Feeds:
Antradas
Comentairos

Posts Tagged ‘Suburbia’

Suburbia Ediciones asoleya Contra’l Silenciu, el númberu 13 de la so colección de poesía Males Tierres. Con esta obra, cuya esbilla y compilación débense al tamién poeta Berto García amuésase un completu panorama de tola poesía espublizada en llingua asturiana dende los tiempos del Surdimientu fasta anguaño. Nella apaecen tolos poetas en llingua asturiana xunto cola mención a toles sos obres espublizaes.

De cada ún d’ellos Berto García seleccionó un poema y en pallabres del compilador:”Esti llibru ye una cenciella pero, al empar, completa esbilla de poesía del Surdimientu, cola qu’afitar que l’asturianu tien una puerta abierta al futuru. Esta compilación quier ser una referencia, un puntu d’arrinque pa quien s’avere a la poesía en Llingua Asturiana; un escaparate onde poder ver lo meyor de la creación na poesía llariega y qu’afale l’enclín por siguir conociendo y andando’l camín de la poesía contemporánea n’asturianu. Frutu d’un llargu procesu d’afondamientu tienes, agora nes tos manes llector, una amuesa d’esta estaya de la lliteratura, na nuesa llingua, nos últimos trenta años.”

(d’Asturnews, 31-04-2014)

Read Full Post »

Suburbia Ediciones asoleya’l númberu 3 de la so colección quemando cromo col llibru Nos prietos abilsos, colección de rellatos de terror. Carlos X. Blanco mos presenta una obra orixinal dientru d’un xéneru que nun ye habitual na narrativa asturiana. Con un estilu amenu y directo l’autor nos conduz pelos mundos del terror y lo fantástico nuna colección d’hestories nun llibru qu’omenaxea a Lovecraft. Con un estilu claru ya amenu Nos prietos abilsos ye una rara avis dientro de la tradición narrativa asturiana que va facer les delicies de los amantes del xéneru fantásticu.

Carlos X. Blanco Martín (Xixón,1966), ye profesor en Ciudad Real y Doctor en Filosofía pola Universidá d’Uviéu. Ye un conocíuautor d’ensayos políticos sobre Asturies y la so identidá. Tamién asoleyó dellos artículos académicos y collaboraciones en llibros.

(de Suburbia Ediciones, 21-04-2014)

Read Full Post »

JESSICA M. PUGA

Por segundo año consecutivo las editoriales asturianas llevarán nuestra literatura a la barcelonesa fiesta de Sant Jordi el próximo 23 de abril. Lo harán con un ‘stand’ en pleno paseo de Gracia en el que la clave estará del lado de la variedad de géneros y de estilos. En el proyecto, nacido al amparo del Centro Asturiano de Barcelona, participan en esta ocasión once editoriales, cinco más que el año pasado: Hoja de Lata, Aventuras Literarias, Suburbia Ediciones, Pez de Plata, Pintar-Pintar, Trabe, Trea, Seronda, Nobel, KRK y Satori. Juanto a ellas, cuatro de sus escritores aprovecharán la cita para firmar ejemplares: Sergi Escolano y Mariano Veloy, con Pez de Plata; Ernesto Colsa, con KRK, y Ernesto Frattarola con Suburbia.

(more…)

Read Full Post »

Suburbia Ediciones asoleya’l que ye’l númberu doce de la so colección de poesía males tierres:Tendal de Berto García.

Tendal ye la primer collaboración ente Suburbia Ediciones y el so autor Berto García. Poemariu n’apariencia cenciellu, Tendal explora con técnica ya maestría la cotidianidá dende’l dominiu de la llingua y les metáfores. (more…)

Read Full Post »

Suburbia Ediciones reedita Misión Pelayo de Xulio Arbesú, novela xuvenil que marcó un antes ya un después na lliteratura xuvenil en llingua asturiana. Espublizada orixinalmente pola Academia de la Llingua Asturian nel añu 2002, la so primer edición agotárase rápidamente.

Suburbia Ediciones decide rescatar esta obra y presenta esta segunda edición revisada y correxida a costa fecha por Xulio Arbesú pa que los llectores d’anguaño puedan desfrutar de les aventures de Licia, Mario y Rafa. Viaxes nel tiempu, viaxes iniciáticos y fechos ya personaxes que marcaron la hestoria d’Asturies se paseen peles páxines de Misión Pelayo que caltienen tola so maxia y el so encantu orixinales. Nesta reedición rescátense tamién les ilustraciones orixinales de Bertu Peña.

