con ella d’esti y d’otres de les sos obres, na Entrevista de la selmana.

¿Mírenla tovía raro por escribir monólogos siendo muyer o ye dalgo normal?
Cuento que ye dalgo normal, que yá naide s’asusta de qu’una muyer escriba monólogos, teatru, ensayos o lliteratura erótica.

Read Full Post »

Mari Luz Pontón: “Los llibros asturianos paez que nun esisten, nun tán nos escaparates nin a la vista nes biblioteques”

INACIU GALÁN

María Luz Pontón ye maestra especialista en Filoloxía Francesa ya Inglesa, amás ye Llicenciada en Filosofía y Ciencies de la Educación y esperta n’Informática Educativa pola UNED, y en Filoloxía Asturiana pola Universidá d’Uviéu. Collaboró con delles revistes d’educación al rodiu del so trabayu d’investigación sobre l’alumnáu d’altes capacidaes. Dirixe y presenta na RPA, el programa “Revoltixu nes ondes” y ye autora y directora de les obres que representa’l grupu de teatru “Asturmitomanía”. Anguaño da clases nel Centru d’Educación d’Adultos «El Fontán» (Uviéu) y acaba de sacar al mercáu un llibru infantil, que se suma a llarga riesta d’ellos que lleva espublizaos “Un monstruu ensin corazón”. Falamos con ella d’esti llibru y d’otres cuestiones del so llabor profesional, siempres en defensa de la llingua asturiana.

“Un monstruu ensin corazón” ye la so última obra, pero nun hai añu nel que nun salga al mercáu con delles obres, ¿d’ónde saca’l tiempu pa la escritura?
Cuando te presta lo que faes saques el tiempu d’onde seya. La mio familia dizme que cuando me venga visitar la muerte pa llevame al Más Allá yo voi intentar negociar con ella yá que taré ocupada escribiendo, faciendo dalgún cursu o nun sé qué hestories que nun puedo dexar. Y ye que yo pa eso soi un casu, necesitaba que’l día tuviere munches más hores.

Read Full Post »

L’Asociación de Telespectadores d’Asturies rectifia y almite obres n’asturianu nun concursu de rellatos

L’Asociación de Telespectadores y Radioyentes d’Asturies (ATR) convocaba apocayá un concursu de rellatos curtios pola mor del so quince aniversariu. Nes bases, espuestes na web espresábase que namás s’almitíen obres en castellán, lo que foi denunciao pol blogue “Falar y lleer”, siguiendo a esta iniciativa de protesta otres persones. L’ATR respondió de forma positiva y camudó les bases, reconociendo que “foi un error” nun incluyir l’asturianu nes bases.

Read Full Post »