Feeds:
Antradas
Comentairos

Posts Tagged ‘SUATEA’

“La oficialidá ye l’únicu camín” pa la Xunta pola Defensa de la Llingua Asturiana (XDLA) pa evitar situaciones como l’anulación del Plan de Normalización Llingüística de Carreño. Entiende que la sentencia de recién d’un xulgáu de Xixón “vuelve a demostranos que’l marcu xurídicu actual, la Llei d’Usu, ye insuficiente”.

El coleutivu cívicu entiende qu’esta anulación, que se suma a una previa del Tribunal Superior de Xusticia, “amás d’una clara intromisión na autonomía municipal, ye una muestra más de que la oficialidá ye l’únicu camín posible p’asegurar la plena validez xurídica de la política llingüística llevada alantre polos conceyos”. La mesma establez l’anulación del Plan de Normalización porque “se proyeuta hacia la totalidá de l’actividá municipal y amás en rellación cola xeneralidá de los ciudadanos que se relacionen cola mesma”, lo que pa la XDLA ye venir a dicir “que l’asturianu nun val pa falar de too, que namás se pue usar pa determinaes coses y que la xente que quiera nun pue rellacionase col so conceyu na so llingua materna”.

(more…)

Read Full Post »

Iniciativa pol Asturianu denuncia la situación del asturianu nel Currículu d’Educación Infantil y súmase asina a la quexa per parte de SUATEA esta selmana, tres la modificación del decretu 85/2008.

Iniciativa pol Asturianu denuncia que tres de la modificación del Decretu 85/2008, de 3 de septiembre, pol que s’establez el currículu del segundu ciclu d’Educación Infantil (EI), el tratamientu que va recibir la nuesa llingua va ser más restrictivu de lo que la llei d’usu posibilita.

(more…)

Read Full Post »

SUSANA D. MACHARGO

La enseñanza de la lengua asturiana protagoniza las novedades del próximo curso escolar en el Principado. Primero, la Consejería de Educación anunció la puesta en marcha del plan experimental que convierte a la llingua en idioma vehicular, recien publicado en el Boletín Oficial del Principado (BOPA). Ahora, tramita por vía urgente la modificación de un decreto para introducir el asturiano, por primera vez, en el currículo del segundo ciclo de Infantil, el único del que había quedado fuera. El documento ha recibido el visto bueno del Consejo Escolar y continúa ahora el resto del sendero burocrático. Al sindicato SUATEA le queda un regusto amargo. Defiende la extensión de la materia pero cree que el Gobierno regional tendría que haber sido más ambicioso. Por esa razón, presentó una serie de enmiendas que, a su entender, hubieran mejorado la propuesta pero que fueron rechazadas.

El preambulo sirve a la Administración para reconocer la necesidad de ampliar a Infantil la enseñanza, porque la lengua asturiana «forma parte de la realidad más inmediata de nuestros alumnos y alumnas, configura el entorno social y cultural más próximo del que forman parte y con el que interactúan. Sin olvidar, que se constituye como lengua materna para un importante sector del alumnado». La consejería tiene, además, base legal para dar este paso. Está la ley de uso y promoción de 1998, que también sustenta la enseñanza de la llingua en Primaria, Secundaria, Bachillerato y FP. La iniciativa parte de la Dirección General de Planificación Lingüística y Normalización.

(more…)

Read Full Post »

Los sindicatos Suatea, UXT y Comisiones Obreres mostraron la so conformidá col proyectu pilotu pa impartir asignatures utilizando l’asturianu como llingua vehicular en dellos centros de la rede educativa, anque reclamaron la reconocencia de la especialidá docente pal profesoráu.

Nuna rueda de prensa pa presentar la convocatoria de güelga, representantes de los trés sindicatos refiriéronse al anunciu realizáu agora poco pol conseyeru d’Educación, Genaro Alonso.

“Paeznos positivo”, señaló Enrique Fernández (CCOO), “Pero’l verdaderu oxetivu ye la cooficialidá d’asturianu, y ési ye’l fin últimu”, añadió, “y ello pasa pela escolarización”.

(more…)

Read Full Post »

PABLO R. GUARDADO

El tratamientu de los llibros de testu de Secundaria y Bachilleratu a la llingua asturiana, catalogándola de dialeutu del castellanu o d’un idioma en desusu, crea polémica nesti aniciu del cursu al igual que n’años anteriores. “Les editoriales incumplen la normativa del currículu d’Asturies”, asegura González Riaño, vicepresidente de l’ALLA.

Asturies.com faló con persones del mundu educativu y llingüísticu pa conocer por qué anguaño entovía nos institutos del país en clase de Lengua Castellana de Secundaria y Bachilleratu, etapes educatives onde s’estudia la diversidá llingüística del Estáu, l’asturianu tien esti tratamientu. Dende l’Academia de la Llingua Asturiana (ALLA), Xosé Antón González Riaño califica estes afirmaciones de “acientífiques” y rellacionales con “zunes qu’arrastramos del franquismu; una ideoloxía difícil de superar”.

