Feeds:
Antradas
Comentairos

Posts Tagged ‘Radiotelevisión del Principáu d'Asturies’

La Xunta pola Defensa de la Llingua (XDLA) denuncia que la Radio Televisión del Principáu d’Asturies (RTPA) lleva ensin emitir dende’l 27 d’ochobre pasáu l’únicu espaciu informativu que producía, ‘Les noticies n’asturianu’. Tratábase d’un espaciu de diez minutos n’asturianu que s’emitía de llunes a vienres na RPA a les 12.00 hores. La so desaparición vien a sumase “a los pasos atrás que dio l’asturianu na RTPA nesta llexislatura”, denuncia la XDLA, “na que nun se dobló nenguna película o serie de dibuxos animaos y tampoco nun se retresmitió nengún partíu de fútbol n’asturianu, iniciatives éstes que, con too, siempre se programaron de forma simbólica y anecdótica, ensin nenguna continuidá”.

(more…)

Read Full Post »

La Xunta pola Defensa de la Llingua Asturiana (XDLA) vieno acabante criticar la emisión esti sábadu d’un especial en TPA en castellanu sobre la participación asturiana nel Festival Intercélticu de Lorient, el de más importancia del Arcu Atlánticu y onde esti añu Asturies yera la invitada d’honor.

Asina, anque ‘Añu d’Asturies en Lorient’ tenía’l títulu n’asturianu y los gráficos y la publicidá del mesmu foron nesti idioma, el programa nun yera más qu’un refritu de los reportaxes en castellanu emitíos nel programa ‘Conexión Asturias’. Ye de reseñar que n’años anteriores, TPA emitió la retresmisión que fixo la televisión pública francesa del desfile de Lorient o de la Gran Nueche, siempre con una locución n’asturianu. Anguaño, coincidiendo col Añu d’Asturies nesta fiesta de la música, la cultura y les llingües de los países celtes, la dirección de RTPA vuelve dar un pasu atrás con un refritu en castellanu qu’intenten colar como un espaciu n’asturianu.

(more…)

Read Full Post »

“Nel plazu de tiempu más curtiu posible, nun digo selmanes, pero sí meses, mui pronto, pue haber información diaria y selmanal en llingua asturiana” nos informativos de TPA, anunció Francisco González Orejas, direutor xeneral en funciones de RTPA. D’esta forma l’ente va facer cumplimientu de la propuesta de resolución presentada por Podemos sobre la presencia del idioma nel ente aprobada pola Xunta Xeneral nel Alderique d’Orientación Política Xeneral celebráu’l mes pasáu.

Na mesma, presentada por Podemos y apoyada pola Federación Socialista Asturiana (FSA-PSOE), Partido Popular (PP), Asturies pela Izquierda (IX-IAS) y el diputáu de Foro, Pumares –votaron en contra Ciudadanos y VOX, y astuviéronse Pedro Leal y Luis Armando Fernández Bartólome–, encamentábase al Conseyu de Gobiernu a “tomar toles midíes necesaries pa garantizar la presencia de les llingües propies d’Asturies na programación de la RTPA, con un tratamiento dignu, global y permanente”. “Nos dos conseyos d’alministración últimos falóse d’esto”, apuntó güei González Orejas na Comisión de Presidencia a una entruga del diputáu moráu Rafael Palacios, considerando que por dignu “ye que tenga un tratamientu dignificáu y entendemos, anque pue haber opiniones que nun tea enteramente d’alcuerdu, que nos programes s’utiliza de forma digna l’asturianu”, y por global y permanente “que se trataba de los informativos”.

(more…)

Read Full Post »

La escena sonora asturiana enllenó’l Teatru de Llaboral-Ciudá de la Cultura pa homenaxar al músicu y dibuxante de cómic Ígor Medio, nel primer conciertu en gran formatu de la música asturiana depués de la pandemia.

‘El Conciertu d’Ígor Medio’, enmarcáu na 43 Selmana de les Lletres Asturianes, dedicada al músicu y dibuxante que morrió nun accidente de carretera nel 2006, cuntó con un públicu entregáu y l’asistencia de la conseyera de Cultura, Política Llingüística y Turismu, Berta Piñán.

(more…)

Read Full Post »

La Xunta pola Defensa de la Llingua Asturiana (XDLA) denuncia que, a diferencia de lo qu’asocede con otres televisiones autonómiques de territorios con llingua propia, TPA dedicó “cero minutos a la emisión de programación infantil n’asturianu” esta Navidá. Les poques películes pa la reciella emitíes foron producciones “con un doblaxe al castellanu fechu por empreses madrilanes o catalanes”.

“Quier dicise, TPA dedicó’l so presupuestu a ufrir los mesmos conteníos que puen vese en televisiones como Clan, Boing, Neox o Cartoon Network”, critica esti coleutivu, que llamenta “que nada cambió na radiotelevisión pública nos últimos dos años”. Asina apunta que “nun hai programación infantil n’asturianu, la toponimia oficial ta marxinada, namás s’emiten programes nel nuestru idioma si paga la Conseyería de Cultura y l’asturianu ta vetao nos programes informativos y deportivos. Too eso a pesar de les palabres bones del Gobiernu actual hacia’l nuestru patrimoniu llingüísticu”.

(more…)

Read Full Post »

El proyeutu de Presupuestos del 2022 dedica a la promoción del asturianu 2.205.441 euros, un 0,04 por cientu del total, incluyíos los gastos de personal y corrientes de la Direición Xeneral de Política Llingüística. Son 128.170 euros más qu’esti añu, lo que supón una medra del 6,17 por cientu, inferior al del 2021, del 9,06 por cientu.

