Foriatos de casa: ¿Quién fala asturianu como llingua estranxera?

L’asturianu nun tien detrás una “Alliance Française”, un “Instituto Cervantes” o un “British Council”; pero eso nun quita pa que per dayuri heba xente que quiera deprendelu como llingua estranxera, que s’apunte a clases y que merque manuales pa deprendelo. Qué fai que madrilanos, colombianos, arxentinos, americanos, suizos y gallegos quieran deprender la llingua de Marirreguera? ¿Qué razones tienen? ¿Arrepiéntense? El grau de conocimientu varía, y el númberu de llingües que falen tamién. Lo mesmo pasa coles razones. Pero toos tienen en común una cosa: Nun son d’Asturies (nin de Llión, nin de Miranda’l Douro) y quieren deprender asturianu.

Nun mundu onde se mos repite que l’interés de les llingües varía acordies cola utilidá económica de cada una; lo cierto ye que nun son precisamente poques les persones que-y vieron al asturianu una utilidá social enforma importante. Pa dellos ye una manera de conocer la cultura, pa otros, d’adautase al país; falar la llingua de la to familia, deprender la llingua na que tán los tos llibros o discos preferíos o, cenciellamente, porque tien una sonoridá y una belleza que nun tienen otres. Anque la utilidá económica del asturianu ye escasa, la utilidá social del asturianu nunca foi más alta.

Read Full Post »

L’Anuariu de la Música analiza’l “les carencies” de la RPA y la “tercer revolución” del folk

Goxe Producciones vien de publicar el nuevu Anuariu de la Música Asturiana, referente al añu 2016, nel qu’ente otros coses, analízase’l papel y “les carencies” de la Radio Principáu d’Asturies nel contestu musical asturianu, asina como la “tercer revolución” del folk, no que cinca a tendencies y estilos nuevos.

Nuna nota de prensa, la editora informa de la publicación d’esti nuevu númeru, que será presentáu el xueves qu’entra nel llocal La Llegra d’Uviéu. Como ye vezu les temátiques céntrense n’estilos como la música tradicional, el folk, el rock o la canción d’autor, con secciones qu’inclúin reportaxes, informes, entrevistes, crítiques, opinión, cróniques, recoyida de material o anuncies.

L’Entamu, nesta ocasión titúlase ‘Una radio musicalmente asturiana’ y nél fálase del papel que tien que xugar la radio pública nel contestu musical asturianu, con bien de carencies y dificultaes, concluyendo que *La música propia del país ha tener un tratamientu fondu, seriu, permanente y tresversal na so programación*.

Read Full Post »

“Xeremandía” plurilingüe

J. L. A.

Cuatro lenguas romances para cantar y contar los asuntos universales de los que viene ocupándose la poesía con sus músicas extremadas. Palabras en asturiano, castellano, gallego y mirandés (lengua tradicional hablada en Miranda do Douro, Portugal, del mismo tronco que el astur-leonés) leídas o recitadas por poetas reunidos, en el Museo Casa Natal de Jovellanos, para participar en la “Xeremandía” organizada con motivo de la celebración del festival Arcu Atlánticu.

Un acto sencillo, aunque el marco del patio de la casa familiar de Jovellanos es uno de esos recintos que invitan siempre a la especulación histórica y cultural, en el que leyeron versos autores de una trayectoria ya consolidada, caso de Humberto Gonzali, Esther García López o Ángeles Carbajal, junto a otros menos conocidos pero que mantienen desde hace tiempo una amplia actividad desde grupos como “Encadenados”. Participaron, asimismo, poetas como Alfredo Cameirâo, que leyó en mirandés; Antón Riveiro Coello, con obra lírica en gallego, y Víctor Freixanes, que recurrió a textos en gallego de Manuel María.

Read Full Post »

La Sociedad Bíblica quier facer un esfuerciu pa terminar la Biblia n’asturianu n’homenaxe al xesuita González-Fierro Botas

La torna de la Biblia al asturianu, aniciada nel 1989, nun va quedar nun caxón. Ramón d’Andrés dio l’anuncia del enfotu de la Sociedad Bíblica de finar esti “proyeutu xigantescu” como homenaxe a Federico González-Fierro Botas. Foi nel actu dedicáu a la memoria del xesuita dientro de La Vagamar.

El filólogu y profesor de la Universidá d’Uviéu, ún de los munchos collaboradores de la iniciativa liderada pol xesuita, lleó un carta unviada por José Luis Andavert, direutor xeneral de la Sociedad Bíblica n’España, nel marcu del actu d’alcordanza a González-Fierro Botas celebráu’l vienres nel Centru de Cultura Antiguu Institutu, eventu qu’abría la novena edición de La Vagamar, l’actividá setembrina de l’Asociación Cultural L’Arribada. Nel testu, el biblista escusaba la so ausencia nel actu que recordaba la vida y obra del so amigu, “un amante exemplar de la so tierra y la so llingua”, y apuntaba’l so deséu de finalizar el proyeutu “de toes toes como homenaxe al so principal valedor”. Inclusive, D’Andrés confesaba al públicu como Andavert referíase siempre a la situación de la traducción de los testos sagraos como “la espina asturiana”.

