Suatea califica de “abusives” les medies xornaes del profesoráu d’asturianu y gallego-asturianu

El sindicatu Suatea calificó “d’usu abusivu” pola Conseyería d’Educación de les medies xornaes pal profesoráu d’asturianu y gallego-asturianu. Amás, indicaron que nos institutos de Cangas y Lluanco lleven esperando que se cubran les baxes meses “ensin que la Conseyería dea nenguna solución”.

“Entendemos que de manera puntual se tire de medies xornaes, pero lo que nun se pue consentir ye facer de la escepción la regla pa condenar a la precariedá llaboral a cientos de docentes de manera innecesaria porque hai muncha xente qu’acaba trabayando, con suerte, pa cubrir gastos o perdiendo dineru si tienes que vivir fuera casa viendo como ta la vida”, indicaron al traviés de nota de prensa.

Read Full Post »

Suatea lleva’l currículu d’Infantil a la xusticia por nun recoyer conteníos sobre l’asturianu

El sindicatu Suatea anunció al traviés de nota de prensa qu’interpunxo una demanda xudicial contra el currículu d’Educación Infantil por «nun respetar los derechos llingüísticos» al nun recoyer conteníos sobre l’asturianu o’l gallego-asturianu.

Nesi sentíu, la organización reclama a la Conseyería la modificación del Decretu 56/2022, del 5 d’agostu, que regula’l currículu d’Infantil. Según Suatea, nun incluyir nengún conteníu sobre les llingües propies d’Asturies «supón l’incumplimientu de la llexislación y frañar la tresmisión llingüística».

Read Full Post »

“Los currículos lleven a un paralís de tolo que ye la normalización llingüística”, asegura Colodrón

PABLO R. GUARDADO

Los borradores de los currículos d’Infantil, Primaria, Secundaria y Bachilleratu adaptaos a la LOMLOE que presentó la Conseyería d’Educación “lleven a un paralís de tolo que ye la normalización llingüística”, afirma Xosé Lluis Colodrón, responsable de la Secretaría de Llingua Asturiana de SUATEA. Asegura que la situación “ye especialmente sangrina n’Infantil”, onde l’idioma nun tien presencia.

Na etapa de 0 a 6 años l’asturianu y el gallego-asturiano ta ausente “por cuestiones económiques y polítiques”, espresa. “Nun se tien en cuenta nin la Llei d’Usu nin l’Estatutu d’Autonomía”, rescampla, normes que, apunta, nun apaecen nel preámbulu –nel casu de l’autonómica nun cita l’artículu 4–, lo que Colodrón considera enforma “grave” nun momentu clave de la formación del alumnu.

Read Full Post »

Suatea denuncia que la Conseyería d’Educación sigue ensin valorar la formación académica del profesoráu d’asturianu

El sindicatu Suatea denunció esti miércoles que la Conseyería d’Educación sigue ensin valorar les certificaciones oficiales d’asturianu. Una situación que califiquen como una “discriminación nueva” pal profesoráu d’una asignatura que yá tien “condiciones llaborales precaries” pola falta d’Especialidá docente.

Esti añu va haber una convocatoria nueva de los exámenes oficiales d’asturianu nos niveles B2 y C1, que se van celebrar en setiembre. Sicasí, según indica Suatea, estes pruebes siguen ensin tener efectu alministrativu n’oposiciones, concursos de tresllaos o efectos económicos correspondientes nel complementu salarial de formación permanente.

Read Full Post »

Educación no acepta las titulaciones B2 que ella misma convocó y certificó

Los exámenes para el B2 en asturiano, celebrados por primer vez el año pasado y con una demanda muy superior a las plazas disponibles, fueron recibidos como un importante paso adelante en la normalización lingüística, el primer reconocimiento de competencia en lengua asturiana dentro el Marco Europeo de las Lenguas.

En la misma linea, en marzo de este año se anunciaron las pruebas de competencia lingüística en asturiano en los niveles B2 y C1, que se van celebrar en otoño de este año 2021.

Read Full Post »

Suatea va pidir que’l Conseyu Escolar y la Xunta de Personal Docente reconozan el derechu a usar l’asturianu

El sindicatu Suatea va pidir que nos reglamentos de tolos órganos colexaos nos que participa –Conseyos Escolares, Xunta de Personal Docente y nos distintos Comités– se reconoza esplícitamente’l derechu de cualquier persona al usu del asturianu o’l gallego-asturianu.

