Feeds:
Antradas
Comentairos

Posts Tagged ‘Senén Rivero’

La revista Friúz, asoleyada pola Campaña del Ronchel y coordinada por Lluis Portal, tien un nuevu númberu, que pue atopase na Comarca la Sidra y en formatu dixital, disponible pa descargar de baldre.

El númberu 9 d’esta revista n’asturianu dedicada a estudios culturales y hestóricos de la Comarca la Sidra inclúi una entrevista a Alejandro Vega, alcalde de Villaviciosa. Noticies y artículos de Mel Riva, Senén Rivero, Xuan Pedrayes Obaya, Mino Cifuentes o Miguel González Pereda, ente otros.

ANEXU: Friúz 9.

(de Formientu, 27-02-2019)

Advertisements

Read Full Post »

‘Carlos Ciaño (1855-1925). Ente Cuba y Asturies’ (Ediciones Trabe) ye’l títulu de la obra última que firma Lluis Portal. Nél céntrase na figura d’esti emigrante nacíu en Villaviciosa y que crució’l charcu nel 1882.

En Cuba nun tardó en ganase un nome dende les lletres y na distancia nun dexó d’emplegar la llingua asturiana. Na so obra lliteraria destaca ‘Tipos y topos’ (1886), ‘Cantares’ (1888) y ‘El Castillo de Yuros’ (1893).

(more…)

Read Full Post »

Esti mes pasáu espublizábase’l númberu 5 de la revista en llingua asturiana ‘Friúz’, qu’edita l’asociación El Ronchel de manera trimestral y qu’afonda na cultura de los conceyos de Villaviciosa, Cabranes y Colunga. Un pueblu d’esti conceyu últimu, Llastres, protagoniza la portada nesta ocasión, con una semeya antigua del puertu, acompañáu d’un artículu de Victorero na páxina 2 sobre les artes de pesca nel llugar.

Completen esti exemplar un reportaxe sobre la presencia de ‘El bable de Cabranes’, de María Xosefa Canellada, na biblioteca nueva d’Alexandría; una serie de noticies sobre la Selmana de les Lletres Asturianes; un artículu sobre’l fotógrafu Chema Madoz; un cuentu de Mel Riva; y un análisis de la pallabra ‘canibú’ a cargu de Lluis Portal, coordinador de la revista. El conseyu de redaición de ‘Friúz’ ta formáu por Miguel González Pereda, Xuan Pedrayes, Toño García, Salvador Barro, Marga Solares, Victorero, Rosa Fernández y Senén Rivero.

ANEXU: ‘Friúz’ númberu 5.

(d’Asturies.com, 06-06-2017)

Read Full Post »