Feeds:
Antradas
Comentairos

Posts Tagged ‘Rosa Lídia Coimbra’

El númberu 123 de Lletres Asturianes llega esta selmana a los dos sitios web onde pue lleese y descargase: REUNIDO, la plataforma de revistes de la Universidá d’Uviéu y la páxina oficial de la publicación. Nesta edición d’ochobre de 2020, Lletres Asturianes xunta diez contribuciones bien variaes, que van dende la lliteratura a la educación, pasando pela espresión oral, el cine o’l léxicu.

Nel apartáu Trabayos d’investigación, Lucia Molinu (Universidá Toulouse II) fala d’empréstamos n’asturianu, José Enrique Gargallo (Universidá de Barcelona) estudia los refranes meteorolóxicos, Josefa Dorta (Universidá de La Laguna) contrasta la prosodia del asturianu y el canariu y Rosa Lídia Coimbra y collaboradores (Universidá d’Aveiro) tamién ensayen nel ámbitu de la prosodia nel nordeste portugués. Pel so llau, Jaime Peña (Universidá Complutense de Madrid) recueye la contribución al léxicu asturianu de Gumersindo Laverde, Roberto Avello y Alberto Fernández-Costales (Universidá d’Uviéu) reflexonen sobre les posibilidaes didáutiques de la traducción audiovisual na enseñanza del asturianu y Xosé Lluis García Arias (ALLA) presenta dos poemes poco conocíos.

Na seición D’otra miente, los académicos Fernández Conde y García Arias comparen Concilium Coiacense y Conceyu de Coyanza y el cineasta Ramón Lluis Bande espón un cine nacional asturianu posible. P’acabu, Pilar Fidalgo (ALLA) reseña’l volume séptimu del Petit Atles Lingüístic del Domini Català de Joan Veny.

Lletres Asturianes espubliza, dende 1982, trabayos científicos orixinales centraos na llingua y la lliteratura asturianes, entendíes nun sen ampliu y na so rellación col ámbitu hispánicu y románicu.

ANEXU: Lletres Asturianes 123.

(de l’Academia de la Llingua Asturiana, 22-10-2020)

Read Full Post »

S.D.M.

Cine, llingua de signos, gramática, cultura popular. L’Academia de la Llingua Asturiana completó un ampliu programa para les 38 Xornaes Internacionales d’Estudiu que se van celebrar n’Uviéu los díes 5, 6 y 7 de payares, na Facultá de Filosofía y Lletres. Una ventena d’actividades conformen el cartelu que yá ta disponible na web oficial de la institución.

A les persones matriculaes y qu’asistan a les Xornaes daráse-yos un certificáu acreitativu, asina que ye necesariu realizar una inscripción previa. La matrícula tará abierta del 21 al 31 d’ochobre. Les xornae desendolcaránse, nel Salón d’Actos de la Facultá.

(more…)

Read Full Post »

PABLO R. GUARDADO

Inaciu Galán va participar nel Cunceilho Anternacional ‘Las lhénguas nun statales i las nuobas tecnologies de l’anformaçon i de la quemunicaçon’ que va celebrase n’Aveiro. L’Associaçon de Lhéngua Mirandesa entama esti eventu.

‘Una güeyada a la situación del asturianu nes TIC’ ye’l nome de la charra que va ufrir Galán na Universidade de Aveiro’l sábadu 8 de marzu, a les 11.30 hores, dientro de les actividaes que van desarrollase nesa xornada y na que van participar periodistes y espertos en medios catalanes, gallegos, portugueses, araneses, aragoneses y mirandeses. Galán tamién va participar nuna mesa redonda sobre’l tema central del congresu, prevista pa les 15 hores, na que van participar Amadeu Ferreira, Alcides Meirinhos, Xavier Frías Conde, Francisco Castro, Anna Cortils y Sebastià Bennasar. La moderación del alderique va correr a cargu de Alberto Gómez Bautista, de la Universidade de Aveiro. (more…)

Read Full Post »