Alicia Álvarez dedica’l llibru ‘Asturianes’ a muyeres que participaron “na construcción de la nuestra historia”

 PABLO R. GUARDADO

“Nun ye necesario dir mui lloñe pa buscar referentes femeninos” n’Asturies, apunten dende La Fabriquina, qu’asoleya con ‘Asturianes’ el primer títulu del so catálogu pa un públicu adultu y mozu. Alicia Álvarez, apoyada nes ilustraciones de María Ortiz, allega al llector les vides y conquistes de venti muyeres o coleutivos del país “que contribuyeron colos sos llogros a rozar el camín de la igualdá”.

Aida Lafuente, Margarita Salas, Corín Tellado, les cigarreres, Xosefa Xovellanos, la Busdonga o Rosa Fernández son dalgunes de les asturianes que protagonicen esti proyeutu nuevu de la periodista, escritora y música. Persones que “ensin el so inconformismu y la so valentía nun sedría posible recuperar el papel activu que per sieglos se-yos negó a les muyeres na sociedá”, espliquen.

Read Full Post »

Llastres abre’l númberu 5 de la revista ‘Friúz’

Esti mes pasáu espublizábase’l númberu 5 de la revista en llingua asturiana ‘Friúz’, qu’edita l’asociación El Ronchel de manera trimestral y qu’afonda na cultura de los conceyos de Villaviciosa, Cabranes y Colunga. Un pueblu d’esti conceyu últimu, Llastres, protagoniza la portada nesta ocasión, con una semeya antigua del puertu, acompañáu d’un artículu de Victorero na páxina 2 sobre les artes de pesca nel llugar.

Completen esti exemplar un reportaxe sobre la presencia de ‘El bable de Cabranes’, de María Xosefa Canellada, na biblioteca nueva d’Alexandría; una serie de noticies sobre la Selmana de les Lletres Asturianes; un artículu sobre’l fotógrafu Chema Madoz; un cuentu de Mel Riva; y un análisis de la pallabra ‘canibú’ a cargu de Lluis Portal, coordinador de la revista. El conseyu de redaición de ‘Friúz’ ta formáu por Miguel González Pereda, Xuan Pedrayes, Toño García, Salvador Barro, Marga Solares, Victorero, Rosa Fernández y Senén Rivero.

ANEXU: ‘Friúz’ númberu 5.

(d’Asturies.com, 06-06-2017)

Read Full Post »

«El papel de la mujer en la transmisión de la literatura oral ha sido fundamental»

M. F. ANTUÑA

«La literatura tradicional es universal». Los argumentos de los cuentos se repiten aquí y en Alemania. Pero, pese a que no existen relatos tradicionales exclusivos de Asturias, sino versiones de otros cuentos universales, la filóloga Marta López Fernández (Navelgas, Tineo, 1976) se ha afanado en leer sin prisa y con ánimo investigador todos esos cuentos para encontrar elementos propios que caractericen la figura de la mujer. Ayer presentó sus conclusiones en las XXXV Xornaes Internacionales D’estudiu que celebra en la Facultad de Filosofía y Letras de Oviedo la Academia de la Llingua Asturiana.

«Intenté encontrar algunas características propias, pero los argumentos se repiten en todos los sitios, de modo que lo más particular es que la lengua asturiana se mantiene muy viva en la transmisión oral», relata la investigadora, que ha analizado cientos de cuentos, comenzando por las recopilaciones de Aurelio de Llano y Constantino Cabal y siguiendo por colecciones más modernas como las publicadas por Jesús Suárez López.

Read Full Post »

Alcoceba: ‘La cantidá d’actividaes al aire llibre que se pueden facer n’Asturies ye ablucante’

Coincidiendo col Mundial d’Escalada que tuvo llugar en Xixón en setiembre, la Oficina de Normalización Llingüística de la ciudá decidió dedicar el pallabreru qu’asoleya tolos años a esti deporte. Berto Xuan Alcoceba Rodrigue (Xixón, 1981) ye’l responsable del ‘Pallabreru del Monte y la Escalada’.

¿Cómo surdió la posibilidá d’encargase d’esti proyeutu?
Supongo que fue por pura casualidá. Xosé Nel Riesgo buscaba a dalguien que pudiera facer esti encargu aprovechando’l campionatu d’Escalada y contactó con Xesús Manteca, pernomáu espeleólogu collaborador davezu de ‘Al filo de lo imposible’. Él suel siguier el mió blogue ‘Camudando’l camín’ y tenemos amistá virtual na rede social, asona que supongo que-y paeció bona idega encomendame a min esti trabayu.

Lo siguiente foi más casualidá tovía, yá que Xosé Nel para per un chigre d’al llau de mio casa. Poro, taba un día tomando daqué y atacóme a la entruga de si yo yera Berto Xuan Alcoceba y si quería facer el pallabreru de la Escalada. Nun podía dicir que non. Falar del monte y la escalada n’asturianu… ¡Que más se pue pidir!

Read Full Post »

Presentóse´l Pallabreru del monte y la escalada

La Oficina de Normalización Llingüística del Ayuntamientu de Xixón presentó´l xueves 11 de setiembre nel Antiguu Institutu Xovellanos a les 13.00 hores, el Pallabreru del monte y la escalada, continuando d´esta miente col llabor de difusión, usu y normalización del asturianu nel Conceyu. Nesta ocasión, realízase coincidiendo xusto col Campeonatu Mundial d’Escalada qu’entama la Federación Internacional d’Escalada de Competición col sofitu del Patronatu Deportivu Municipal del Ayuntamientu de Xixón/Gijón, y que se cellebra del 8 al 14 de setiembre.

En Xixón y n´Asturies, cuntamos con muncha xente que practica esti deporte en dalguna deles sos especialidaes. Poro, nun ye raro esta afición, si camentamos que´l nuesu país, ta enllenu de montes que permiten non sólo algamar -col conocimientu del mediu y col dominiu de les técniques a emplegar y coles habilidaes d´unu mesmu-, cotes d´axilidá, rapidez… sinón tamién conocer los requexos que nos aguarda en cada percorríu (marcha), esfrutar del paisaxe y sentir l´afán de superación cuando se llega al puntu de destín.

Read Full Post »