Feeds:
Antradas
Comentairos

Posts Tagged ‘Serviciu de Normalización Llingüística de Mieres’

El Serviciu de Normalización Llingüística, en collaboración cola Biblioteca “Vital Aza” de Mieres del Camín y la Biblioteca P.M. Atenéu de Turón, va entamar un nuevu cursu del ciclu “Alcuentros con autores” (Club de Llectura n’asturianu). Consistirá na entrega mensual d’un llibru d’un autor o autora n’asturianu y l’alcuentru lliterariu colos mesmos al fin de mes.

Ábrese’l plazu d’inscripción a lo llargo del mes de setiembre, confirmándose l’aniciu nel mes d’ochobre, desarrollándose na Biblioteca P. M. Atenéu de Turón y na Biblioteca “Vital Aza” de Mieres del Camín. Esti añu ufiértase como novedá la creación del Club de llectura n’asturianu na Biblioteca “Vital Aza” de Mieres del Camín, contando cola esperiencia y bona acoyida del ciclu “Alcuentru con autores” que, dende va años, vien desarrollándose nel Atenéu de Turón, diversificando l’actividá pa que se puea disfrutar d’ella en diferentes llugares del conceyu.

(more…)

Read Full Post »

Iniciativa pol Asturianu presentó va dos meses una quexa nel rexistru del Conceyu de Mieres dempués de recibir l’avisu de dellos vecinos del conceyu y saber que’l Serviciu de Normalización Llingüística taba peslláu. Dempués d’esta quexa y col entamu del mes de xunu, volvió a ponese en funcionamientu esti serviciu de gran importancia pa la normalización y promoción del idioma.

Estos servicios, que viven momentos de continua intestabilidá habríen tener un mayor sofitu, tanto del Gobiernu d’Asturies, dándo-yos una financiación estable, como de los Conceyos, qu’en munchos casos nun dediquen nengún presupuestu a la so actividá y caltenimientu.

(d’Iniciativa pol Asturianu, 09-06-2015)

Read Full Post »

Iniciativa pol Asturianu recibió les quexes de ciudadanos de Mieres pol parón que vive’l Serviciu de Normalización Llingüística dende va cuasi dos meses y encamienta al Conceyu de Mieres la puesta en marcha d’esti serviciu que dexó de funcionar el pasáu mes d’avientu. L’aprobación de los presupuestos autonómicos asegura l’asignación d’una partida presupuestaria pa los Servicios de Normalización pa esti añu 2015 qu’inclúi a Mieres.

N’otros Conceyos yá decidieron la continuidá de los Servicios nel mes de xineru, con bon criteriu, col aquel de nun parar l’actividá normalizadora tan necesaria nesti ámbitu. Si bien les condiciones llaborales de los técnicos y técniques d’estos servicios ye bastante llaceriosa, como yá denunciaron hai poco nun comunicáu col qu’Iniciativa pol Asturianu amosó la so solidaridá.

(more…)

Read Full Post »

PABLO R. GUARDADO

Yá ta abiertu’l plazu pa presentar trabayos pal III Concursu de Rellatos Curtios ‘Conceyu de Mieres’ pa estudiantes de Secundaria. El plazu fina’l 30 de payares y los ganadores van recibir un llote de llibros n’asturianu.

Nesti concursu qu’entama’l Serviciu de Normalización Llingüística de Mieres pueden participar estudiantes matriculaos en centros educativos de Secundaria d’Asturies con edaes ente les 12 y 18 años. Pa ello, han de presentar una obra inédita, orixinal y de temática llibre que nun supere les trés fueyes per una cara en formatu DIN-A4 y tipográfía ‘Times New Roman’, cuerpo 12 y a doble espaciu. El testu ha de tar dientro d’un sobre zarráu con un alcuñu que s’indicará n’otru sobre más pequeñu onde han de dir los datos del alumnu o alumna. Nel casu de que s’opte por unvialu en formatu electrónicu, les señes del autor han de dir nun documentu axuntu.

(more…)

Read Full Post »

Dende l’Asociación de Trabayadores de la Normalización Llingüística d’Asturies vienen acabante d’asoleyar esti xueves un duru comunicáu nel que quieren “declarar públicamente la disconformidá pa cola convocatoria y provisión de la plaza de responsable del Serviciu de Normalización Llingüística de Mieres pola opacidá na propuesta y selección de la mesma, y falta rigor y solidez na valoración de méritos”.

