Feeds:
Antradas
Comentairos

Posts Tagged ‘Tejedor’

El grupo de folk avilesino Tejedor, uno de los de más prestigio y más conocidos internacionalmente de la música asturiana, deja los escenarios después de más de dos décadas de trabajo, cuatro discos y varias giras internacionales.

«Tras muchos años en activo, muchos momentos buenos y grandes amigos encontrados por el camino, Tejedor baja el telón», han indicado en un apunte en el perfil del grupo en Facebook recogido por Europa Press.

«Les agradecemos muchísimo a cada uno de los que alguna vez se molestaron en escuchar nuestra música, a todos esos organizadores que nos han dado la oportunidad de subir al escenario en esos más de 600 conciertos, a todos los músicos que nos han hecho crecer, letristas, arreglistas, a todos esos técnicos que nos lo han puesto más fácil y en especial a los más importantes, nuestra gente más cercana, grandes músicos y grandes amigos», ha explicado el grupo.

(more…)

Read Full Post »

PABLO R. GUARDADO

Silvia Quesada (Brañameana, 1986) despide la xira del so trabayu ‘La pena abierta’ con un conciertu en Tinéu esti sábadu con entraes a la venta por 6 euros, anticipada, y 8, na puerta, y collaboraciones de primer nivel. Con un discu nuevu nel fornu, la cantante faló con Asturies.com sobre’l que foi’l so esitosu primer proyeutu en solitariu.

Hai cinco años del llanzamientu de ‘La pena abierta’. ¿Qué valoración fai del discu cola perspeutiva que da’l tiempu?
Depués de tantos años nun puedo dexar d’encontrar fallos nos aspeutos más téunicos del discu, pero imaxino qu’eso ye normal, porque vamos evolucionando y les canciones van creciendo en cada conciertu, por eso hai coses qu’agora mesmo cambiaría. Pero en xeneral foi un discu con una impresionante acoyida, fuera de too pronósticu. Yera un discu necesariu na escena asturiana.

(more…)

Read Full Post »

Esti sábadu celébrase en Xixón la trentena edición del Conciertu pola Oficialidá qu’entama la Xunta Pola Defensa de la Llingua Asturiana (XDLA). “Estos 30 años demuestren que la reivindicación llingüística nun ye una moda; nun vamos parar hasta que se solucione la cuestión”, afirmaron Carlos Pulgar y Xune Elipe.

El voceru nacional del coleutivu cívicu y el cantante de Dixebra, de manera respeutiva, entamaron güei una rueda de prensa pa dar a conocer los detalles d’esti festival de música en llingua asturiana retrasáu a la seronda “poles obligaciones del calendariu reivindicativu”,esto ye la organización de les manifestaciones del 21-A y del Día de les Lletres Asturianes, nun momentu nel que la oficialidá ta marcada en collorao na axenda política de toles formaciones parllamentaries. “Hai dos escenarios, ‘Yá’ y ‘Agora’, que lleven esi nome porque la oficialidá tien que llegar yá y agora. Nun se pue depender de les cuestiones internes de los partíos cuando falamos d’un falta d’un derechu demandáu por gran parte de la ciudadanía”, apuntó Pulgar.

(more…)

Read Full Post »

PABLO R. GUARDADO

El XXX Conciertu pola Oficialidá, que repite’l 6 d’ochobre otru añu nel xixonés Parque Inglés, yá tien cartelu definitivu. A los nomes de Dixebra, Tejedor y La Tarrancha súmense los de N’Arba, Corquiéu, Skama la Rede, Ún de Grao y L-R.

Nuna edición tán especial como ésta, la trenta, y nun momentu tan importante pal asturianu, cola oficialidá incluyida na axenda política nacional a menos d’un añu de les eleiciones a la Xunta Xeneral, la Xunta pola Defensa de la Llingua Asturiana (XDLA) prepara una Conciertu pola Oficialidá de primer nivel. Asina, va axuntar nel Parque Inglés –anguaño nomáu Parque de los Hermanos Castro– a ocho de los meyores nomes de la escena musical n’asturianu que, al igual siempre, actúen de manera desinteresada nesta cita retrasada a la seronda esti añu por mor de la convocatoria de la masiva manifestación ‘L’asturianu llingua oficial ¡agora! del 21 d’abril.

(more…)

Read Full Post »

Nel llocal nuevu del coleutivu cívicu asitiáu nel númberu 15 de la cai Cimavilla d’Uviéu.

