Fernando Martínez y Laura Marcos faense colos premios del concursu de microrrellatos n’asturianu «L’Horru del Carbayedo»

Esti vienres 20 d’avientu aconceyó’l xuráu del XIII Concursu de microrrellatos n’asturianu «L’Horru del Carbayedo», qu’entama l’Asociación de Vecinos El Horreo. Tuvo formáu por Miguel Solís Santos, escritor, dibuxante y miembro de l’ALLA, Susana Sel, escritora y esperta en cultura tradicional asturiana, y Verónica Fueyo Alcedo, hestoriadora, investigadora na etnografía asturiana y traductora.

Decidieron entregar el primer premiu d’esta edición, 500 euros y troféu, al rellatu «El güelu» (presentáu col nomatu «Valdesoto»), que resultó ser del escritor avilesín Fernando Martínez Rodríguez, que tamién foi ganadora l’anterior edición del gallardón.

Read Full Post »

Laura Marcos faise col XXVI Premiu Fernán-Coronas de poesía con “Díes otros”

El xuráu del Premiu Fernán-Coronas dio anuncia güei na Casa Natal del Padre Galo y coinciendo col aniversariu de la nacencia del autor de Cadavéu, de la obra ganadora d’esta edición del gallardón, titulada Díes otros, de Laura Marcos, escritora moza de Mieres del Camín.

Susana Sela, Inaciu Galán, María Esther García y Carmen Guardado conformaron el xuráu d’esti añu, que reconoció la obra de Marcos como un poemariu “que constrúi imáxenes dures enllenes de metáfores bien llevaes alantre y al mesmu tiempu mui eficientes y cencielles”. Reconocieron tamién a “Díes otros” ser un volume “bien encadarmáu, tanto na forma como nel fondu”, dándo-y la victoria por unanimidá, ente les trés obres presentaes.

Read Full Post »

Un taller infantil d’animación a la llectura n’asturianu andará les 4 biblioteques d’Avilés

La escritora Susana Sela sedrá la encargada de desenvolver n’Avilés l’actividá entitulada “¿Quién pasó per equí?” nunos talleres que van facese los díes 30 d’abril, 2, 3 y 4 de mayu, a les 18 hores, coincidiendo cola Selmana de les Lletres Asturianes.

Un taller infantil d’animación a la llectura andará les cuatro biblioteques del Conceyu d’Avilés (Bances Candamo, La Carriona, La Xungarosa/Barrio de La Luz y Los Canapés) ente’l 30 d’abril y el 4 de mayu. Entitúlase “¿Quién pasó per equí?”, y va dalu la escritora avilesina Susana Sela.

Read Full Post »

La poesía n’asturianu llega a los móviles

La creación d’una playlist de poesía pola fonoteca The books movie permite sintir distintos poetes recitando dalgunos de los sos poemes y ente ellos tán más d’una decena d’autores n’asturianu y gallego-asturianu.

Según señalen dende Iniciativa pol Asturianu al traviés d’una nota de prensa, la Fonoteca de Poesía tien un ampliu fondu documental cola voz de más de 400 autores publicaos y publicaes. La parte asturiana cuenta cola collaboración de l’Asociación d’Escritores d’Asturies y tien dellos autores qu’usen l’asturianu y gallego-asturianu na so obra.

Read Full Post »

Villaviciosa edita su primer ebook en asturiano

El alcalde, Alejandro Vega, presentó ayer el primer ebook editado por el Ayuntamiento de Villaviciosa. La obra, que estará a disposición de los lectores en descarga libre a través de su página web, fue la ganadora del primer concurso de relatos cortos en asturiano ‘Xosé Caveda y Nava’. Su autor, Francisco Álvarez, recibió como premio una manzana de plata conmemorativa y mil euros. El acto concluyó con una performance de la poeta avilesina Susana Sela, en compañía de Maxi Areñes.

(d’El Comercio, 22-02-2018)

Read Full Post »

Raquel Fernández Menéndez lleva’l XI premiu de rellatos n’asturianu L’Horru del Carbayedo

Col rellatu “La cazadora”, Raquel Fernández Menéndez vieno acabante llevase’l XI premiu de rellatos n’asturianu L’Horru del Carbayedo, mentantu que Félix Fernández Rodríguez llevó’l segundu premiu col cuentu “Les llavanderes de Fontecaliente”.

