Feeds:
Antradas
Comentairos

Posts Tagged ‘Seronda’

El proyeutu editorial Seronda cesa l’actividá tres cuatro años de trabayu y trés llibros n’asturianu. La crisis y la falta d’una política llingüística, dalgunos de los motivos d’esta decisión.

Laura Tuero y Paco Álvarez principiaron a últimos del 2010 esta aventura que fina esti febreru con ocho títulos espublizaos, dalgunos de munchu ésitu como los dedicaos a Manuel Preciado o a los futbolistes de lleenda de la primer división inglesa, de nome ‘Mañana saldrá el sol’ y ‘Leyendas de la Premier’, de manera respeutiva. Nel so catálogu apaecen los llibros n’asturianu ‘Un país llamáu Dixebra’, del propiu Álvarez; la torna del italianu a la llingua asturiana de ‘Una storia semplice’, de Leonardo Sciascia; y la obra billingüe ‘El pasáu’, de Miguel Rojo.

(more…)

Read Full Post »

PABLO R. GUARDADO

Una pequeña feria del llibru va ser la novedá principal del XXVI Conciertu pola Oficialidá que va celebrase esti sábadu en Xixón. La imposibilidá de repetir nel Parque Inglés lleva a la XDLA a treslladar l’eventu a El Natahoyo.

Toles editoriales qu’espublicen n’asturianu van tar presentes nesti espaciu que va acutar la Xunta pola Defensa de la Llingua Asturiana (XDLA) nuna parte de la carpa cola intención de “dar visibilidá al llibru asturianu”, señala Carlos Pulgar, voceru de la organización cívica. Asina, de 19 a 22 hores, de manera aproximada, y aprovechando’l momentu más sele y familiar de la cita, coles actuaciones de Pop Piquiñín y Tuenda, los visitantes van poder acceder a les novedaes últimes y obres más populares d’editoriales asturianes como Seronda, VTP, Trabe, AsturtOOns o Pintar-Pintar, ente otres. Yá de nueche, esi espaciu va ser aprovecháu pola organización pa servir una cena a los músicos que, como ye vezu, participen de manera desinteresada na cita.

(more…)

Read Full Post »

JESSICA M. PUGA

Por segundo año consecutivo las editoriales asturianas llevarán nuestra literatura a la barcelonesa fiesta de Sant Jordi el próximo 23 de abril. Lo harán con un ‘stand’ en pleno paseo de Gracia en el que la clave estará del lado de la variedad de géneros y de estilos. En el proyecto, nacido al amparo del Centro Asturiano de Barcelona, participan en esta ocasión once editoriales, cinco más que el año pasado: Hoja de Lata, Aventuras Literarias, Suburbia Ediciones, Pez de Plata, Pintar-Pintar, Trabe, Trea, Seronda, Nobel, KRK y Satori. Juanto a ellas, cuatro de sus escritores aprovecharán la cita para firmar ejemplares: Sergi Escolano y Mariano Veloy, con Pez de Plata; Ernesto Colsa, con KRK, y Ernesto Frattarola con Suburbia.

(more…)

Read Full Post »

QUIQUE FAES

¿Cuánto tien de ficción la lliteratura n’asturianu? Dos mil títulos editaos nos últimos cuarenta años esperen pola visita d’un llector más o menos espectral. Son el productu d’un mercáu estrañu, condicionáu poles subvenciones públiques, que por primer vez en décades paez tar bastante peor de lo que taba: la llamada crisis económica y el propiu esbarrumbe d’un modelu cultural afitáu enriba de bases febles propiciaron el pieslle de les más emblemátiques llibreríes, obliguen a los editores a facer piruetes pa encarar el futuru y castiguen a los autores con remuneraciones cada vez más ruines. Sumíos nuna nublina que paez condenalos a una invisibilidá n’aumentu, unos y otros faen autocrítica. (more…)

Read Full Post »

Media docena de editoriales asturianas tendrán presencia en la fiesta del libro y la rosa de Sant Jordi, que tomará las calles de Barcelona el próximo martes, día 23. El sector editorial asturiano estará representado por primera vez en la cita librera más importante de Catalunya como resultado de un proyecto que han puesto en marcha el Centro Asturiano de Barcelona y Ediciones Seronda.

El puesto de libros asturianos (que ofrecerá títulos en castellano, asturiano y catalán) estará instalado a la altura del número 35 del Passeig de Gracia, entre las 9 y las 20 horas. Allí se mostrarán y ofrecerán a la venta libros de la editorial ovetense Pintar-Pintar y de los sellos gijoneses Ediciones Trea, Satori Ediciones, Hoja de Lata Editorial, Oreja Verde y Ediciones Seronda. (more…)

Read Full Post »

Ta acabante de publicar Un país llamáu Dixebra, y tamién firmó de recién La tierra de la libertad. Crónica de los derechos civiles y sociales en el mundo, asina como la traducción Una historia cenciella, que vierte al asturianu un testu de Leonardo Sciascia. Trés obres que Francisco Álvarez (Xixón, 1970) publica con Ediciones Seronda, fundada por esti autor nel añu 2011 xunto a Laura Tuero, y que nació cola vocación d’“atrapar la palabra n’espacios abiertos, amasala con dedicación y envasala con ciñu pa servila a esos llectores que, como nosotros, intúin y suxeren qu’inda queden por andar caminos nuevos y vieyos nel vastu mundu editorial español”. Un sellu independiente qu’apuesta pola busca de “pequeñes voces lliteraries, cercanes o distantes nel tiempu y nel espaciu, y na edición d’obres que de dalgún mou ayuden a divulgar idees y a difundir conocimientos”. Estremaes facetes de les que falamos nesta entrevista.

