II Xornaes de Normalización Llingüística nos Conceyos

El Centru de Cultura Antiguu Institutu va acoyer los díes 13, 14 y 15 de payares les II Xornaes sobre la Normalización Llingüística nos Conceyos, organizaes pola Oficina de Normalización Llingüística de Xixón cola collaboración de la Rede de Normalización Llingüística nos Conceyos.

Pasaren yá trece años dende les primeres xornaes, y magar que s’avanzó abondo na normalización, entá queda munchu camín por percorrer, y albidramos que ye un momentu afayadizu pa poner les cartes enriba la mesa y afondar nes distintes esperiencies de normalización llingüística de les llingües del Estáu español.

Read Full Post »

Asoleyáu’l programa del Día de la Reciella 2014

El Día la Reciella, aventu qu’organiza l’asociación “Reciella: Families pol asturianu” y que va tener llugar esti domingu 5 d’ochobre nel Muséu del Pueblu d’Asturies, yá tien programa zarráu.

Lo mesmo que na primer edición, celebrada nel mes de setiembre del añu pasáu, la programación, qu’entama a les 11 la mañana y rematará a les 7 la tarde cola danza prima, ta enllena d’actividaes de toa triba, simpre col asturianu como idioma vehicular.

Asina a partir de les 11.00 la mañana les asociaciones Trebeyos y Esbilla, van empobinar dos espacios con xuegos medievales y tradicionales asturianos respectivamente.

Read Full Post »

Samartín entama una campaña pa reforzar l’usu de los topónimos tradicionales ente la población

‘Los nomes de llugar nun tienen preciu’ ye’l nome de la campaña qu’entama Samartín del Rei Aurelio pa reforzar l’usu de los topónimos tradicionales, agora oficiales, ente la población. L’alcalde Fernández participa de forma activa.

La Oficina de Normalización Llingüística de Samartín del Rei Aurelio editó un total de 2.000 chapes metáliques colos nomes de los 52 topónimos mayores del conceyu que se van repartir ente la población, a lo qu’hai que sumar pegatines col nome del conceyu y cartelos promocionales de la campaña que van distribuyise n’edificios públicos como biblioteques, polideportivos o telecentros. L’oxetivu ye “reforzar l’usu de la toponimia oficial del conceyu, aprobada por decretu nel añu 2008”, señalen dende’l SNL que dirixe Hugo Fanjul. Completa esta iniciativa un videu de Pablo A. Quiroga nel qu’apaecen l’alcalde Enrique Fernández, l’ilustrador Alfonso Zapico, el cantante Chus Pedro y Aurora Suárez, direutora de Refaxu, comentando la so rellación con dalguna de les poblaciones del conceyu utilizando la forma asturiana.

Read Full Post »

Ábrese la convocatoria del X Concursu de Cuentos Curtios del Conceyu de Cangas del Narcea

El Conceyu de Cangas del Narcea ta acabante d’abrir la convocatoria del X Concursu de Cuentos Curtios, destináu a mayores de 16 años. Toles persones interesaes en participar tienen hasta’l 10 d’avientu pa presentar les sos obres.

El concursu, como asocede dende’l so entamu, ta dividíu en dos estayes: asturianu occidental y asturianu estándar. Por esti motivu, va contar con dos ganadores, que van llevase 400 euros de premiu caún. Según marquen les bases del certame lliterariu, los trabayos presentaos han de ser inéditos, con una estensión mínima de cinco fueyes y máxima de venti, en formatu DIN-A4 y a espaciu doble. La temática ye llibre.

Read Full Post »

Una esposición celebra 10 años de los Servicios de Normalización Llingüística n’Asturies

Esti xueves, 4 d’ochobre, a la una la tarde, va inaugurase “10 años normalizando”, una esposición que ye amuesa de los materiales editaos nestos 10 años polos Servicios de Normalización Llingüística d’Asturies. Cola collaboración y el sofitu del Centru Comercial Caudalia, la Rede de Normalización Llingüística nos Conceyos fadrá un repasu de los sos 10 años de trabayu esponiendo los materiales de les sos campañes nel centru comercial de la cuenca del Caudal, en Mieres.

La Rede de Normalización Llingüística nos Conceyos fai nesta esposición un repasu pol trabayu desenvolvíu nos 10 últimos años de llabor, dende l’apertura del primer serviciu de normalización llingüística, el de Llangréu, hasta l’apertura del últimu, el de la Mancomunidá d ‘Ozcos-Eo, pasando pola puesta en marcha del de L.lena, Xixón, Mieres, Samartín del Rei Aurelio, Avilés, Siero, Cangas, Comarca la Sidra, Mancomunidá del Cabu Peñes, Llaviana, Corvera y Parque Históricu del Navia, que formen el total de sedes actives de los servicios asturianos.

Read Full Post »

«Invertir na normalización nun ye tirar les perres a la basura, ye invertir y creer n’Asturies»

DAMIÁN BARREIRO

El miércoles 26 de setiembre, los responsables de los Servicios de Normalización Llingüística (SNL) aconceyaron cola directora xeneral de Política Llingüística, Ana Fueyo, pa falar de los problemes y el futuru d’estes oficines municipales. Penélope Miranda, responsable del serviciu de L.lena dende la so apertura nel 2004 y presidenta de l’Asociación de Trabayadores de la Normalización Llingüística, comenta nesta entrevista los temes trataos con Fueyo y fala de la sitación actual de los SNL.

¿Qué impresión saquen del primer alcuentru cola directora xeneral?
Foi la primer xunta que tuvimos cola Dirección Xeneral nueva. La impresión que saquemos de la reunión foi bona. Vimos una intención d’escuchar los problemes colos que nos enfrentamos los responsables de los servicios de normalización y una predisposposición mui positiva a trabayar conxuntamente.

Read Full Post »

Suárez Fernández: “No que respeuta al usu de la toponimia oficial resisten inercies d’époques anteriores”

PABLO R. GUARDADO

El Serviciu de Normalización Llingüística de la Mancomunidá de La Sidra ta acabante de poner en marcha delles iniciatives. L’escritor Pablo Suárez Fernández (Orviz, 1981), conocíu nel mundu lliterariu como Pablo X. Suárez, ye’l so responsable.

¿Cuándo abrió’l SNL de la Mancomunidá de La Sidra?
El Serviciu de Normalización entamó a funcionar nel añu 2005. Yo llevo dende l’añu 2009, depués de qu’otres trés persones s’encargaren d’él anteriormente.

¿Qué supunxo pa los conceyos de la zona la puesta en marcha d’esta oficina de la llingua?
Principalmente, da-y una mayor visibilidá al asturianu nos diferentes conceyos. Angüaño hai yá un camín perrecorríu en cuantes a señalización toponímica, cartelería n’edificios públicos y presencia de la llingua na comunicación institucional. Sicasí, entá más llargu ye’l camín que queda por percorrer.

Read Full Post »