Read Full Post »

La Llaboral acueye esti vienres la Gala del Meyor Cantar

El Teatru de Llaboral Ciudá de la Cultura (Xixón) va acoyer esti vienres 14 de marzu a les 19.30 hores la Gala d’entrega del VIII «Premiu al Meyor Cantar» en llingua asturiana o gallego-asturianu. Nel trescursu d’esti actu, y depués de l’actuación en directu de los cuatro finalistes, un xuráu formáu por espertos en música y llingua asturiana va escoyer el cantar ganador de la presente edición del premiu, al qu’opten 4 finalistes Rafa Lorenzo, Vriende, la BG el Trasno y Silvia Quesada.

Read Full Post »

Tolo d’Asturies pasa a celebrase nel Teatru Nuevu de La Felguera

PABLO R. GUARDADO

La Quinta del Nalón, Reija, Felpeyu y Taranus conformen el cartelu del VII Tolo d’Asturies, que camuda al mes d’ochobre y pasa a celebrase nel Teatru Nuevu de La Felguera. Les actuaciones van desendolcase’l sábadu de mañana y tarde.

Esta muestra cultural venía celebrándose nel mes de mayu na estación d’autobuses llocal, pero nesta ocasión l’Agrupación d’Etnografía y Folclor Reija de Llangréu y el Conceyu de Llangréu, organizadores d’esti eventu en collaboración cola Direición Xeneral de Política Llingüística, decidieron retrasalu a ochobre y treslladar toles actividaes al Teatru Nuevu de La Felguera, con entrada de baldre pal públicu. Unos cambios que nun impiden que Tolo d’Asturies caltenga la so filosofía d’apueste “claru y decidíu pola cultura tradicional y la música de calidá fecha n’Asturies”.

Read Full Post »

Gonzali: “El Festival Arcu Atlánticu ye l’eventu cultural de más grande proyección de lo asturiano”

PABLO R. GUARDADO

Humberto Gonzali (Figareo, 1961) nun para en branu. Tres coordinar les Xornaes Lliteraries del Arcu Atlánticu yá ta trabayando na Vagamar 2013, que tamién entama L’Arribada. El xestor cultural faló con Asturies.com d’éstos y otros asuntos.

¿Qué tal foron les Xornaes Lliteraries del Arcu Atlánticu programaes dientro del festival del mesmu nome?
El resultáu de la esperiencia foi mui positivu. Les actividaes d’estes Xornaes Lliteraries cuntaron con miles d’asistentes, polo que l’oxetivu principal plantegáu cuando se perfizo la programación, llevar la cultura de nueso a los asturianos y visitantes de Xixón, llogróse de toes toes. La carpa denomada Espaciu Pallabres apinóse bien de veces, nun siendo raro ver a xente teniendo de siguir una presentación o una conferencia dende’l paséu d’El Muelle por nun afayar sitiu en dientro la carpa. Col conciertu de Taranus l’Escenariu Atlánticu apinóse por demás y, nel Centru de Cultura Antiguu Institutu, cuando l’homenaxe al dramaturgu y actor teatral Arsenio González, el llenu foi tal que, al pesar d’ocupar el patiu y el primer pisu l’edificiu, tuvimos de torgar el pasu a dellos cientos de persones. Nunca enantes la cultura asturiano y la llingua del país axuntó respuesta tan numberosa.

Read Full Post »

Programa 34 Selmana de les Lletres Asturianes (29 d’abril al 8 de mayu)

Aun tamos metíos de lleno na Selmana del Llibru y sin llegar salir d’ella tenemos el Programa d’actividaes de la 34 edición de la Selmana de les Lletres Asturianes.

Dedicada a visibilizar y potenciar la lliteratura fecha n’asturianu, la Selmana de les Lletres Asturianes vien celebrándose, como eventu institucional, dende 1980 coincidiendo cola primer selmana del mes de mayu.

Habitualmente suel tar consagrada a un autor o autora importante de la lliteratura asturiana, dedicando la desti añu a Nené Losada Rico, una de les poetises más destacaes del panorama lliterariu asturianu de les últimes décades.

Read Full Post »

ChusMa García Muñiz: “Pal Liet prepararemos una puesta n’escena más potente y dalguna sorpresa”

PABLO R. GUARDADO

‘Ensin ti’, de Taranus, ye’l meyor cantar en llingua asturiana del añu 2012 y vas ser el tema que represente al país nel Liet International de Còrsica. Xesús Nel García Muñiz ‘ChusMa’ (Xixón, 1977) faló con Asturies.com sobre esti ésitu del grupu.

¿Esperaben ganar el VII Premiu al Meyor Cantar?
Sinceramente, non. El restu de nominaos tienen munchu nivel y una reputación grande dientru de la musica n’Asturies, asina que foi una sorpresa perbona.

Read Full Post »

Taranus va representar a Asturies nel Liet International de Còrsica

El cantar ‘Ensin ti’, de Taranus, resultó ganador del VII Premiu al Meyor Cantar que se celebró’l viernes nel Teatru de la Llaboral ente glayíos d’oficialidá. La banda de folk-metal va representar a Asturies nel Liet International de Còrsica.

El xuráu encargáu de decidir cuál yera’l meyor cantar n’asturianu del 2012 ente los cinco finalistes decidióse pol presentáu por Taranus, ‘Ensin ti’, una balada con lletra de Diego Díaz Martino nel que destaca la voz de la sopranu Susana Mortem y que’l grupu va interpretar na seronda en Còrsica en representación d’Asturies y de la llingua asturiana. D’esta forma, Taranus alcuentra recompensa a munchos años de trabayu y esfuerciu que culminaron na espublización del so primer discu, ‘Taranus’, el pasáu mes d’avientu gracies a l’aportación de fondos propios, ensin solicitar subvención a Cultura.

Read Full Post »