Feeds:
Antradas
Comentairos

Posts Tagged ‘Radio Televisión del Principáu d\’Asturies’

La Xunta Xeneral ta tramitando la segunda llei de reforma del sector públicu, que va regular, sobre manera, la Radio Televisión del Principáu d’Asturies (RTPA), axustándola a la llei audiovisual nueva y a los criterios d’austeridá. Ye de reseñar que la llei actual señala ente los sos oxetivos la promoción de la cultura y la educación, «con especial protección del bable, mediante la promoción del so usu y espardimientu nos medios de comunicación social». Sicasí, esa especial protección nun llegó a más d’un 5% de la emisión na TPA y un 2% en RPA, mentes que na web rtpa.es l’asturianu cuasi nun existe. Por eso, a los firmantes d’esti manifiestu paez-yos “que resulta evidente que la llei tien que valir pa recoyer esplícitamente la necesidá de que la televisión y la radio autonómica xueguen un papel fundamental nel procesu de normalización social del idioma”. (more…)

Read Full Post »

La Dirección Xeneral de Política Llingüística, n’andecha cola Academia de la Llingua Asturiana y l’ente públicu Radio Televisión del Principáu d’Asturies, organiza un Cursu Basicu de Llingua Asturiana pa profesionales de la RTPA.

El cursu, de 60 hores de duración (30 presenciales y 30 non presenciales), va conceder especial atención a la vertiente práctica, cola mira de trabayar nun modelu d’informativu breve qu’use l’asturianu como llingua vehicular. (more…)

Read Full Post »

El director de la Radio Televisión del Principáu d’Asturies, Antonio Virgili, comprometióse a remitir la quexa de la Xunta pola Defensa de la Llingua Asturiana sobre la falta d’usu de la toponimia oficial a los diferentes programes del ente pública, al envíes de “detectar los posibles errores”.

Polo menos, asina lo informó la Xunta al traviés d’una nota prensa na que da cuenta de la respuesta “inmediata” que’l responsable del mediu de comunicación públicu-y envió, tres recibir la citada quexa. La organización mandárala’l primeru de febreru pasáu, pidiendo que se respetare la llegalidá toponímica nes sos emisiones. (more…)

Read Full Post »

La presidenta de l’Academia de la Llingua Asturiana, Ana María Cano, y el direutor xeneral de la Radio Televisión del Principáu d’Asturies (RTPA), José Ramón Pérez Ornia, roblen esti vienres un conveniu de collaboración pa la presentación d’u n nuevu espaciu n’asturianu.

Al traviés d’una nota prensa, RTPA informó de que l’espaciu será’l “Cuentacuentos de Presta Asgaya”, programa empobináu al públicu infantil.

Esti actu coincide cola celebración del primer aniversariu de los programes n’asturianu de la TPA. Na robla tamién van tar presentes el secretariu de l’Academia de la Llingua Asturiana, Roberto González-Quevedo, el direutor d’Antena y conteníu de la TPA, Juan José Guerenabarrena y los direutores de “El cuentacuentos de Presta Asgaya”, Carlos Navarro y Marta Navarro.

(d’Asturies.com, 28-03-2008)

Read Full Post »