La XDLA reclama que se complete la normalización toponímica na rede de ferrocarriles n’Asturies

La Xunta pola Defensa de la Llingua Asturiana (XDLA) reclamó esti vienres que se complete la normalización toponímica na rede de ferrocarriles n’Asturies. Nesi sentíu, criticaron que l’aplicación nueva ConeCTA nun respeta dafechu los topónimos oficiales.

L’asociación recordó al traviés de nota de prensa que dende 2020 presentaron informes y tuvieron alcuentros col Gobiernu asturianu pa tratar esi tema. Una situación que frutió en “avances” como l’usu de la toponimia na mayoría de pantalles informatives y na cartelería de les estaciones. Sicasí, afirmen qu’esi usu ye “incompletu” porque dientro de los trenes, en megafonía, redes sociales, páxines webs y aplicaciones móviles la toponimia asturiana ye “inexistente”.

Read Full Post »

La XDLA pide a ADIF y Renfe un usu “más cuidadosu” de la toponimia oficial

La Xunta pola Defensa de la Llingua Asturiana (XDLA) reclamó esti martes a ADIF y RENFE un usu “más rigorosu y integral” de la toponimia oficial d’Asturies, “con atención especial a les redes sociales, páxines webs y aplicaciones móviles”.

Al traviés de nota de prensa, la organización indicó que la toponimia nun ta presente nes pantalles informatives de Renfe de les estaciones d’Uviéu y Xixón y que tovía nun s’usa nes pantalles y avisos sonoros dientro de los trenes, nes aplicaciones móviles de les dos compañíes, nes páxines webs y nes redes sociales.

Read Full Post »

El Principáu y Renfe esperen que la toponimia empiece a aplicase nes estaciones “nun plazu curtiu”

El Gobiernu asturianu y Renfe esperen que la toponimia asturiana empiece a aplicase de manera “integral y gradual” nes estaciones de ferrocarril asturiana “nun plazu curtiu de tiempu”.

El director de Política Llingüística, Antón García, reunióse esti miércoles col xerente d’Área Norte Viaxeros de Renfe, Mariano Santiso, nel marcu de les conversaciones que la Conseyería de Cultura lleva a cabu pal usu de la toponimia oficializada nes infraestructures ferroviaries n’Asturies.

Read Full Post »

Un informe de la XDLA detalla los incumplimientos en materia toponímica na rede ferroviaria

PABLO R. GUARDADO

Los responsables d’ADIF y RENFE, amás de dellos departamentos del Gobiernu, yá tienen enriba la mesa un ‘Informe sobre l’incumplimientu de la toponimia oficial na rede de ferrocarril d’Asturies’ asoleyáu pola Xunta pola Defensa de la Llingua Asturiana (XDLA). Esti coleutivu recuerda la importancia que tien el so usu y la illegalidá que supón qu’un organismu públicu nun la emplegue.

El documentu analiza los nomes oficiales de les 207 estaciones de ferrocarril asturianes “y cómo ADIF – empresa pública estatal alministradora de la rede– , RENFE –empresa pública estatal esplotadora de la rede– y CTA –Consorciu de Tresportes d’Asturies, entidá dependiente del Gobiernu d’Asturies–, nun respeten la llegalidá toponímica”. Magar la claridá llegal, la toponimia oficial d’Asturies “incúmplese sistemáticamente nos avisos sonoros de los trenes, nes señales d’andenes y estaciones, nos cartelos y paneles d’horarios y nes redes sociales, páxines webs y aplicaciones móviles de RENFE, ADIF y CTA”, esplica la XDLA.

Read Full Post »

Renfe nun usa la toponimia oficial asturiana porque “nun ye una de les llingües oficiales d’España”

Renfe nun usa la toponimia tradicional asturiana de los conceyos onde esta ye oficial porque “la web y les estaciones tán nos idiomes oficiales d’España”.

Esta ye la respuesta, recoyida por Europa Press, qu’ufrió la principal operadora ferroviaria española, dependiente del Ministeriu de Fomentu, al traviés del so twitter a un usuariu que entrugó a RENFE porque nun recoyíen na so web la toponimia oficial asturiana y si diben a iguar esi “erru”.

“Nun hai nengún erru, la web y les estaciones tán nos idiomes oficiales d’España”, respondieron dende Renfe, que tamién esplicó que la web ta en castellanu, catalán, gallegu, vascu “y tamién nos otros idiomes estranxeros pa los compradores d’otros países”.

Read Full Post »

La oficialidad, en el cruce de caminos

LUIS ORDÓÑEZ

La situación jurídica de la lengua asturiana es una «anomalía», en España y en Europa, a juicio de José Manuel Pérez, letrado del Tribunal Constitucional, por encontrarse en una tierra de nadie, un limbo a medio camino entre el ostracismo y un reconocimiento (el concedido por la vigente Ley de Uso del Estatuto de autonomía) que no llega a la oficialidad.

En el congreso de la Federación Socialista Asturiana aprobaba ayer la enmienda -respaldada por una veintena de agrupaciones, entre ellas las de Oviedo y Gijón- a favor de la oficialidad con la vista puesta en una futura reforma del Estatuto. Aparte de los factores internos de las preferencias de distintas familias del socialismo asturiano, es también reflejo de un cambio generacional y una evolución a posiciones más abiertas hacia el asturiano en la sociedad.

Pérez es tajante, la oficialidad como tal pasa por una reforma del Estatuto, un paso que califica de «lógico y sin traumatismo» con dos consecuencias fundamentales para el ciudadano, las relativas a las comunicaciones con la Administración y las que tiene que ver con la educación. En ningún caso con imposición alguna a los ciudadanos.

Read Full Post »

Iniciativa Pol Asturianu acusa a Renfe de nun respetar la toponimia oficial no sos nuevos carteles

Iniciativa Pol Asturianu denunció públicamente esti llunes que la principal operadora ferroviaria d’España, Renfe/FEVE ta instalando nuevos carteles nes estaciones d’Asturies, nos que les llingues utilizaes son el castellán y el inglés, “escaciendo dafechamente la llingua propia de la nuesa comunidá”.

Por ello, Iniciativa pol Asturianu mostró “el so descontentu con esta situación de marxinación pal col nuesu idioma”. “Puesto que, la rede de ferrocarriles, non solo nun lo utiliza nes informaciones, sinon qu’incumple la normativa vixente no tocante a la toponimia de les propies estaciones”, añadió l’asociación.

Read Full Post »