Esta mañana’l Gobiernu aprobó’l proyeutu de Llei de Presupuestos Xenerales del Principáu d’Asturies 2022, por un importe de 5.354 millones, 17 más que nel 2021. D’ellos 2.205.441 euros van pa la promoción del asturianu, polos 2.077.271 de les cuentes actuales y los 1.904.630 del 2019.

(more…)

Read Full Post »

Los asturfalantes son los que mantienen al asturiano vivo en medio del debate político sobre su cooficialidad. El perfil de las personas que practican el asturiano en su vida diaria es variado, compuesto por mayores y jóvenes, de distintas clases sociales. Un rasgo común entre ellos es la tradición familiar que les acompaña, de abuelos, a padres y de padres a hijos. Defienden la cultura de su tierra a través del asturiano. Los asturfalantes reclaman el derecho total a usar su lengua y que esté reconocida al mismo nivel que tienen otras lenguas en otras comunidades autonómas.

Xuan Miyar, 69 años. Jubilado: «En 2011 empecé a hacer cursos en asturiano» 

Xuan Miyar tiene 69 años y ha hablado asturiano durante toda su vida. De hecho, sus cuatro abuelos solo hablaban asturiano. Él nació en Seloriu, Villaviciosa pero vivió en Gijón, donde reside en la actualidad, gran parte de su vida. Durante su vida laboral ocupó un puesto de mando intermedio en una empresa minicipal de transportes urbanos de Gijón, y ahora está jubilado. El asturiano siempre le llamó la atención, fue la lengua con la que se crió y la que aprendió siendo un guaje. Fue a partir de 2011 cuando sus ganas de conocer el asturiano aumentaron. Comenzó con los cursos en Iniciativa pol Asturianu y ahora también domina la gramática, «antes solo falaba». Gracias a ese aprendizaje, Xuan colabora en el periódico digital Villaviciosa Hermosa, en la sección «N’asturianu presta más», donde escribe relatos y cuentos en asturiano. 

(more…)

Read Full Post »

El director xeneral de la Radio Televisión Pública del Principáu d’Asturies (RTPA), Francisco González Orejas, pidió esti llunes a los diputaos de la Xunta Xeneral qu’ellaboren un mandatu marcu pal ente públicu nel que se fixen los porcentaxes de programación. “Sería muncho más cómodu pa nós siguir esi mandatu marcu”, aseguró.

Na so intervención na Comisión de Control de la Radiotelevisión del Principáu d’Asturies, SAU, González Orejas señaló que nesti mandatu marcu podríen incluyise los porcentaxes de programación cultural, infantil, xuvenil, musical o n’asturianu y gallego-asturianu en función de lo qu’establezan los partíos de la Xunta Xeneral.

(more…)

Read Full Post »

L. ORDÓÑEZ

El director xeneral de Política Llingüística, Antón García, fala de plazos y costes de la oficialidá, de la sentencia del Tribunal Constitucional sobre l’usu del asturianu na Xunta Xeneral y de la llingua na RTPA.

-Per primer vegada paez qu’hai una mayoría parlamentaria favorable a aprobar la oficialidá, más allá de los cambios nos partíos, ¿cuál cree que foi’l tresformamientu social que permitió llegar hasta equí?

-Estes cuatro décades de democracia crearon conciencia sobre’l valir de les llingües propies d’Asturies. La mayor parte de la sociedá asturiana ta d’alcuerdu en que paga la pena facer un esfuerzu pa que esta manera de comunicanos, qu’identifica a la xente d’equí dende va mil años, siga viva. L’apoyu ente la mocedá ye mui altu, lo que permite ser optimista de cara al futuru, y eso tien el natural reflexu nel parlamentu asturianu.

– El Tribunal Constitucional dictó una sentencia recién bien relevante sobre l’usu del asturianu na Xunta Xeneral ¿cómo la valora?

-Ye una sentencia d’un enorme valor. Sobre l’asturianu, casi siempre que’l Tribunal Constitucional se pronunciaba, nun entraba en materia, facía referencies a cuestiones de forma o similares. Nesta sentencia determina que la Constitución Española, nel artículu 3.3, ampara les llingües reconocíes estaturiamente que nun son oficiales, que tienen derechos y pa les que les alministraciones tienen deberes. Ye la llinia xurídica na que trabayaba esti Gobiernu y allégranos tener el respaldu del Altu Tribunal.

(more…)

Read Full Post »

La Xunta pola Defensa de la Llingua (XDLA) vieno acabante entamar entama una campaña pa reclamar a TPA dibuxos animaos n’asturianual al traviés de redes sociales con imáxenes de los personaxes más conocíos de l’animación mundial que van pidir a la dirección de la radiotelevisión pública, al Gobiernu autonómicu y a Adrián Barbón poder falar nel nuestru idioma.

La Xunta pola Defensa de la Llingua Asturiana (XDLA) entama estes navidaes la campaña ‘¡Queremos que nos dexen falar n’asturianu!’ pa esixir la puesta en marcha en TPA d’una programación infantil nel nuestru idioma. Esta iniciativa va espardese al traviés de redes sociales con imáxenes de los personaxes más conocíos de la historia de l’animación mundial que van reclamar a la dirección de TPA y al mesmu Gobiernu que-yos dexe falar n’asturianu.

(more…)

Read Full Post »

Older Posts »