PSOE, Podemos y Foro respaldan la proposición de IU para diseñar un Plan de Dignificación de la Llingua

La Junta General del Principado de Asturias ha aprobado este viernes en sesión plenaria una proposición no de ley de Izquierda Unida para diseñar, antes de finalizar el próximo periodo de sesiones, un Plan de Dignificación de la Llingua Asturiana que se desarrolle durante la presente legislatura.

La iniciativa ha salido adelante con los votos de PSOE, Podemos, IU y Foro para mejorar la protección, difusión y normalización de la llingua, mientras que los tres parlamentarios de Ciudadanos se han abstenido y los 11 diputados del PP han votado en contra argumentando que los socialistas han gobernado la mayoría de legislaturas y varias en compañía de IU “sin haber avanzado” en la defensa del asturiano y del gallego-asturiano.

Read Full Post »

El Conseyeru d’Educación falará nes llingües del país y habrá asturianu n’infantil

El Conseyeru d’Educación dexó bien a les clares nuna comparecencia que llevó tol miércoles 16 de setiembre que va falar davezu nes llingües del país y que l’asturianu va estendese a la educación infantil.

Genaro Alonso foi firme y claru. La diputada de Podemos, Lucía Montejo, foi la que quixo saber si Genaro Alonso diba emplegar l’asturianu nes sos intervenciones públiques. Y el Conseyeru fizo alcordanza de que yá lo ficiera nes dos inauguraciones de cursu escolar, en Cabanaquinta y en Tapia de Casariego. Y entá dixo más: Les dos intervenciones foron billingües porque Alonso va cambiar de rexistru cuando-y pruya.

Read Full Post »

Cano plantega a les fuercies polítiques un procesu d’oficialización “axustáu a les necesidaes d’Asturies” nel que l’ALLA actuaría de moderador

“¿Daquién con xacíu pue dexar pasar esta oportunidá y refugar esta ufierta?” entrugóse Ana María Cano, presidenta de l’ALLA, nel actu académicu del XXXVI Día de les Lletres Asturianes depués d’ufrir a los partíos moderar un procesu d’oficialización de l’asturianu “axustáu a les necesidaes d’Asturies”. Enantes, alredor de 3.000 persones pidieron la oficialidá peles cais d’Uviéu.

La coincidencia de la xornada col entamu de la campaña eleutoral pa les Nacionales y municipales del 24 de mayu condicionó’l discursu institucional de Cano que, tres emponderar el llabor de la Xunta pola Defensa de la Llingua Asturiana (XDLA) –coleutivu que recibió un reconocimientu por parte de l’Academia de la Llingua Asturiana (ALLA)– y facer un repás al llabor académicu nestos doce meses últimos, refirióse a esta cita coles urnes como “una oportunidá pa la llingua asturiana”. “En 15 díes, el 24 de mayu, celébrense les eleiciones pa escoyer la composición de la Xunta Xeneral del Principáu y, darréu d’ello, el Gobiernu d’Asturies. Y ye equí onde se xuega’l futuru del asturianu porque, a lo cabero y práuticamente, ye’l parllamentu asturianu, y non otres instancies europees o estatales, el que decide qué facer cola llingua hestórica d’Asturies”, señaló.

Read Full Post »

Academia, sindicatos y colectivos piden que nun se ceda ante ataques “minoritarios” contra la enseñanza d’asturianu

L’Academia de la Llingua, los sindicatos d’enseñanza Suatea, FETE-UXT y la federación d’enseñanza de CCOO, el Sindicatu d’Estudiantes, amás de la Federación d’Asociaciones de Padre Miguel Virgós, y otros colectivos como la Xunta pola Defensa de la Llingua, Iniciativa pol Asturianu o Ástura denunciaron esti vienres públicamente un intentu “tendenciosu, interesáu y minoritariu” de “determinaos sectores” p’acabar “coles cortes posibilidaes que tien la escolarización en Llingua Asturiana”.

Asina lo señalaron nun comunicáu conxuntu. Darréu comparecieron en rueda prensa representantes de tolos firmantes, encabezaos pola presidenta de l’Academia de la Llingua Asturiana, Ana Cano. La declaración pretende responder al intentu del Partíu Popular de que na enseñanza primaria, amás de Llingua Asturiana y Cultura asturiana, como asignatures de llibre configuración, s’ofreza una Segunda Llingua Estranxera.

Read Full Post »

Ana Cano recuerda a los partíos ante les elecciones europees que la UE encamienta protexer les llingües minoritaries

La presidenta de l’Academia de la Llingua Asturiana, Ana Cano, aprovechó la coincidencia del actu institucional del Día Les Lletres, nel Teatru Campoamor, cola campaña electoral pa los comicios europeos del 25 de mayu, pa recordar que la Unión Euroopea encamienta y toma abondes midíes pa la protección de les más de 30 llingües minoritaries que tien reconocíes el continente, ente elles l’asturianu.

Fízolo nel so discursu, ante un teatru tremáu de xente, ente la que taben numberosos políticos de casi tolos partíos que se presenten a les elecciones europees n’Asturies.

Read Full Post »

Academia y sindicatos alvierten que cola ‘Llei Wert’ en primaria tamién s’escoyerá ente asturianu y francés

L’Academia de la Llingua Asturiana, apoyada polos principales sindicatos d’enseñanza y d’estudiantes, amás d’organizaciones de padres d’alumnos, alvirtió esti llunes de que la nueva llei d’educación, conocida como Llei Wert, dexaría la enseñanza d’asturianu en primaria na mesma situación qu’en secundaria, esto ye, como materia optativa y non voluntaria. Los alumnos tendríen qu’escoyer, poro, ente ‘llingua’ o francés, lo cual la institución considera “una marxinación”.

La presidenta de l’Academia de la Llingua, Ana Cano, lleyó un manifiestu al respecto en rueda prensa esti martes, acompañada por Faustino Zapico (Suatea), Daniel Rodríguez (responsable de FETE-UXT Asturies) y Enrique Fernández (secretariu xeneral de la Federación d’Educación de CCOO). Tamién tuvieron presentes representantes de les federaciones de padres FAPA Miguel Virgós y Fapas-Xixón. Y nun pudo acudir nengún representante del Sindicatu d’Estudiantes, que tamién apoyó’l comunicáu.

Read Full Post »