Nel comunicáu, l’Asociación diz que “lo primero qu’observamos ye que l’anunciu de la convocatoria faise a traviés de Trabajastur, que si bien nun dexa de ser un sistema más de publicidá d’ufiertes de trabayu, evita los medios habituales nel desarrollu d’un procesu selectivu na alministración local, que son el Boletín Oficial del Principáu d’Asturies y el tablón d’anuncios y web municipales”. La consecuencia directa del usu d’esta vía alternativa ye la escasa visibilización de la convocatoria, polo que pa l’Asociación “ta claro qu’a menor información tamién son menores les posibilidaes d’accesu a la plaza de les persones interesaes. L’anunciu y les bases de la convocatoria nun fueron los únicos documentos que nun tuvieron disponibles públicamente, yá que los llistaos de persones almitíes y escluíes y la notificación de la fecha del esame recibieron el mesmu tratamientu. L’únicu documentu que’l Conceyu Mieres fizo públicu daba a conocer los resultaos del procesu de selección y ponía fin al mesmu”.

(more…)

Read Full Post »

El Serviciu Públicu d’Empléu informa de la convocatoria d’una plaza de Técnicu/a de Normalización Llingüística pa Mieres. (REF. 1950).

Ufierten un contratu temporal de cuatro a cinco meses con una xornada de 18 hores y media y un sueldu de 1.366 euros al mes.

Les persones interesaes han ponese en contactu cola Área d’Empreses de la Oficina d’Empléu de Mieres, tfnu 985 467 711.

(del InformaXoven, 28-07-2014)

Read Full Post »

Hai yá dalgunos años que l’Asociación de Trabayadores de la Normalización Llingüística vien denunciando la situación de dexadez y desamparu que sufren una parte importante de les persones responsables de los SNLs asturianos, sometíes a unes condiciones llaborales cuanto menos precaries.

Cada añu, n’acabando l’exerciciu correspondiente, la mayoría de les persones responsables de los SNLs son cesaes n’espera de bones nueves nos presupuestos que garanticen la so continuidá mediante llinies de subvención pal mantenimientu de los servicios, rompiéndose con estes actuaciones la so actividá y cualquier esperanza d’estabilidá llaboral. (more…)

Read Full Post »

Esti miércoles, 22 de febreru, el dibuxante Xosé Xuan González García presenta nel salón de actos de la Casa de Cultura de Mieres del Camín, a les 19’30 hores, el so nuevu trabayu titulaú Hestories del mío conceyu. Un cómic de 56 páxines, con guión e ilustraciones del propiu autor.

La obra ta promovida pola propia Casa de Cultura “Teodoro Cuesta”, col so Serviciu de Normalización Llingüistica y patrocinada pol Ayuntamientu de Mieres y la Conseyería de Cultura y Deporte del Pdo. de Asturias. (more…)

Read Full Post »

L”Asociación de Trabayadores de la Normalización Llingüística denunció esti martes públicamente que nesti momentu cuatro servicios de normalización llingüística permanecen zarraos, de lo que culpa a “la desconsideración, dexadez y falta de compromisu de los responsables de los conceyos” onde s”ubiquen. Asina, recuerda que la situación repítese tolos años en dellos conceyos que nun se quieren facer cargu d”esta prestación “mientres nun tengan les perres que los financien na mano”.

Al traviés d”un comunicáu, l”asociación esplica que “al empiezu del 2012 vemos cómo la Oficina de Normalización Llingüística del Conceyu de Llaviana, la de Corvera y la Oficina Cultural y Lingüística da Mancomunidá Ozcos-Eo tán ensin actividá nin trabayadores, amestándose asina al pieslle nel mes d”agostu de 2011 del Serviciu de Normalización Llingüística de Mieres”. (more…)

Read Full Post »

«Nun somos quién a entender cómo ye posible que la Dirección Xeneral de Política Llingüística dea subvenciones pa los Servicios de Normalización Llingüística (SNL) y nun garantice’l so funcionamientu l’añu enteru y nin siquiera lleve un control de cuála ye la política llingüística que se desenvuelve nesi conceyu». D’esta manera critica l’Asociación de Trabayadores de la Normalización Llingüística (ATNLL) la situación del Serviciu de Mieres, que lleva ciarráu dende’l 31 d’agostu pasáu, «dalgo qu’asocede tolos años», espliquen nun comunicáu.

(more…)

Read Full Post »

Older Posts »