Feeds:
Antradas
Comentairos

Posts Tagged ‘Ruchar’

El pasáu 25 de febreru nel CSO El Faro de Llión, celebróse la Xornada pola Llingua Materna per parte del colectivu Ruchar-mocedá llionesa. Dientro desta xornada tuvo llugar el recital de poesía nel que se lleeron los poemes presentaos al I Certame de Poesía Combativa en Llionés, amás danunciase los ganadores.

El primer premiu foi pal poema “Cuando se ruempen las cadenas” de Daví Girón. El segundu premiu pa “La marea” d’Abel Aparicio, mientres quen tercer llugar tuvo’l poema “Llingua” d’Inaciu Galán. La intención del colectivu ye “espublizar un llibrín na web y en papel con estes obres y dellos de los poemes que se presentaron y nun resultaron premiaos.

(d’Infoasturies, 06-03-2017)

Read Full Post »

RUCHAR

El Día Internacional de la Llingua Materna, el 21 de Febreiru, cellébrase anualmente en tol mundu pa concienciar sobro la diversidá llingüística del mundu y de cumo ésta alcuéntrase en peligru.

Con eillo, eiquí no País Llionés estamos viendo cumo’l llionés alcuéntrase nuna situación de peligru estremu pola falta de fomentu, la non oficialidá y la falta de reconocimientu de los dreitos llingüísticos de los sous falantes. Asina, vemos cumo los nuesos dreitos llevan sufriendo muitu tiempu, agora, enclusu, la Xunta de Castiella y Llión y l’Estáu Español están refugando tódalas chamadas d’atención pa que cumpran col Estatutu d’Autonomía de Comunidá Autónoma.

(more…)

Read Full Post »

Anticipándose a la cellebración del Díe Internacional de la Llingua Materna -que ye’l 21 de febreru-, la Mocedá d’Izquierda Soberanista Darréu entama una Xornada Asturllionesa abierta al públicu que tendrá llugar nel Llar la Llegra, el vienres 17 de febreru.

La organización destaca que “Esti –el de la llingua materna- ye’l contestu nel que la mocedá asturiano tenemos muncho que reivindicar pa les nueses llingües propies. Esi mesmu tueru llingüísticu compartímoslu con países vecinos como’l llionés”

(more…)

Read Full Post »

RUCHAR

Entamamos esti 2017 col I Certame de Poesía Combativa en Llionés. Con esti autu queremos por un lláu siguir calteniendo viva la nuesa llingua y por outru creyar un espaciu alternativu nel que los y las artistas qu’usan el llionés pa espresase puedan coincidir pa poder seguir fomentando l’art y la lliteratura nel nuesu país, amosando a la mocedá las posibilidades que puede ofrecer un idioma cumo’l llionés na sociedá actual.

La presentación de los poemas al certame estará abierta hasta’l 23 de febreiru (cumo puédese ver nas bases). Esti I Certame tendrá cumo remate una Xornada na que los poemas presentaos podrán ser lleíos polos sous autores y autoras, amás de lleer muitas outras obras ya escritas por outros poetas. Sicasí la Xornada tamién tendrá outros autos que xirarán alredor de la llingua llionesa, ya que se realizará la Xornada en bas al Día Internacional de la Llingua Materna. (Sobro esta Xornada ya espublizaremos día, hora, llugar y tódolos detalles necesarios más alantre.)

(more…)

Read Full Post »