(de Suburbia Ediciones, 08-01-2014)

Read Full Post »

PABLO RODRÍGUEZ MEDINA

Ruma Barbero de Diego
Manzajú
Premiu Alfonso Iglesias 2009
Suburbia Ediciones
Xixón, 2010

D’ente les munches asignatures pendientes que tien la creación lliteraria en llingua asturiana, y que dende’l Xurdimientu se punxeron al llabor d’actualizar, quiciabes una de les más acusaes yera la del cómic. Nos años noventa, cola apaición de la revista El llapiceru, quiciabes tamién con aquella otra espublización que mercaba de guah.e, Tapón, onde vía apaecer a Gladius, a Xuanón, y ensin escaecer la monumental Crónica de Leodegundo, taba la semiente de lo que vien guañando agora. Ye dificil, ta a les clares, una industria del cómic n’asturianu y siempre vieno, como el casu de la lliteratura, acompañada pol sofitu institucional, bien seya de la mano de subvenciones o de la mano de los premios. Ello, anque nun ye desable, ayuda a que podamos difrutar de verdaderes ayalgues como esta obra, Manzajú, de Ruma Barbero de Diego. (more…)

Read Full Post »

PABLO RODRÍGUEZ MEDINA

Milio Mariño
El xaretón del embeligru
Suburbia ediciones
Xixón, 2012

Si al tipu de cantar propiu de la mariña conózse-y pol nome de mariñana (amás de ser un axetivu qu’indica la procedencia o relación cola fastera de la costa o la mar), al tipu de narraciones que Milio Mariño axunta n’El xaretón del embeligru podríemos nomatalu mariñada, porque en toes elles albidramos un mesmu xeitu narrativu.

Nel presente volume editáu por Suburbia, Milio Mariño atropa trecé narraciones nes que s’amuesa como un bon plantegador de trames, con un estilu directu, que ye quien a cazar l’atención del llector con una cenciella anéudota, como ocurre, por exemplu, en “El perru biruelu” nel que l’acción desencadénase cuando’l protagonista descubre que tien una oreya más baxa qu’otra; tamién pue facer usu de plantegamientos llamativos, como en “La muyer del vistíu prietu”, nel qu’apunta toques de la trama característicos de Patricia Highsmith (qu’asomen n’otres pieces como “Una nueche en tren”). La resolución, sicasí, en dalgunos relatos nun ye la más feliz dende’l puntu de vista narrativu. (more…)

Read Full Post »

QUIQUE FAES

¿Cuánto tien de ficción la lliteratura n’asturianu? Dos mil títulos editaos nos últimos cuarenta años esperen pola visita d’un llector más o menos espectral. Son el productu d’un mercáu estrañu, condicionáu poles subvenciones públiques, que por primer vez en décades paez tar bastante peor de lo que taba: la llamada crisis económica y el propiu esbarrumbe d’un modelu cultural afitáu enriba de bases febles propiciaron el pieslle de les más emblemátiques llibreríes, obliguen a los editores a facer piruetes pa encarar el futuru y castiguen a los autores con remuneraciones cada vez más ruines. Sumíos nuna nublina que paez condenalos a una invisibilidá n’aumentu, unos y otros faen autocrítica. (more…)

Read Full Post »

Beatriz del Rivero, la protagonista y narradora d’Espankin, la última novela d’Adolfo Camilo Díaz, ye fotógrafa aficionada y profesora nun colexu d’élite. Ta casada, tien un fíu, y sospecha que l’home tuvo una aventura con una muyer que se fai llamar “Camparina”. La vida complícase-y cuando saca a los sos alumnos a esparcer un día soleyeru, ensin los preceptivos permisos de la dirección. Llévalos hasta les ruines d’un castiellu cola mala suerte de qu’una nena, Blanca, cai dende lo más alto sobre la baranda que zarra’l recintu y los que la acompañen ven sorprendíos y asustaos cómo s’estampa y cómo la vida escapa de la nena adulces. Ocurre xusto nel mesmu sitiu nel que’l padre de Beatriz, munchos años atrás, sufrió un accidente fatal. L’arranque de la novela, un primer capítulu tan redondu que podía funcionar como un cuentu en sí mesmu, atrapa al llector inmediatamente, dexándose llevar depués pol oficiu narrativu d’un autor, Adolfo Camilo Díaz, que manexa sobradamente la construcción de personaxes y situaciones, pero que sabe sobre too imponer un ritmu trepidante, de manera que ye difícil posponer la llectura una y bones s’empieza. (more…)

Read Full Post »

El próximu xueves 2 de mayu, dientro del marcu del Día del Llibru Asturianu, van facese dos actos na Sala d’Arte del Centru Sociocultural de Las Vegas/Les Vegues, toos dos de calter gratuitu y d’asistencia llibre: a les 19 hores, presentación del últimu númberu de la revista lliteraria Formientu; y a les 20 hores, presentación de la novela El príncipe derviche, de Xandru Fernández.

Unes actividaes entamaes pola “Casa de la Llingua” de Corvera, que ye la manera que, dende cuantayá, gusten llamar nel conceyu corverano al so Serviciu de Normalización Llingüística y les sos instalaciones. (more…)

Read Full Post »

« Newer Posts - Older Posts »