Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.
Posts Tagged ‘Rafa R. Valdés’
El seminariu d’Iniciativa va centrase en ‘reflexones y casos d’ésitu’ pa “dar lluz sobre les cuestiones que tán discutiéndose al rodiu la oficialidá”
Posted in Ansino / Educación, Asturies, Audiovisual, Comunicación /Comunicaçon, Política lhenguística / Política llingüística, Uvieo, tagged Andrea González González, Antonio Trevín, David Coto, Eduardo Lagar, Emma Rodríguez García, Felechosa, Francisco Javier García Valledor, Inaciu Galán, Iniciativa pol Asturianu, José Suárez Arias-Cachero, Leopoldo Tolivar Alas, Luis Arias Argüelles-Meres, Manuel Vázquez Portomeñe, Marta Mori, Maxi Fernández Otero, Mónica Rodríguez Riesgo, Miguel Rojo, Montserrat Machicado, Noelia de Prado, Pachi Poncela, Penélope Miranda, Rafa R. Valdés, Santiago García Granda, Silver Alonso, Victoria Rodríguez Escudero, Xicu Mata, Xosé Daniel Rodríguez Arias, Xuan Candano on Maio 15, 2019| Leave a Comment »
PABLO R. GUARDADO
L’ex presidente Antonio Trevín, el xurista Leopoldo Tolivar Alas y l’ex conseyeru y ún de los padres del estatutu gallegu Víctor Manuel Vázquez Portomeñe son dalgunos de los participantes nel II Seminariu ‘Oficialidá, el camín constitucional pal futuru del asturianu’. Ésti va tratar de “dar lluz sobre les cuestiones que tán discutiénsose al rodiu la oficialidá”, asegura Inaciu Galán.
La tarde del vienres y la mañana del sábadu l’Edificiu Históricu de la Universidá d’Uviéu va tornar a acoyer a espertos de dellos campos p’aldericar sobre la oficialidá del asturianu. La esperiencia del añu pasáu, con aforu completu y esperiencies mui arriquecidores, anima a Iniciativa pol Asturianu a repetir modelu nun momentu clave, a les puertes de les eleiciones del día 26, enfocándolu nesta ocasión en ‘reflexones y casos d’éstiu’.
Tierra alantre, la mesma fala 