TPA va cuntar la historia de la lliteratura n’asturianu fecha por muyeres con un documental de trés capítulos

TPA va emitir un programa documental de trés capítulos que percuerre la historia de la lliteratura asturiana fecha por muyeres a lo llargo de la hestoria. L’espaciu ‘Elles, muyeres na lliteratura asturiana’ va emitise los miércoles a les 23.30 hores.

El programa-documental, realizáu por Cuatro Gotes Producciones y presentáu pola periodista Sonia Avellanada, dixébrase en trés capítulos planteaos n’orde cronolóxicu.

Read Full Post »

Una ministra y la oficialidá como exes d’un Día de les Lletres que marca un nuevu camín

Como cada primer vienres de mayu el Día de Les Lletres tenía esti añu novedaes que lu camudaron otra vuelta nel finxu d’un procesu que paez remocicar de la mano de la sociedá civil, que ve más posibilidaes n’algamar la Oficialidá cola incorporación de la FSA al grupu les fuercies polítiques que sofiten esi pasu constitucional llargamente torgáu y que llevó esti añu per primer vegada a una ministra al 40 Dia de les Lletres asturianes.

Per primera vegada una ministra del Gobierno central, la socialista María Luis Carcedo, asistió nel Teatru Campoamor al actu institucional de la Academia de la Llingua con motivo del 40 Día de les Lletres Asturianes. Pero nun foi la única política presente. Juan Vázquez, candidatu de Ciudadanos a la presidencia d’Asturies, la diputada de Podemos Sofía Castañón o la candidata d’IU a l’alcaldía d’Uviéu Concha Masa

Read Full Post »

Una marcha reclama en Oviedo la oficialidad del asturiano «de una vez»

Más de 2.000 personas, según las estimaciones de la Policía Nacional, y 5.000 según los organizadores, se han movilizado este viernes en Oviedo para reivindicar la oficialidad del asturiano, una reivindicación a la que se han sumado diferentes colectivos y partidos políticos, que defienden que tras las Elecciones del 26M el asturiano sea oficial en el Principado.

La portavoz de la Xunta Pola Defensa del Asturianu, María Xosé Martínez, ha señalado momentos antes del inicio de la manifestación la necesidad de que «de esta vez» la oficialidad se incluya en la agenda de la próxima legislatura, toda vez que la Federación Socialista Asturiana ya ha mostrado su compromiso con la reforma del estatuto necesaria para que se haga realidad.

Read Full Post »

Pablo Texón y Alberto Fernández Costales van ser los académicos de la llingua nuevos

El vienres 3 de mayu, a les 20:30 hores, el Teatru Campoamor d’Uviéu va acoyer la celebración del 40 Día de les Lletres Asturianes. Nesti actu, l’Academia de la Llingua va acoyer a los dos académicos correspondientes nuevos, l’escritor Pablo Texón y el filologu Alberto Fernández Costales, informa Europa Press.

Pablo Texón Castañón (Felechosa, 1977) ye ún de los autores más renomaos de la lliteratura asturiana de güei, ganador na edición pasada del premiu Xuan María Acebal col poemariu «Allumamientu», destaca tamién polos sos trabayos como narrador y traductor.

Read Full Post »

González Riaño va dar esti vienres nel Campoamor el so primer discursu anual como presidente de l’Academia de la Llingua

Esti vienres 4 de mayu a les 20.30 hores, el Teatru Campoamor d’Uviéu va avoyer l’actu principal del XXXIX Día de les Lletres Asturianes. Trátase de la Xunta Estraordinaria de l’Academia de la Llingua Asturiana, onde’l profesor de la Universidá d’Uviéu Xosé Antón González Riaño va dar el so primer discursu anual como presidente de la institución depués de suceder a la catedrática de filoloxía románica Ana Cano.

Amás, nesta Xunta Estraordinaria, l’Academia va dar acoyida a les dos académiques correspondientes nueves. Son Margarita Fernández Mier y Isabel Hevia Artime, profesores de la Universidá d’Uviéu.

Read Full Post »

Cano emponderó’l “papel que la muyer xuega nel procesu hestóricu de caltenimientu y recuperación de la llingua”

PABLO R. GUARDADO

Ana María Cano nun quixo entrar en temes políticos nel so discursu institucional pol Día de les Lletres Asturianes –anque dexó cayer delles crítiques– pa centrase nel Premiu Nacional de Lliteratura Asturiana, que recibió Xuan Bello, y l’homenaxe que l’ALLA fixo a la muyer pol so llabor na recuperación y caltenimientu del idioma.