(more…)

Read Full Post »

El sindicatu mayoritariu na enseñanza docente non universitaria n’Asturies, SUATEA, salía esti miércoles al pasu de les declaraciones que’l Conseyeru d’Educación, Genaro Alonso, ficiera nos medios alredor de la Especialidá Docente de Llingua Asturiana, porque pal sindicatu nun hai más que dos soluciones: “Que’l Ministeriu cumpla l’alcuerdu del Conseyu Escolar del Estáu o que’l Parlamentu asturianu conceda la oficialidá”.

SUATEA quier esclariar que “les noticies publicaes nes que la Conseyería anuncia la creación d’una comisión, a comuña col Ministeriu, pa ellaborar un decretu autonómicu, nun pueden entendese como avances pa la creación de la Especialidá, nel momentu nel que namás hai dos soluciones: Que’l Ministeriu cumpla l’alcuerdu del Conseyu Escolar del Estáu nos términos enantes espuestos o bien que’l Parlamentu asturianu conceda l’estatus xurídicu y constitucional que convierta n’oficial el nuestru idioma. Nun caben terceres víes“.

(more…)

Read Full Post »

Como fai alcordanza SUATEA nun comunicáu asoleyáu esti martes, el pasáu mes d’ochobre, el Parlamentu asturianu aprobó una Proposición non de Llei pola dignificación de la llingua asturiana col apoyu del PSOE, Podemos, IX y Foro y “nella, ínstase al Conseyu de Gobiernu a diseñar un plan de dignificación y normalización llingüística enantes del próximu periodu de sesiones”.

Y amás el conseyeru d’Educación y Cultura, Genaro Alonso, nes sos comparecencies públiques y nos conceyos realizaos a primeros de cursu con tolos sindicatos presentes na Xunta de Personal Docente, “comprometióse a meyorar el desarrollu de la Llei d’Usu y Promoción del asturianu y el so reforzamientu nel ámbitu educativu”. De la mesma manera, el Director Xeneral de Planificación lingüística, “mostróse comprometíu con estos principios y con dar solución a les reclamaciones que se-y treslladaron sobre tola riestra d’irregularidaes detectaes a los primero del cursu”.

(more…)

Read Full Post »

PABLO R. GUARDADO

Otu añu más repítese la historia. Venti centros educativos principien el cursu ensin maestru de Llingua Asturiana, según los datos que manexa SUATEA.

El sindicatu educativu cifra en 102 les places totales ensin cubrir, de les que venti correspuenden a la materia de Llingua Asturiana. Ello significa qu’estos centros educativos nun van contar con maestros de l’asignatura hasta’l 15 de setiembre, cuando se va facer la segunda convocatoria.

(more…)

Read Full Post »

“¿Daquién con xacíu pue dexar pasar esta oportunidá y refugar esta ufierta?” entrugóse Ana María Cano, presidenta de l’ALLA, nel actu académicu del XXXVI Día de les Lletres Asturianes depués d’ufrir a los partíos moderar un procesu d’oficialización de l’asturianu “axustáu a les necesidaes d’Asturies”. Enantes, alredor de 3.000 persones pidieron la oficialidá peles cais d’Uviéu.

La coincidencia de la xornada col entamu de la campaña eleutoral pa les Nacionales y municipales del 24 de mayu condicionó’l discursu institucional de Cano que, tres emponderar el llabor de la Xunta pola Defensa de la Llingua Asturiana (XDLA) –coleutivu que recibió un reconocimientu por parte de l’Academia de la Llingua Asturiana (ALLA)– y facer un repás al llabor académicu nestos doce meses últimos, refirióse a esta cita coles urnes como “una oportunidá pa la llingua asturiana”. “En 15 díes, el 24 de mayu, celébrense les eleiciones pa escoyer la composición de la Xunta Xeneral del Principáu y, darréu d’ello, el Gobiernu d’Asturies. Y ye equí onde se xuega’l futuru del asturianu porque, a lo cabero y práuticamente, ye’l parllamentu asturianu, y non otres instancies europees o estatales, el que decide qué facer cola llingua hestórica d’Asturies”, señaló.

(more…)

Read Full Post »

PABLO R. GUARDADO

SUATEA, Fete-UXT, Fe-CCOO y CSI roblaron un comunicáu conxuntu nel que refugaron el currículu propuestu pola conseyería pa Secundaria y Bachilleratu, y recordaron la falta de compromisu d’Ana González al nun crear la especialidá docente de Llingua Asturiana. Los sindicatos ven na oficialidá la solución a tolos problemes qu’atopa l’idioma nel ámbitu educativu.

“L’alministración pon sobre la mesa una propuesta de currículu que supón una agresión directa a la presencia de la Llingua asturiana y del Gallego-asturiano na educación Secundaria y el Bachilleratu. Ye una propuesta qu’incumple la Llei d’Usu y marxina l’asignatura como nunca se fixera hasta agora”, afirmen nel comunicáu. La propuesta presentada pola conseyería dexa en Secundaria al idioma como optativu en competencia “con gran númberu de materies” y con un pilancu nuevu: la obligatoriedá de cursar l’asignatura con anterioridá pa poder dar Llingua Asturiana o Gallego-asturianon nes etapes cimeres. Mentes, en Bachilleratu súmase un recorte del 75 por cientu de los hores llectives, pasando de 4 a la selmana a 1.

(more…)

Read Full Post »

« Newer Posts - Older Posts »