L’escritor Miguel Rodríguez Monteavaro (Bual, 1990) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu venticinco. El primer premiu, dotáu con 600 euros, foi pa la so obra “Tucapel”. El segundu premiu, dotáu con 450 euros, foi pal cuentu “Teresa”, de Solinca Turbón Cuesta (La Felguera, 1981), y Gonzalo González Barreñada (Sotrondio, 1973) algamó’l tercer premiu, al que se-y apurren 300 euros, con “Verde como los sos güeyos”. Nesta edición el xuráu tuvo compuestu polos escritores Xulio Vixil, José Ángel Gayol y Pablo Rodríguez Medina. Nes próximes selmanes l’Ayuntamientu Bimenes dará anuncia de la fecha d’entrega de los premios, actu nel que l’autor bualés fadrá llectura pública del cuentu ganador.
(more…)Posts Tagged ‘Solinca Turbón Cuesta’
Blanca Fernández conviértese na primer ganadora del Premiu Enriqueta González Rubín de narrativa moza
Posted in Asturies, Lhiteratura / Lliteratura, Política lhenguística / Política llingüística, tagged Antón García, Aymara González Montoto, Blanca Fernández, Conseyería de Cultura Política Llingüística y Turismu del Principáu d'Asturies, Enriqueta González Rubín, Gonzalo Llamedo, Lourdes Álvarez, María García, Solinca Turbón Cuesta, Xuan Fernandi on Dezembre 15, 2021| Leave a Comment »
PABLO R. GUARDADO
‘No que cinca los seres de lleenda’ ye la obra que va pasar a la historia como la primer merecedora del Premiu Enriqueta González Rubín de narrativa moza, gallardón creáu esti añu pola Conseyería de Cultura, Política Llingüística y Turismu. La so autora ye Blanca Fernández, novelista actual más xoven de les nueses lletres.
Destináu a persones menores de 31 años, y con una recompensa de 3.000 euros y la espublización del trabayu, el primer Enriqueta González Rubín ye pa esta yerbata del 1994 que l’añu pasáu espublizó ‘L’homes les caparines’ (Radagast) y que tien pendiente d’asoleyar ‘Trovadoresca’, col que ganó’l I Premiu Radagast de Novela Fantástica. El xuráu refirióse a ‘No que cinca a los seres de lleenda’ como un testu de “temática clásica, que pon en relación la tradición mitolóxica asturiana cola historia personal a partir de la idea de qu’esa mitoloxía vive en nós y s’espeya nes relaciones familiares, calteniéndose na tresmisión xeneracional”, lo que permite a Fernández “ufiertar una visión distinta de la lliteratura y la música populares, de los paisaxes y paisanaxes que nos envuelven, abriendo un camín novedosu dientro de la narrativa asturiana actual”.
(more…)El poemariu ‘Un vasu d’agua’, d’Ángeles Carbajal, gana’l premiu Xuan María Acebal de Poesía
Posted in Asturies, Lhiteratura / Lliteratura, Política lhenguística / Política llingüística, tagged Antón García Fernández, Conseyería d'Educación y Cultura del Principáu d'Asturies, Fernando Padilla Palicio, Héctor Pérez Iglesias, Lourdes Álvarez García, María Ángeles Carbajal Roza, Solinca Turbón Cuesta, Xuan María Acebal, Xuan Santori Vázquez on Nobembre 22, 2016| Leave a Comment »
La escritora sierense María Ángeles Carbajal Roza resultó ganadora de la vixésima segunda edición del Premio Xuan María Acebal de poesía n’asturianu col poemariu ‘Un vasu d’agua’. El galardón, que concede la Conseyería d’Educación y Cultura, ta dotáu con 3.000 euros.
Ente les obres presentaes, el xuráu decidió por unanimidá conceder el premiu al so poemariu, que, según esplica l’acta, “trátase d’una reƚexón empática, na que’l tonu unitariu, intensu y coherente de la voz poética, a lo llargu de la obra, emociona al llector”. La obra presentóse baxo’l seudónimu *La ponte*. Abierta la plica, l’autora ganadora resultó ser María Ángeles Carbajal Roza.
La escritora, en declaraciones a Europa Press, confesóse “encantada de la vida” al conocer la noticia. Carbajal, que yá ganó esti mesmu premiu na so edición del 2014 con ‘L’aire ente la rama’ (el so últimu llibru publicáu), valora consiguilu una vez más más porque “nun ye fácil”. “Hai autores en ‘llingua asturiana’ bien bonos, que trabayen muncho y qu’escriben perbién, lo cual potencia la lliteratura n’asturianu”, añadió.
Lliteratura interna
Posted in Asturies, Lhiteratura / Lliteratura, tagged Nené Losada Rico, Solinca Turbón Cuesta, Trabe on Júlio 2, 2016| Leave a Comment »
Solinca Turbón Cuesta
Premiu «Nené Losada Rico» 2014
Pontiga, 21
ISBN: 978-84-8053-842-8
14 x 21 cm || 76 páxs. || PVP: 10 €
Lliteratura interna ye’l primer poemariu d’una poeta nueva que trai savia fresco a la lliteratura asturiana.
Variáu y distintu en temática y en formes (del poema curtiu y concisu al más llargu y narrativu) percuérrelu, por embargu, un filu que-y da unidá y un ciertu «aire de familia» con otros poemes d’autores de la Segunda Xeneración del Surdimientu, sobre manera nel usu de lo rural como «topoi» bien afechiscu pa falar de lo universal. Ye esta una poesía de calidá, novedosa, ambiciosa nes formes y clara na so sensibilidá, ensin mieu a afrontar l’usu de métriques tradicionales.
Tierra alantre, la mesma fala 