“Añu 1987, 6 de xineru. Cuatro mozos ventiañeros de la comarca avilesina aconceyen nunes cocheres del conceyu de Corvera pa tratar d’echar del cuerpu un diañu musical que lleven dientro. La materia prima p’aquella sesión ye más escasa que’l material quirúrxicu d’un santeru. Nun tienen amplificadores nin micrófonos, nun hai temes qu’interpretar nin repertoriu que siguir. Dediquen la tarde a maltratar la voz y los instrumentos, pero d’aquel ensayu va surdir la declaración d’independencia d’un país llamáu Dixebra qu’en 2012 cumplió 25 años d’esistencia, d’insistencia y de resistencia.” ¿Cómo se podría definir lo que significa Dixebra hoi?
Si se me permite otru xuegu de pallabres, Dixebra ye la denuncia d’una renuncia, ye la voz y el son que suena contra un cuartu de sieglu de renuncies del pueblu asturianu y d’otros munchos pueblos del mundu: la renuncia a una llingua propia y desprotexida, la renuncia a lluches sociales que siguen siendo xustes y necesaries, la renuncia a siguir suañando con un mundu más llibre y más solidariu. Dixebra canta y toca pa da-y forma a esa crónica social na que la esperanza combate contra’l desánimu y p’animanos a siguir lluchando por una sociedá meyor. Too ello, con un discursu nel que cohabiten l’asturianismu y l’internacionalismu. (more…)

Read Full Post »

INACIU GALÁN

Ye conocíu como músicu, pol so llabor al frente de Dixebra, pero diz que nunca nun se definió como talu. Prefier llamase “activista musical” y como talu lleva 25 años col so grupu y con otres iniciatives como la so discografíca, va un añu convertida en productora audiovisual Goxe. De los proyectos d’esta aventura empresarial y de la so actividá cultural, falamos con Xune Elipe, estrenando asina un nueva etapa de la Entrevista de la selmana n’Asturnews.

Dempués d’un añu d’actividá de Goxe Producciones, ¿qué balance fai?
Tamos, como quien diz, asitiándonos tovía; definiendo’l nuestru proyectu nun momentu tan gafu como ésti onde hai que conocer bien l’escenariu nel que te vas mover, diversificase y ser competitivos, col aquel añadíu amás de ser una empresa «militante». De toes maneres nesti tiempu espublicemos trés referencies discográfiques nueves (Toli Morilla, Mariluz Cristóbal Caunedo y Soncai System), recuperemos la cabecera del Anuariu de la Música Asturiana y saquemos el volume correspondiente al añu 2012 o producimos la Gala del Premiu al Meyor Cantar, ente otres coses. Y yá tenemos en mente poder llevar alantre otros proyectos nuevos. (more…)

Read Full Post »

DAMIÁN BARREIRO

Hai más d’un mes, la Conseyería de Cultura y Deporte anunció que destinaba 193.050 euros a la renovación de los fondos de les 138 biblioteques que componen la rede pública del nuestru país. Sicasí, al ponenos en contactu coles principales editoriales que publiquen nel nuestru idioma pudimos comprobar qu’estes empreses nun tienen conocimientu de que les biblioteques, o la mesma Alministración, gastara nin un euru en mercar llibros n’asturianu. Precisamente, nuna época na que llegaron a les llibreríes les cuatro obres ganadores de los Premios Lliterarios n’asturianu qu’entama cada añu’l mesmu Gobiernu asturianu y que la mesma Alministración suel poner como exemplu del so compromisu cola lliteratura na llingua propia. Con too, la falta d’atención a la industria cultural del país parez ser una práctica avezada na política cultural dende hai yá dellos años -polo menos dende que s’empezó a sentir falar de lo que daquella yera una recesión económica-. (more…)

Read Full Post »

Ediciones Seronda yá tien n’imprenta Un país llamáu Dixebra. La historia y les lletres de la banda decana del rock n’asturianu (1987-2012), de Francisco Álvarez. Un llibru que, como bien diz el títulu, recueye los feches y les feches, les lletres y les semeyes de la banda más llonxeva en llingua asturiana, qu’esti añu cumplió un cuartu de sieglu nos escenarios.

Francisco Álvarez González nació en Xixón en 1970. A los 18 años empecipió estudios de Periodismu na Facultá de Ciencies de la Información de la Universidá Complutense de Madrid y dos años depués incorporóse a la plantiya del diariu El Comercio, nel que trabayó venti año como redactor nes secciones de local, sucesos, cultura y deportes. (more…)

Read Full Post »

Como cada añu, anque cola partida cada vegada más amenorgada polos recortes presupuestarios, el BOPA asoleya la resolución de les sovenciones a la edición de llibros en llingua asturiana y gallego-asturianu.

De los 84.480 euros de la partida pa la edición de llibros, Ediciones Trabe lleva 33.100 euros, pa la edición de trece llibros d’autores como Xulio Arbesú, Antón García, Ana Veiga o Iris Díaz Trancho. (more…)

Read Full Post »

Older Posts »