Feeds:
Antradas
Comentairos

Posts Tagged ‘Santiago Fano’

La pedagoga Isabel Hevia y la hestoriadora Margarita Fernández Mier van ser les nueves académiques correspondientes de l’ALLA, que sedrán nomaes nel trescursu del institucional del XXXIX Día de les Lletres Asturianes que se celebrará’l vienres, 4 de mayu, nel Teatru Campoamor d’Uviéu.

Esti xueves, 22 de marzu, tuvo llugar la presentación nel llar de l’Academia de la Llingua Asturiana del actu institucional del XXXIX Día de les Lletres Asturianes que se celebrará’l vienres, 4 de mayu, nel Teatru Campoamor d’Uviéu. Nesta rueda de prensa intervino’l presidente de l’ALLA, Dr. Xosé Antón González Riaño, xunto col diseñador del cartel d’esta edición, Santiago Fano.

(more…)

Advertisements

Read Full Post »

PABLO R. GUARDADO

Rodrigo Fernández Joglar (Xixón, 1988) ye’l responsable de la propuesta última de TermAst. Esti pedagogu y músicu, integrante de Verdasca, presentó una terminoloxía educativa y yá trabaya n’otra sobre’l léxicu musicolóxicu.

¿Qué-y llevó a participar nel proyeutu TermAst?
El proyeutu TermAst ye una iniciativa que surde de la collaboración de l’ALLA col coleutivu Softastur y el Colexu d’Inxenieros n’Informática d’Asturies y enfótase n’ellaborar propuestes terminolóxiques pa los nuevos usos de la llingua asturiana. Nel mio casu, fice les dos estancies de práutiques de la carrera de Pedagoxía na ALLA y, na segunda d’elles, ufiertáronme la posibilidá de trabayar nuna terminoloxía pal ámbitu educativu, cosa que me prestó enforma.

La propuesta pretende ser, al igual que les anteriores, una ferramienta de consulta tanto pa profesionales del mundu educativu como pa cualesquier persona interesada en facer un acercamientu a esti ámbitu. Con respeuto a la terminoloxía educativa, podemos atopar nella una gran bayura de términos, que van dende denominaciones de diferentes corrientes pedagóxiques a propuestes de vocabulariu pa la organización del centru escolar, pasando per diferentes trestornos del deprendimientu o ámbitos como la pedagoxía social y llaboral. (more…)

Read Full Post »

DAMIÁN BARREIRO

Santiago Fano, portavoz de l’Asamblea d’Estudiantes, diz que les polémiques que se xeneren na Universidá d’Uviéu cola llingua asturiana cada vez parecen más artificiales: «Son problemátiques xeneraes por sectores asturianófobos, minoritarios, pero interesaos en convertir artificialmente l’idioma nun elementu de tensión». Esti miembru de la Comisión de Normalización que la institución creó hai poco, comenta que’l nuestru idioma úsalu la comunidá universitaria «dende’l Claustru hasta l’aula», y señala que l’únicu elementu de tensión ye una llexislación «que conderga a los asturianofalantes a la marxinación». (more…)

Read Full Post »

La revista Cultures, publicación de l’Academia de la Llingua Asturiana dedicada a l’antropoloxía cultural y que se distingue por usar l’asturianu como vehículu d’espresión del conocimientu científicu y enfocar l’estudiu antropolóxicu a partir del carácter diferencial de la cultura na que surde, acaba de publicar el númberu 16.

La publicación, dirixida pol secretariu de l’Academia, Roberto González-Quevedo, tien yá diez años de vida y lo más destacao d’esti númberu ye la publicación d’un estudiu hasta agora inéditu de la escritora l.lacianiega Eva González Férnandez, qu’hasta la so muerte nel 2007 yera la decana de les nuestres lletres. La escritora dexó ensin espublizar munches obres y enantes de morrer entregó-y a la familia documentos y cuadernos pa que los foren publicando según-yos pareciera. Asina, queden por dar a conocer testos etnográficos, vocabularios, cantares y refraneros, porque los cuentos y narraciones yá s’editaron de forma conxunta nel 2008 baxo’l nome de Cuentos Completos. Per otru llau, la familia d’Eva González espera poder publicar l’añu que vien l’autobiografía de la escritora, titulada Hestoria de la mía vida, hasta’l momentu inédita. L’estudiu agora espublizáu, «Etnografía de Palacios de Sil», escritu nel asturianu propio d’esta tierra, fai un percorríu peles tradiciones, creencies, trabayos, vezos y cantares de la zona.

(more…)

Read Full Post »