Arturo Somoano publica «La cueva de la diosa»

La editorial Suburbia acaba de publicar La cueva de la diosa, d’Arturo Somoano. Trátase d’una novela histórica d’ambientación medieval. La trama desarróllase alredor de la figura de Pelayo y les sos rellaciones colos clanes ástures nes víspores de la invasión musulmana.

De trazu áxil y frescu, inxértase na colección de narrativa de xéneru Quemando cromo, de Suburbia Ediciones. L’autor ye un escritor novel que s’estrena nel xéneru narrativu, d’alcuerdu coles intenciones de Suburbia Ediciones de dar oportunidaes a escritores mozos y con talentu.

(de Les Noticies, 29-12-2011)

Read Full Post »

12

El númberu 12 de la colección mecánica popular de Suburbia Ediciones ye Teoría de la pertenencia, de Ramón Lluís Bande.

Teoría de la pertenencia ta integráu por una colección de proses autónomes que mui probablemente -queda a xuiciu del llector- conformen, con una serie d’enllaces visibles y otros invisibles, una narración unitaria: la d’un personaxe ensin nome en plena tresformación, que sigue buscando les característiques principales que puedan definir la so identidá nel momentu presente.

Read Full Post »

Suburbia reedita «Les ruines», de Xandru Fernández

La editorial Suburbia acaba de reeditar dientro de la colección Mecánica popular la novela Les ruines, de Xandru Fernández, con una edición revisada y correxida pol autor d’una de les obres más conocíes y con más éxitu de la lliteratura asturiana. La publicación sigue’l camín d’Añada pa un güeyu muertu, d’Adolfo Camilo Díaz, axustada a les normes ortográfiques actuales y revisada pol autor, al entender Suburbia Ediciones como un necesidá dar a conocer a llectores nuevos obres de gran prestixiu y éxitu que nun ye posible alcontrar nes llibreríes anguaño.

Read Full Post »

Suburbia edita’l llibru infantil «Nel circu Lusu»

Suburbia Ediciones acaba d’editar Nel circu Lusu, de Llucía Tejerina, llibru qu’inaugura la serie infantil protagonizada por Sira y les sos aventures. La protagonista ye una neña perinquieta, sorriyona y imaxinativa. Na so primer aventura, Sira va dir al Circu Lusu, onde va conocer y emocionase con tolo qu’ellí ve.

Nel circu lusu ta orientáu a primeros lectores, fuxendo de tópicos de la lliteratura infantil. Escrito en versu por Llucía Tejerina, les ilustraciones son de Marcos Vigo y acompañen al llector pequeñu nesti viaxe que va espertar la so imaxinación y amor polos llibros.

(de Les Noticies, 19-12-2011)

Read Full Post »

Orfandad

JOSÉ LUIS PIQUERO

Pérdida y desconsuelo. Esas serían dos de las palabras clave en este nuevo y espléndido libro de poemas de Pablo Antón Marín Estrada (Sama, 1966), uno de los grandes poetas (y narradores) de la literatura asturiana actual. Hay otras palabras: cansancio, silencio, olvido. Pero también memoria, para sobreponerse a todo lo demás: el último patrimonio del que está solo.

Read Full Post »

Presentando’l I Premiu de Relatu n’Asturianu de la FNAC

Esti 2011, la FNAC de Parque Principado (Siero) convocó’l I Premiu de Relatu n’Asturianu. El ganador foi David Fernández, col orixinal tituláu La vuelta.

La vuelta, publicáu por Suburbia Ediciones, preséntase’l vienres 25, a les 19 hores, na FNAC.

(de Suburbia Ediciones, 24-11-2011)

Read Full Post »

Suburbia edita «L’árbol de la verdá», de Xurde Fernández y Marián García

Suburbia Ediciones espubliza’l númberu dos de la so colección pa nenos Camín de Bree. Trátase d’un llibru escritu a comuña ente los escritores Xurde Fernández y Marián García: L’árbol de la verdá.

Ye un títulu d’aventures onde los propios llectores van tener qu’escoyer el camín que quieren siguir. «Un llibru que va estimular la creatividá y la imaxinación de los neños, too ello acompañao de les impresionantes ilustraciones de la pintora Gloria Caamaño», indiquen dende la editorial.

(de Les Noticies, 26-05-2011)

Read Full Post »

Suburbia Ediciones edita El sistema débeme una chocolatina

Pablo X. Suárez asoleya’l so segundu poemariu en llingua asturiana entituláu El sistema débeme una chocolatina.

Con esti poemariu l’autor alcanza la madurez poética, el volume ta compuestu por una serie de poemes de lo cotidiano, les chapes de ciclistes de la infancia, les tardes de futbol nos chigres, los llugares cotidianos… son la base pa estos poemes. Con una voz mui reconocible, Suárez ye un de los autores mozos con más recorríu de la lliteratura n’asturianu. Nesti llibru recuéyense poemes tan conocíos del autor como La verdá esa puta o Mahou.

(d’Infoasturies, 18-05-2011)

Read Full Post »

Suburbia espubliza “La mio voz”, poemariu ganador del Xuan María Acebal 2010

Yá llegó a les llibreríes “La mio voz”, el poemariu que-y valió a l’académica y profesora Marta Mori’l Premiu Xuan Mª Acebal na so edición de 2010. “La mio voz” afonda nes venes característiques de la poesía de Marta Mori: poesía intimista, d’ellaboración curiada y fondu procuru llingüísticu, onde l’autora posa la mirada sobre l’entornu inmediatu y tamién el llonxanu, enllazando la imaxe suxerente cola reflexón axeitada. La obra espublízase a comuña ente la editorial xixonesa Suburbia y la Conseyería de Cultura.

Read Full Post »

La lliteratura n’asturianu vive nuna crisis constante y siempre paez sobrevivir»

Cuna de les novedaes d’esta temporada ye’l volume coleutivu ‘Contadores de Lluz’, espublizáu por Suburbia Ediciones. Esti llibru, que fai el númberu diez de la coleición Mecánica Popular, recueye les narraciones curties de trece escritores asturianos, que punxeron lletra y pallabra a otres trece semeyes de Jandro Llaneza, llogrando una obra qu’añuda fotografía y lliteratura. Los autores participantes nesti proyeutu son Pablo Texón, Quique Faes, Xabiero Cayarga, Vanessa Gutiérrez, Xandru Fernández, Alberto Carrio, Sofía Castañón, Xabel Vegas, Miguel Rojo, Pablo X. Suárez, Xurde Fernández, Iris Díaz Trancho y Ramón Lluís Bande.

El prólogu y edición van a cargu de Silvia Cosío, de Suburbia Ediciones, cola que falamos sobre esti nuevu trabayu.

¿Cómo surdió la idea de facer esti volume coleutivu?
Per un llau ye casi una tradición en Suburbia facer antoloxíes, una manera guapa de tar en contactu con diversos autores y per otru yera una delda pendiente con Jandro Llaneza, responsable de les semeyes de la colección mecánica popular, una bona manera de dar a conocer el so trabayu ya talentu.

Read Full Post »