Feeds:
Antradas
Comentairos

Posts Tagged ‘Stiaua d’Asturies’

El portavoz de la Xunta pola Defensa de la Llingua Asturiana (XDLA), Carlos Pulgar, afirmó que nestos momentos nun ye tiempu “pa la medrana” y pa postergar “con argumentos ridículos” lo que califiquen como una “oportunidá” p’algamar la oficialidá de la llingua asturiana. “Agora ye’l momentu, tiense la oportunidá y el consensu”, señaló.

El portavoz de l’asociación cívica dixo estes palabres esti sábadu en Xixón na entrega de los XXXIII Premios Andrés Solar. El ‘Pegollu’, la versión positiva del premiu, foi pa los equipos de fútbol UC Ceares, El Rosal, Llosalín y el Stiaua d’Asturies, mentes que’l ‘Madreñazu’, el gallardón negativu, foi pa la líder del PP asturianu, Mercedes Fernández.

Según Pulgar, estos equipos de fútbol usen con normalidá l’asturianu nes sos xeres diaries “y la normalización n’ámbitos de tanta atracción popular y de participación de la mocedá ye tovía más importante”. Mentanto, Mercedes Fernández representa’l “discursu del odiu hacia l’asturianu”.

(more…)

Read Full Post »

PABLO R. GUARDADO

El llabor del fútbol asturianu, representáu nel UC Ceares, el Rosal, el Llosalín y el Stiaua d’Asturies, ye motivu d’entrega del Pegollu de los XXXIII Premios Andrés Solar qu’entama la XDLA. El Madreñazu va pa Mercedes Fernández y el so “discursu d’odiu y xenófobu”.

Estos cuatro clubes abanderen un fútbol diferente al que vemos pel televisor, popular y comprometíu socialmente col so entornu, nel que l’emplegu de la llingua asturiana ye normal na actividá diaria de les entidaes. Asina, la Xunta pola Defensa de la Llingua Asturiana (XDLA) concede-yos esti añu’l Pegollu de los Andrés Solar, col que premia a la entidá o persona que rescamplara pol so trabayu en defensa o promoción del asturianu, reconociendo’l so llabor de puesta en marcha de “proyectos deportivos populares y cooperativos, que visibilicen l’asturianu nos diferentes materiales que xenera la so actividá”.

(more…)

Read Full Post »

PABLO R. GUARDADO

Los dos conxuntos uviedinos del grupo 2 de Segunda Autonómica sacaron una pancarta en defensa del idioma en La Pixarra.

‘Col asturianu, nel futbol popular, xugamos nel mesmu equipu’ rezaba’l baberu col que saltararon al campu los integrantes del Stiaua d’Asturies y el Rosal nel partíu correspondiente a la úndecima xornada que se disputó na tarde d’ayeri. Asina dambos conxuntos quixeron amosar el so compromisu na defensa del idioma, adaptando’l lema promocionáu la temporada pasada pola Direición Xeneral de Planificación Llinguística y Normalización.

(more…)

Read Full Post »