El rellatu “La cazadora”, de Raquel Fernández Menéndez, y “Les llavanderes de Fontecaliente”, de Félix Fernández Rodríguez, llevaron el primer y el segundu premiu, respectivamente, del XI Concursu de rellatos curtios en llingua asturiana de L’Horru d’El Carbayedo. Trátase d’un gallardón qu’entama l’asociación de vecinos El Hórreo d’El Carbayedo en collaboración cola Estaya de la Llingua del Conceyu d’Avilés.

Read Full Post »

Lliteratura. Revista lliteraria asturiana

Nuevu númberu d’esta revista lliteraria editada pa celebrar el XXXVIII Día de les Lletres Asturianes y dedicada a les escritores asturianes. Participen nesti númberu Pilar Arnaldo, Iris Díaz Trancho, Elisabet Felgueroso, Esther García López, Aurora García Rivas, Carmen Gómez Ojea, María Xesús Llope, Marisa López Diz, Laura Marcos, Berta Piñán, Paquita Suárez Coalla y Consuelo Vega en «Narrativa». En «Poesía» alcontramos testos de Lourdes Álvarez, Ángeles Carbajal, Raquel F. Menéndez, Sabela Fernández, Yolanda Fidalgo, María José Fraga, Esther García López, Irma González-Quevedo Pedrayes, Vanessa Gutiérrez, Marisa López Diz, Marta Mori, Susana Sela y Ana Vega. La estaya «Traducción» ufre un trabayu de Claudia Elena Menéndez Fernández. Zarra’l númberu un «Varia» d’Esther Prieto.

(de l’Academia de la Llingua Asturiana, 17-05-2017)

Read Full Post »

Cano emponderó’l “papel que la muyer xuega nel procesu hestóricu de caltenimientu y recuperación de la llingua”

PABLO R. GUARDADO

Ana María Cano nun quixo entrar en temes políticos nel so discursu institucional pol Día de les Lletres Asturianes –anque dexó cayer delles crítiques– pa centrase nel Premiu Nacional de Lliteratura Asturiana, que recibió Xuan Bello, y l’homenaxe que l’ALLA fixo a la muyer pol so llabor na recuperación y caltenimientu del idioma.

Estos dos fechos centraron tamién l’actu d’esti añu nel Teatru Campoamor de l’Academia de la Llingua Asturiana (ALLA), nel que nun hebo nomamientos d’académicos nuevos. Con un patiu de butaques práuticamente enllenu nesta ocasión y cola presencia d’autoridaes del mundu políticu, cultural y social del país –finalmente, como s’esperaba, el presidente Javier Fernández nun acudió–, los miembros de l’ALLA xubieron al escenariu pel pasiellu central al son d’una gaita tres un entamu musical a cargu de Mariluz Cristóbal y la violinista Bárbara González-Quevedo.

Read Full Post »

El númberu 33 de Lliteratura inclúi 25 testos d’autores asturianes

El númberu 33 de la revista Lliteratura, que como tolos años publica l’Academia de la Llingua coincidiendo cola celebración del Día de Les Lletres (esti vienres, 5 de mayu), inclúi nesta ocasión testos de 25 escritores asturianes.

Dao que la Selmana de Les Lletres d’esti añu dedícase al trabayu de les muyeres escritores n’asturianu, la revista recueye trabayos d’autores n’activo en versu y en prosa.

Publiquen, ente otros, Carmen Gómez Ojea, Berta Piñán, Susana Sela, Esther Prieto, Marta Mori, Vanessa Gutiérrez o Aurora García Rivas. Inclúise tamién una torna al asturianu del testu de Jorge Luis Borges ‘El fin’, trabayu de Claudia Elena Menéndez Fernández.

(d’Europa Press, 03-05-2017)

Read Full Post »

La Estaya de la Llingua d’Avilés entama talleres pa la reciella sobre indumentaria tradicional

PABLO R. GUARDADO

El vienres va celebrase’l primer de los talleres ‘Traxinando n’Avilés’ sobre indumentaria tradicional a cargu de Susana Sela previstos estos meses. La Estaya de la Llingua entama esta iniciativa de baldre pa neños y neñes de 5 a 10 años.

La escritora, poeta y investigadora na etnografía asturiana va averar a la reciella los traxes del país al traviés de les histories d’Oneta, una neña con muncho que contar. Va ser mientres les dos hores de llargor del taller (de 17.30 a 19.30) que va tener como sede en primer llugar la Biblioteca de La Xungarosa esti vienres.

Read Full Post »