Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

Read Full Post »

“Esti trabayu lliterariu nuevu ye un diariu de suaños”, describe Maxi Areñes

PABLO R. GUARDADO

‘Suañando dende Areñes’ ye la obra nueva de Maxi Areñes, una colleición de rellatos y poemes que sigue la llinia de ‘Cuentinos dende Areñes’ y que’l músicu y escritor va presentar el vienres en L’Infiestu. Maitetxu Isla encárgase de les ilustraciones d’un trabayu lliterariu que’l xixonés define como “un diariu de suaños”.

Esti axitador cultural, como se define, presenta en ‘Suañando dende Areñes’ una serie de poemes de calter munchu más intimistes, ensín escaecer los rellatos en mou fábula. La so compañera de vida repite coles ilustraciones y les semeyes nesta autoedición.

Read Full Post »

Todo a cien : (100 lletres de 100 cantares)

Todo a cien : (100 lletres de 100 cantares)
Tante Blanco
Saltadera
224 páx.

///

Miembru fundador, nos años ochenta del sieglu XX, del míticu grupu d’agro-rock asturianu Los Berrones, Tante Blanco ta mui vinculáu al mundu de la música, onde ye conocíu como guitarrista y compositor. Depués de dexar aquella banda en 2005 empieza l’aventura musical en solitariu, editando col nome Stroza, BerronStones y Tante Blanco y The Parabeles Conexión. Solu o acompañáu, a Tante Blanco tíra-y el llabor de lletrista, dexando na memoria colectiva d’Asturies parte del so repertoriu, frases afortunaes, estribillos o cantares enteros.

Read Full Post »

«Paez que pa trunfar na música ties que pasar per un reality»

ENRIQUE CARBALLEIRA

Miembru fundaor, nos años ochenta del sieglu XX, del míticu grupu d’agro-rock asturianu Los Berrones, Tante Blanco (Tolivia, Llaviana, 1957) ta mui venceyáu al mundu de la música, onde ye conocíu como guitarrista y compositor. Depués de dexar aquella banda en 2005 empieza l’aventura musical en solitariu, editando col nome Stroza, BerronStones y Tante Blanco y The Parabeles Conexión. Agora llega a les llibreríes con ‘Todo a cien’, obra que recueye un centenar de les sos lletres, n’asturianu (la mayor parte) y castellanu, onde dexa ver la so capacidá pa captar y reproducir la llingua viva de la cai y pa reflesionar sobre l’actualidá.

¿Cuándo decidió apostar por esti ‘Todo a cien’?
Taba un día na oficina que tengo en desván, organizando papeles y dime cuenta de que tenía cuatro llibretes, que conservo dende’l primer día qu’entamé a escribir canciones, con lletres amontonaes d’una forma o d’otra. Tamién había carpetes con papeles de mil histories que fui recoyendo a lo llargo de los años. Apaecieron más de cien canciones y pasóseme pela cabeza la idea d’entamar la edición d’un llibru con elles. Quixi dexalo en cien, como un númberu zarráu.

Read Full Post »

Tante Blanco asoleya les sos lletres pa Los Berrones y otros grupos nun volume

Saltadera Ediciones ta acabante poner nes llibreríes Todo a cien, un llibru nel qu’apaecen glosaes por él mesmu (cunta la hestoria de cada cantar, si se grabó y cuándo y otros datos d’interés), un centenar de les sos lletres, n’asturianu (la mayor parte) y castellán, onde dexa ver la so capacidá pa captar y reproducir la llingua viva de la cai y pa reflexonar sobre l’actualidá en composiciones brillantes y fresques, apegadiegues.

Miembru fundador, nos años ochenta del sieglu XX, del míticu grupu d’agro-rock asturianu Los Berrones, Tante Blanco ta mui vinculáu al mundu de la música, onde ye conocíu como guitarrista y compositor. Depués de dexar aquella banda en 2005 escomencipia l’aventura musical en solitariu, editando col nome Stroza, BerronStones y Tante Blanco y The Parabeles Conexión. Solu o acompañáu, a Tante Blanco tíra-y el llabor de lletrista, dexando na memoria colectiva d’Asturies parte del so repertoriu, frases afortunaes, estribillos o cantares enteros.

