Feeds:
Antradas
Comentairos

Posts Tagged ‘Ruma Barbero’

La páxina web ‘Asturies, Cultura en Rede’ inauguróse esta mañana colos 10 primeros vídeos de los 50 que componen el proyeutu. Un total de 140 propuestes presentáronse a esta iniciativa de la Conseyería de Cultura, Política Llingüística y Turismu, baxo la coordinación de la Sociedá Pública de Xestión y Promoción Turística y Cultural, “cola mira de dar mayor visibilidá a los creadores asturianos, dinamizar la cultura nes redes y valorar la estraordinaria aportación del sector a la ciudadanía na llucha contra la crisis provocada pola COVID-19”.

Ente les 10 creaciones primeres hai 3 en llingua asturiana. Trátase de ‘Pantasma (Cantar, crear, tocar la pandereta)’, de Leticia González ‘Baselgas’, y ‘Tecnolóxicos, de sópitu y colo que te pille’, de Rodrigo Cuevas, na estaya de ‘Música’; y ‘Faciendo tebeos’, de Ruma Barbero, na estaya de ‘Lliteratura’.

(more…)

Read Full Post »

Yá se conoz el mediu centenar de propuestes esbillaes pa la iniciativa ‘Asturies, Cultura en Rede’, que va amosar dende’l 4 de mayu el trabayu creativu d’asturianos de cinco campos artísticos nuna plataforma web. La música y la lliteratura concentren la mayor parte de proyeutos seleicionaos en llingua asturiana.

La comisión de valoración de les propuestes de ‘Asturies, Cultura en Rede’, coordinada pola Sociedá Pública de Xestión y Promoción Turística y Cultural, aconceyó esta mañana de manera virtual a les 9 hores. D’esa xunta telemática salió la escoyeta de los 50 proyeutos que van formar parte del proyeutu entamáu nel contestu de crisis sanitaria pola pandemia de COVID-19 pa sofitar el texíu cultural asturianu y dar a conocer el llabor de creadores, artistes y investigadores del país a la ciudadanía.

(more…)

Read Full Post »

Elena Victoria Marta Fernández Poch, Rubén Sánchez Vicente y Xuan Xosé Sánchez Vicente van presentar esti vienres 6 de marzu a les 7 la tarde’l so llibru «Xuegos tradicionales asturianos». L’actu sedrá nel Salón d’Actos del Vieyu Institutu Xovellanos. Editáu pola Fundación Nueva Asturies y Trabe, a los asistentes regalaráse-yos el llibru (hasta’l fin d’esistencies disponibles nel actu).

El material reuníu nesti llibru sobre xuegos tradicionales asturianos ta dividíu n’once partes, cada una faciendo referencia a un tipu de xuegu: «Xuegos de movimientu», «Xuegos de coru o movimientu llimitáu», «Xuegos con oxetos», «Xuegos con balón», «Lluches», «Xuegos con neños pequeños», «Dellos cancios del corru y de la comba o que xugaben los pas colos fíos», «Cancios y fórmules d’escoyer», «Cancios de campamentu y escursión» y «Traballingües».

(more…)

Read Full Post »

P. A. MARÍN ESTRADAOVIEDO.

«Unos premios imprescindibles pa una sociedá activa que reclama cultura propia y de calidá»,. Así definió la Consejera de Cultura, Berta Piñán, los galardones literarios en lengua asturiana que convoca anualmente su departamento y que ayer se entregaron en el Museo Arqueológico de Asturias. La última ocasión en que la hoy representante del Gobierno regional había acudido a un acto similar fue hace dos años cuando recibió el premio Xosefa Canellada y ella misma reconoció «la sensación rara y prestosa» de hacerlo ahora desde su responsabilidad pública. La acompañaban otros cargos de la administración autonómica como la titular de Educación, Carmen Suárez o los directores generales de Cultura y Política Llingüística, Martín López-Vega y Antón García, además del vicerrector de Extensión Universitaria Francisco José Borge.

En su discurso, Piñán se comprometió a «meyorar les circunstancies nes que los nuestros creadores faen el so llabor» y aludiendo a la etapa que afronta desde el ejecutivo afirmó asumirla «pa poner lo meyor de mi siempre dende la escucha y contando cola vuestra complicidá pal trabayu que tenemos per delantre». En esa labor situó estos premios -que en algunos casos como el del Xosefa Xovellanos de narrativa cumplen cuarenta ediciones-, de los que destacó su «excelencia y la obligación d’esparder estes obres que falen de nós dende la brillantez del pensamientu de los sos autores y dende la nuestra llingua, un de los grandes patrimonios que tenemos y que tamos obligaos a caltener, defender y normalizar», expresó.

(more…)

Read Full Post »

La obra Seltegu, del dibuxante Ruma Barbero foi la ganadora de la decimoprimer edición del Premiu Alfonso Iglesias de Cómic en llingua asturiana. El premiu, convocáu y concedíu pola Conseyería de Cultura, Política Llingüística y Turismu del Gobiernu d’Asturies, tien una dotación de 5.000 euros.

El xuráu encargáu de valorar les obres, aconceyáu baxo la presidencia del director xeneral de Política Llingüística, Antón García Fernández, tuvo formáu polos autores de cómic y ilustradores Raquel Lagartos Ibáñez y Anxelu González Fernández, ganador de la edición pasada, amás de la ilustradora Sonia García Sánchez.

