Feeds:
Antradas
Comentairos

Posts Tagged ‘Samuel Castro’

El fundador d’Ediciones Trabe, Antón García, y la codireutora de la editorial anguaño, Esther Prieto, protagonizaron esti miércoles un actu na Casona del Bravial. Nél repasaron la trayeutoria de la empresa uviedina nos sos 21 años de vida.

El que fora direutor de Trabe hasta 2007 recordó na so intervención el primer llibru qu’espublizó, ‘Ventiún poemes’ de Pepín de Pría, y fixo referencia a otros títulos importante na historia de la editorial, como la torna al asturianu de ‘La odisea’, d’Homero, fecha por Xosé Gago, o’l diccionariu d’asturianu de Xuan Xosé Sánchez Vicente. Pela so parte, Prieto, direutora de la empresa xunto con Samuel Castro dende ochobre, centróse más nos llibros editaos nos años últimos, como la traducción al asturianu de ‘Harry Potter y la piedra filosofal’, ente otros. Amás, tanto García como Prieto recordaron anéudotes d’estos años y punxeron de manifiestu les dificultaes que tien el mercáu editorial anguaño. (more…)

Read Full Post »

INACIU GALÁN

Coincidiendo cola celebración del Día del Llibru, Asturnews fala con Samuel Castro y Esther Prieto, propietarios de la editorial Trabe dende va dellos meses. Esti firma editorial fundóla en 1992 l’escritor Antón García. Años dempués tuvo un tiempu en manes d’Inaciu Iglesias, hasta que la so decisión de pesllala llevó a los trabayadores a asumir la so xestión. Una apuesta complicada en tiempos de crisis pal llibru y pa la cultura. Falamos con Samuel Castro sobre’l futuru de la editorial y la situación del sector.

Acaben de facese cargu de la editorial Trabe dempués de que’l dueñu anterior nun quixere siguir col negociu, ¿un apueste arriesgáu?
Nestos tiempos que cuerren cualquier cosa que faigas ye arriesgada, pero nosotros pensamos que yera la meyor solución. Per un llau yera triste que dempués de venti años Trabe morriera y per otru la situación llaboral d’esti país nun mos dexaba munches opciones. (more…)

Read Full Post »

DAMIÁN BARREIRO

Carlos Pulgar, portavoz de la Xunta pola Defensa de la Llingua Asturiana (XDLA), afirmó que la pérdiga y afogamientu de dalgunes de les más importantes actividaes mediátiques y de los espacios d’intercambiu y distribución de les producciones culturales asturianes «ta llevando a un retrocesu de la visibilidá del idioma y de les sos posibilidaes creatives». Asina, dixo que «l’asfisia progresiva de los sectores que s’encargaron, a lo llargo d’años, de dar cierta normalidá al idioma trai badagüeyos bien prietos pal futuru». Con too, Pulgar faló de la vitalidá de la creación n’asturianu, «que sigue faciendo’l llabor d’intentar llegar y calistrar na sociedá asturiana». Punxo como exemplo programes, llibros y discos que, teniendo una promoción escasa, «son a abrir camín y llegar a la xente». Amás, dixo que dende la Xunta van intentar facer de ponte ente la xente y les manifestaciones culturales del asturianu.

Pulgar encargóse de lleer el discursu anual de la organización nos XVIII Premios Andrés Solar, que s’entregaron esti 16 d’avientu nel Antiguu Institutu de Xixón. Nesta ocasión, el xuráu decidió otorgar el pegollu -el premiu positivu- de manera conxunta a la formación musical Dixebra y a Ediciones Trabe al cumplir 25 y 20 años, respectivamente, «como proyectos fundamentales pa entender el desarrollu cultural, social y económicu de la llingua asturiana nes últimes décades y demostrar que l’asturianu ye una ferramienta útil y necesaria nel rellatu de la contemporaneidá d’Asturies». (more…)

Read Full Post »

DAMIÁN BARREIRO

Esther Prieto y Samuel Castro son, dende esta selmana, los nuevos propietarios d’Ediciones Trabe, la editorial fundada hai venti años n’Uviéu pol escritor Antón García y que nel 2007 pasó a les manes d’Inaciu Iglesias. Col pasu del tiempu, Trabe convirtióse nuna empresa referencial pa la cultura asturiana y nun emblema de la lliteratura del país. Depués de cinco años al frente, Inaciu Iglesias dexa la editorial en manes d’Esther y Samuel, qu’hasta’l momentu yeren trabayadores de la empresa.

Empieza una etapa nueva pa esta empresa. ¿Va haber continuidá o cambios?
Esther Prieto.- Hai una llinia de continuidá, porque Trabe va siguir al serviciu de la cultura asturiana. Sicasí, queremos dar un xiru y publicar más coses en castellanu, amás de trabayar como diseñadores, maquetadores o correctores pa otres empreses. Nos dos últimos años la venta de llibros cayó munchísimo, polo qu’hai que buscar otres víes. Con too, l’asturianía y el compromisu llingüísticu d’esta empresa nun va cambiar. (more…)

Read Full Post »

L’empresariu Inaciu Iglesias cedió la propiedá de la editorial Trabe a Esther Prieto y Samuel Castro trabayadores de la mesma, después de cinco años al so frente. Asina lo confirmó la firma, al través del so facebook esti miércoles.

Esther Prieto y Samuel Castro con bien d’años d’esperiencia na empresa, empiecen una nueva etapa “con un aquello de precupación pero con bien d’ilusión”, señala’l comunicáu, que tamién cita declaraciones del propiu Iglesias: “ye’l momentu de zarrar una etapa. Toi mui contentu y arguyosu de lo que fixe estos cinco años anque, la verdá, cola crisis, tocóme baillar cola más fea”. “Nesti tiempu correspondióme llevar alantre una auténtica reconversión y, en poques palabres, reducir el tamañu de la editorial pa adaptalu a les nueves circunstanfcies. Fíxilo lo meyor que supe y fui quien y tengo pa mi qu’agora soi a dexa-yos un negociu vidable y con futuru. Toi seguru qu’Esther y Samuel van facelo mui bien. Tienen experiencia, conocen el negociu y son abondo sensatos. Préstame qu’un proyectu como Trabe, que…ya tenía una historia primero que yo aportara, tenga -agora que marcho- una continuidá d’equí pa en delantre”. (more…)

Read Full Post »

« Newer Posts