Read Full Post »

Lo escomanao de les hestories piquiñines

PABLO RODRÍGUEZ MEDINA

Tante Blanco
Hestories piquiñines (3er. edic)
Trabe, Uviéu, 2013

Ún de los llibros más guapu de la lliteratura asturiana d’anguaño compónenlu delles aventures d’unos neños de La Vega’l Cantu nun tiempu non mui allonxáu.

L’autor del llibru, Tante Blanco, perfilase como ún de los meyores autores de la lliteratura asturiana d’anguaño que ye quien a coneutar con esi rexistru del sentir popular.

Read Full Post »

Hestories piquiñines. 3er edición

Tante Blanco
Incla interior, 108
ISBN: 978-84-8053-721-6
13 x 20 cm || 156 páxs. || PVP: 12 €

Hestories piquiñines, la estrena lliteraria de Tante Blanco, ye un divertíu llibru de cuentos que reflexa la vida escolar de los años sesenta en cualquier pueblu d’Asturies. Pero ye daqué más, ye una de les obres más vendíes de la lliteratura asturiana última: esta ye yá la tercer edición d’unes hestories tan piquiñines como los sos protagonistes, enllenes de tenrura y d’humor, d’ironía, dacuando terribles, como lo ye la vida mesma.

Read Full Post »

Piloña acueye los II Alcuentros de Músiques Feches n’Asturies

Esta selmana Valles, nel conceyu de Piloña, sedrá ún de los puntos clave nel panorama musical asturianu, col desendolcu de los II Alcuentros de Músiques Feches n’Asturies. Estes xornaes, entamaes pola Asociación Músico Cultural Bocanegra, tendrán escomienzu’l xueves, cola actuación del grupu folk Bon Tastu en primer términu, y posteriormente los perconocíos Asturiana Mining Company. El vienres sedrá turnu de Xera, qu’amosará la so interesante propuesta, onde s’amesta folk con estayes como la lletrónica.

Read Full Post »

El tonu asturianu

ANTÓN GARCÍA

Nel 2002 Ediciones Trabe echaba a andar la so aventura de publicar lliteratura n’asturianu pa quioscos cola colección “Maestros del humor”, una iniciativa que quería recuperar los textos que los siguidores de los monologuistes llevaben años pidiendo. Delestal, Anxelu, Fabricio, Quevedo, Ago, Cuesta, Burgos, Campo, Ciaño, Torniello, Sarandeses… fueron dalgunos de los autores “clásicos” rescataos, xunto a otros actuales, como Adolfo Camilo Díaz, Pin de la Cotolla, Cellero, El Maestru, Tino’l Rufo, Xuan d’Amandi, Albalá o Lado. Foi una aventura comercial de manual: a midida que se poníen a la venta los nuevos númberos de la colección, diben menguando les ventes esactamente na proporción prevista pol distribuidor pa esti tipu de llanzamientos. Anque nun resultara un éxitu mercantil, permitió reconciliar al públicu tradicional de la lliteratura nesta llingua col procesu de recuperación cultural, al tiempu que se rindía homenaxe al más popular de los subxéneros lliterarios asturianos con ediciones acuriosaes, en tapa, nes que se procuró evitar los textos que denigraben a les muyeres (los que fain apoloxía de los malos tratos, por exemplu).

Read Full Post »

Pablo Rodríguez Medina gana’l ‘Conceyu de Llaviana’

D. BARREIRO

Pablo Rodríguez Medina algamó’l primer premiu del IX Concursu de Narraciones Curties Conceyu Llaviana, entamáu pola Oficina de Normalización Llingüística.

La entrega de premios tuvo llugar el pasáu 20 de xunu tuvo llugar la entrega de premios. Los premiaos foron Pablo Rodríguez Medina, qu’algamó’l primer premiu, de 600 euros, pola narración ‘L’espontaneu’; Alfredo Huergo Zapico, segundu premiu, de 300 euros, pola obra ‘L’home qu’espantó a la muerte;’ y Darío Aceba, que recibió’l tercer premiu, dotáu con 150 euros, pol rellatu ‘Armando’.

Read Full Post »