(more…)

Read Full Post »

PABLO R. GUARDADO

El domingu 13 d’ochobre’l Muséu del Pueblu d’Asturies va enllenase de neñes y neños y los sos familiares pa vivir una xornada llúdica y festiva en llingua asturiana dafechu. Celébrase’l VII Día de la Reciella, que va abrir la IV Entaína, carrera de relevos que simboliza la tresmisión del idioma de padres y güelos a fíos y nietos.

Les puertes van abrise a les 11 hores, cuando comience la inscripción –yá se pue formalizar al traviés d’esti enllaz –pa esta prueba pa tolos públicos con salida na bolera a les 11.30 hores. Nun va ser l’atletismu la única modalidá deportiva del día, yá que van entamase un cuadrín de fútbol (12.30 hores), xuegos de baloncestu (14 hores) y un taller-exhibición de skate (16.30 hores).

(more…)

Read Full Post »

El mundo de la cultura asturiana y el de su escena folk perdían ayer a uno de sus referentes claves, el multinstrumentista Elías García. El músico, de 51 años, fue hallado muerto en su domicilio de Meres (Siero) por un amigo y desde que se difundió la triste noticia la conmoción fue extendiéndose entre sus muchos seres queridos y entre todos los que le conocieron, compartiendo con él proyectos artísticos y un mismo interés por la renovación de la tradición asturiana. Biólogo de formación y especialista en ornitología, fundó en 1984 junto a Fonsu Mielgo y Marcos Llope el grupo Llan de Cubel, colaborando a partir de entonces con la mayoría de los conjuntos de música tradicional que siguieron el camino abierto por esa banda. En la actualidad formaba parte de los grupos Felpeyu y Tuenda.

Intérprete excepcional del violín, la guitarra acústica y sobre todo el bouzuki, fue con este último instrumento con el que contribuyó a imprimir un sonido propio a las bandas en las que tocó y al nuevo folk asturiano en general. El gaitero Xuacu Amieva evocaba ayer su presencia en el concierto de homenaje que recibió en el Teatro Filarmónica el pasado año y cómo lo conoció, cuando García y su amigo Xuan Nel Expósito, siendo apenas unos adolescentes, acudían a los ensayos del grupo Beleño para seguirlos con una pasión que pronto se traduciría en la génesis de Llan de Cubel. Su debut fue en diciembre de 1984 durante un concierto de Arpa Céltica. Era el comienzo de una carrera en la que participaría en la grabación de los seis álbumes de la banda ‘pixueto-uvieína’ y en los de otros artistas como el propio Amieva y su disco ‘Xostrando’. En 1993 se integraría en Felpeyu y una década más tarde en el trío Tuenda, junto a Xosé Antón ‘Ambás’ y Pepín de Muñalén, con el que colaboró en el programa ‘Camín de Cantares’ de TPA. Sus últimos proyectos lo llevaron a trabajar con el guitarrista Rubén Bada y la cantante Mapi Quintana.

(more…)

Read Full Post »

Ayeri presentóse nel estand de Xixón na Feria de Muestres d’Asturies el cómic “Les 7 maraviyes de Xixón”. Esti trabayu, realizáu por Ruma Barbero col puxu de Xixón Turismu y la collaboración de la Oficina de Normalización Llingüística, amuesa, per aciu de personaxes de la mitoloxía asturiana, los siete recursos turísticos más destacaos na ciudá asturiana: l’Acuariu, les sableres, el parque Isabel La Católica, Llaboral Ciudá de la Cultura, el Xardín Botánicu, l’estadiu d’El Molinón Enrique Castro Quini y Cimavilla.

El trabayu ye arte de les aiciones entamaes por Xixón Turismu de collaboración colos ciudadanos y ciudadanes de la ciudá pa implicalos na promoción turística. La idega surdió nel cursu escolar 2017-18, cuando Xixón Turismu trabayó colos escolinos y escolines del C.P. Santa Olaya pa escoyer los 7 recursos (maraviyes) qu’ellos recomendaríen a los nuesos visitantes más pequeños. D’aquel trabayu surdió un planu infantil con diseños de Ruma Barbero, que s’espublizó n’asturianu y que se reparte nes oficines d’Infoxixón.

(more…)

Read Full Post »

El Comité de Solidaridá con América Llatina publica un cómic sobre la vida del guerrilleru asturianu Gaspar García Laviana. «Gaspar a tiempu completu» ye un homenaxe a los 40 años de la so muerte realizáu pol dibuxante Ruma Barbero. El cómic va presentase esti llunes 3 d’aviente a les 19.00 hores nel Toma 3, en Xixón.

Nacíu na cuenca minera, Gaspar foi a Nicaragua como cura católicu y ellí, tresformáu pola dura realidá de les inxusticies imperantes, optañi por apoyar y axuntase a la guerrilla sandinista, que combatía a los siguidores de Somoza. La so muerte en combate producióse’l 11 d’avientu de 1978, siendo nesi tiempu comandante guerrilleru del FSLN.

(more…)

Read Full Post »

Esta selmana entamó a repartise’l planu infantil nuevu de @GijonTurismo coles “7 maraviyes de Xixón”, dibuxos de Ruma Barbero y testos del alumnáu d’asturianu del CP Santa Olaya.

El planu de Xixón amuesa información sobre l’Acuariu, les Sableres, el parque Isabel La Católica, la Llaboral y dellos otros llugares d’interés pa visitar colos neños y les neñes. Y tamién inclúi información sobre mitoloxía, cultura tradicional y recueye xuegos como sopes de lletres.

El planu pue recoyese en toles Oficines d’Información Turística de Xixón.

(d’Asturnews, 07-06-2018)

Read Full Post »

Older Posts »