Feeds:
Antradas
Comentairos

Posts Tagged ‘Ruleta Rusa’

ANTÓN GARCÍA

El remediu
Daniel García Granda
Madrid, Ruleta Rusa Ediciones, 2015

Al cabu de tres años dende la so anterior entrega, l’interesante “Poemes del últimu salvaxe” (2012), el polesu Daniel García Granda regresa a la poesía de nuevu n’asturianu col llibru que fai’l númberu seis, depués de que los cuatro primeros los escribiera en castellanu. “El remediu” del títulu pue ser un nome propiu, el del llugarín del conceyu Nava, o lo que’l diccionariu define como «manera d’iguar un problema». En realidá da la impresión de que se trata de les dos coses a la vez: El Remediu como remediu. La primer sorpresa topámosla al ver que los trenta y nueve poemes del llibru nun lleven el títulu enriba: figura nel índiz que zarra’l volume. ¿Un error d’edición? Terminamos concluyendo que non, que ye la manera de facenos saber que tamos delantre d’un textu unitariu, un llargu poema que l’autor secuencia en trenta y nueve partes de variada extensión y intención.

(more…)

Read Full Post »