Al traviés de nota de prensa, Suatea informó de que nel Conseyu Escolar de Principáu d’Asturies (CEPA) del 18 de marzu presentaron un escritu n’asturianu. Sicasí, la Confederación Católica Nacional de Padres de Familia y padres de Alumnos (CONCAPA) mostró la so disconformidá por nun tar en castellanu.

Read Full Post »

Suatea denuncia la “precarización” del profesoráu d’asturianu, col 85% a mediu xornada a pesar de la demanda

Suatea denunció que’l 85% del profesoráu d’asturianu y gallego-asturianu principia’l cursu a media xornada y cuasi na totalidá como interín. Amás, recuerden qu’esta llingua sigue ensin tar presente n’Infantil, lo que según denuncia’l sindicatu significa que’l Gobiernu ta incumpliendo la Llei d’Usu y Promoción del Asturianu.

Al traviés de nota de prensa, Suatea afirmó qu’esti cursu nuevu’l profesoráu d’asturianu y gallego-asturianu “sigue sufriendo la precarización nel so puestu de trabayu” con places a media xornada, que pasen del 69% nel 2015 al 85% d’anguaño.

Una situación que, recuerden, “nun respuende a una merma na demanda d’esta materia voluntaria pol alumnáu y los padres, sinón a criterios economicistes que primen l’aforru perriba la calidá educativa y los derechos del alumnáu a escoyer y recibir llibremente estes enseñances”.

Read Full Post »

Celaá tamién llanza balones fuera con respeuto a la especialidá docente

PABLO R. GUARDADO

La ministra socialista d’Educación y Formación Profesional, Isabel Celaá, nun va dar el pasu de crear la especialidá docente d’asturianu y gallego-asturiano. Ye lo que s’entiende de la respuesta evasiva dada a SUATEA, que demandaba la introducción d’una modificación nos decretos d’especialidaes que permitiera la so regulación.

L’escritu presentáu en xineru pol sindicatu educativu solicitaba a Celaá la inclusión nel artículu 2.2 del Real Decretu de Maestros y nel artículu 2.3 del Real Decretu de Secundaria del testu “naquelles comunidaes autónomes nes qu’haya llingües non oficiales que tengan proteición llegal y formen parte del currículu, podrá dase tamién, a pidimientu de la comunidá autónoma y según necesidaes educatives, la especialidá propia de la llingua respeutiva”, mesmu criteriu que se siguió pa encaxar l’asignatura de Llingua Asturiana y de Gallego-asturiano na LOMCE. La so respuesta al mesmu, depués d’un repás a la normativa vixente, conclúi que “nun procede incorporar a la normativa básica (Decretu Especialidaes Docentes) aspectos referíos a la so regulación, al considerar qu’Asturies ye competente a tolos efectos na regulación de les árees y materies de llibre configuración autonómica (onde tán inxeríes les nuestres llingües) tanto nel desarrollu curricular como na acreitación de la cualificación específica afayadiza pa impartiles”, rellaten dende’l Sindicatu Unitariu Autónomu de Trabayadores de la Enseñanza d’Asturies (SUATEA).

Read Full Post »

Suatea acusa al Principáu de “problema de planificación” por tener en xineru a dos centros ensin maestru d’asturianu

El sindicatu Suatea acusó a la Conseyería d’Educación y Cultura de “problema grave de planificación educativa” por tener a estes altures de cursu al Institutu Carmen y Severo Ochoa de L.luarca y al CPBE de Zarréu ensin profesor d’asturianu.

“Un carretáu d’alumnáu qu’escoyó recibir esta materia ve conculcáu’l so llexítimu derechu como consecuencia de una falta planificación alministrativa”, indicó’l sindicatu, que recuerda que hai llistes y bolses con profesoráu preparáu pa impartir la materia “pero nun la escueyen”.

Read Full Post »

La ministra Celáa yá conoz la reivindicación de la especialidá d’asturianu

El conseyeru d’Educación, Genaro Alonso, tresmitió a la ministra d’Educación, Isabel Celáa, la reivindicación de la especialidá docente de Llingua Asturiana y Lliteratura, dalgo qu’esixe un cambiu nos reales decretos d’especialidaes, que son competencia del Ministeriu.

Nellos, tendría qu’establecese que se pue aprobar la especialidá docente pa llingües qu’anque nun son oficiales tienen protección llegal y una política llingüística desarrollada pola comunidá autónoma, como ye’l casu de la llingua asturiana.

Read Full Post »