Feeds:
Antradas
Comentairos

Posts Tagged ‘Serviciu de Normalización Llingüística del Principáu d’Asturies’

Con fecha 15 d’abril el BOPA asoleya la renuncia al cargu de la Xefa del Serviciu de Normalización Llingüística del Gobiernu d’Asturies, María Antonia Pedregal Montes. Dexa’l cargu dempués de cuasi seis años por “motivos personales” según comentó a Asturnews, agradeciendo amás l’interés pola so decisión.

En setiembre de 2007 sustituyía a Ramón d’Andrés al frente d’esti serviciu, dempués de que nomaran a Consuelo Vega, Directora Xeneral de Cultura y Política Llingüística, creando un cargu superior al de la xefe de serviciu. Dende entós conoció trés superiores, la propia Consuelo Vega, que la nomó, Alfredo Ignacio Álvarez Menéndez, nomáu pol gobiernu de Foru Asturies, y l’actual, Ana María Fueyo, nomada pol gobiernu de la FSA-PSOE dempués de recuperar el poder en 2012.

María Antonia Pedregal foi profesora d’hestoria n’institutos y tien feches abondoses investigaciones alredor de la filoloxía asturiana.

ANEXU: Resolución sobre la renuncia nel BOPA.

(d’Asturnews, 18-04-2013)

Read Full Post »