Estos dos fechos centraron tamién l’actu d’esti añu nel Teatru Campoamor de l’Academia de la Llingua Asturiana (ALLA), nel que nun hebo nomamientos d’académicos nuevos. Con un patiu de butaques práuticamente enllenu nesta ocasión y cola presencia d’autoridaes del mundu políticu, cultural y social del país –finalmente, como s’esperaba, el presidente Javier Fernández nun acudió–, los miembros de l’ALLA xubieron al escenariu pel pasiellu central al son d’una gaita tres un entamu musical a cargu de Mariluz Cristóbal y la violinista Bárbara González-Quevedo.

Read Full Post »

“El procesu de recuperación llingüística ye irreversible”, asegura Cano

PABLO R. GUARDADO

La presidenta de l’ALLA, Ana María Cano, amosóse crítica nel so discursu pol XXXVII Día de les Lletres Asturianes contra aquellos que reprimen a la llingua asturiana, pero recordó que “el procesu de recuperación llingüística ye irreversible”. Anunció la creación del Premiu Nacional de Lliteratura Asturiana, de calter triañal.

El Teatru Campoamor acoyó un añu más l’actu institucional de l’Academia de la Llingua Asturiana (ALLA), qu’esti añu contó cola actuación del grupu de rock en gallego-asturiano Bacotexo, llingua na que Cano comenzó’l so discursu. Asina, tres saludar a los presentes, destacó que “el Academia entende a Asturias non como úa mera entidá alministrativa, sinón como un país que configura úa realidá histórica integral. Esta consideración é importante porque lleva ben axina a que os graves problemas cos que cargamos todos os asturianos y asturianas (económicos, sociales y culturales) teñan que ser encaraos dende úa perspeutiva política, de política asturiana, y non dende plantiamentos esclusivamente ‘téunicos’ o ‘alministrativos’”.

Read Full Post »

Cano plantega a les fuercies polítiques un procesu d’oficialización “axustáu a les necesidaes d’Asturies” nel que l’ALLA actuaría de moderador

“¿Daquién con xacíu pue dexar pasar esta oportunidá y refugar esta ufierta?” entrugóse Ana María Cano, presidenta de l’ALLA, nel actu académicu del XXXVI Día de les Lletres Asturianes depués d’ufrir a los partíos moderar un procesu d’oficialización de l’asturianu “axustáu a les necesidaes d’Asturies”. Enantes, alredor de 3.000 persones pidieron la oficialidá peles cais d’Uviéu.

La coincidencia de la xornada col entamu de la campaña eleutoral pa les Nacionales y municipales del 24 de mayu condicionó’l discursu institucional de Cano que, tres emponderar el llabor de la Xunta pola Defensa de la Llingua Asturiana (XDLA) –coleutivu que recibió un reconocimientu por parte de l’Academia de la Llingua Asturiana (ALLA)– y facer un repás al llabor académicu nestos doce meses últimos, refirióse a esta cita coles urnes como “una oportunidá pa la llingua asturiana”. “En 15 díes, el 24 de mayu, celébrense les eleiciones pa escoyer la composición de la Xunta Xeneral del Principáu y, darréu d’ello, el Gobiernu d’Asturies. Y ye equí onde se xuega’l futuru del asturianu porque, a lo cabero y práuticamente, ye’l parllamentu asturianu, y non otres instancies europees o estatales, el que decide qué facer cola llingua hestórica d’Asturies”, señaló.

Read Full Post »

La Xunta pola Defensa de la Llingua sedrá homenaxeada pola Academia nel XXXVI Día de les Lletres Asturianes

Esti próximu vienres, día 8 de mayu, va celebrase’l XXXVI Día de les Lletres Asturianes a les 20,30 hores nel Teatru Campoamor d’Uviéu y nesti actu l’Academia de la Llingua Asturiana quier facer reconocencia pública del llabor de la Xunta pola Defensa de la Llingua Asturiana por 30 años de llucha pola Oficialidá de la nuesa llingua.

La Xunta Estraordinaria de l’Academia de la Llingua Asturiana finará como davezu col discursu institucional de la presidenta, Dª Ana María Cano González.

Read Full Post »

Ana Cano recuerda a los partíos ante les elecciones europees que la UE encamienta protexer les llingües minoritaries

La presidenta de l’Academia de la Llingua Asturiana, Ana Cano, aprovechó la coincidencia del actu institucional del Día Les Lletres, nel Teatru Campoamor, cola campaña electoral pa los comicios europeos del 25 de mayu, pa recordar que la Unión Euroopea encamienta y toma abondes midíes pa la protección de les más de 30 llingües minoritaries que tien reconocíes el continente, ente elles l’asturianu.

Fízolo nel so discursu, ante un teatru tremáu de xente, ente la que taben numberosos políticos de casi tolos partíos que se presenten a les elecciones europees n’Asturies.

Read Full Post »