Les socies y socios de la Xunta pola Defensa de la Llingua Asturiana (XDLA) tán convocaos esti sábadu a l’asamblea ordinaria de la organización, que va comenzar a les 10.30 hores en primer convocatoria y a les 11 hores, en segunda. Nel orde del día ta afitáu la realización d’un balance xeneral del añu, el tratamientu de cuestiones organizatives, un análisis del documentu de valoración del ‘Proyectu 2018 pola Oficialidá’, la preparación de campañes y un turnu de ruegos y entrugues.

(more…)

Read Full Post »

Esti fin de selmana un equipu d’una productora escocesa tuvo n’Asturies grabando’l programa ‘Port’, una coproducción de la televisión escocesa BBC Alba y la irlandesa TG4. L’espaciu va dedicar un capítulu a mostrar les conexones de la música asturiana cola del restu de naciones celtes, amás de dar protagonismu a la llingua asturiana como vehículu de tresmisión de toa esa cultura.

‘Port’ ye un espaciu musical que s’emite dende hai tres temporaes n’Escocia y Irlanda y que muestra les semeyances ente la música y la cultura de los dos países, siempre col gaélico-irlandés y gaélico-escocés como llingua de comunicación.

Nél, dos conocíes cantantes y multi-instrumentistes de música celta, la escocesa Julie Fowlis y la irlandesa Muireann Nic Amhlaoibh, percuerren dellos llugares pa conocer la tradición musical de cada sitiu.

(more…)

Read Full Post »

El tema del grupu Felpeyu ‘Los fayeos de mayo’ ye’l meyor de la historia de la música asturiana, según la encuesta fecha pola Radio del Principáu d’Asturies (RPA) ente una trentena de personalidaes del mundu de la cultura asturiana.

La emisora pública emitió a lo llargo d’esta Selmana l’espaciu ‘Top 25 n’ast’, onde se dieron a conocer los 25 temes más votaos por xuráu de más de 30 personalidaes del mundu de la cultura asturiana –académicos, filólogos, músicos, escritores, actores, promotores, xestores culturales y profesores universitarios–. D’una primer esbilla salieron 200 cantares de la que les 25 que se sintieron en RPA foron los más votaos.

(more…)

Read Full Post »

Un añu más l’Anuariu de la Música Asturiana, publicáu por Goxe Producciones, fai alcordanza de l’actividá producida nel últimu añu dientro del campu de la música d’espresión asturiana: la tradicional, aquella que la reellabora (folk y demás derivaos) y la qu’utiliza l’asturianu independientemente del estilu. Son yá dieciséis los años nos qu’esta publicación, siempre per estes feches, ve la lluz y trata fondamente temes y cuestiones rellacionaos cola nuestra música.

L’Entamu d’esti númberu, tituláu «La voluntá de ser y siguir de la música asturiana», firmáu pol so director, Xune Elipe, fala de la trayectoria de la publicación y comenta: «Echando una güeyada a los anteriores númberos vemos cómo, por desgracia, poco de lo que se propón nellos se fixo realidá, sobre too no que se refier al deséu d’una verdadera política musical por parte del Gobiernu d’Asturies, que sigue ensin da-y l’atención afechisca a esti sector, con acciones insuficientes, tímides y ensin continuidá, sacante dalguna escepción honrosa, como la creación del Premiu al Meyor Cantar.

(more…)

Read Full Post »

Rumaldo Antón Barbero de Diego, más conocíu como Ruma Barbero (Somió, Xixón, 3 de febreru de 1971), ye conocíu por mui diferentes facetes. Miembru fundador xunto al músicu y dibuxante Ígor Medio del grupu Felpeyu, ye una pieza fundamental de la música asturiana d’anguaño, na que tamién destaca por colaboraciones con otres formaciones como Los Ciquitrinos o por ser lletrista pa bandes como Tejedor, Blima, Pandereteres de Fitoria y pal proyectu “Aire”. Llicenciáu en Belles Artes pola Universidá de Salamanca, ye’l campu de la ilustración otru de los tarrenos que pisa con soltura y éxitu. Yá en 1996, fundaba xunto con otros compañeros la editorial Cactus Comics. Colaboró con revistes fundamentales como El Llapiceru o Gomeru, asina como con medios de comunicación como Les Noticies, Güei o El Comercio. Cola novela gráfica autobiográfica Manzajú algamaría en 2009 el Premiu Alfonso Iglesias de Cómic. Y en 2012 vio la lluz un ambiciosu trabayu tituláu La Chelita. El Salvador 1992 col qu’algamaría’l Premiu al Meyor Llibru n’Asturianu de 2012 que concede la Tertulia Malory. Un añu más tarde, col sellu Tierra Llibros publicaba Aguantando cachones: una selección de les historietes que fue publicando ente 2011 y 2013 nel so fanzine/dixital del mesmu nome. Y, ente medies, tampoco nun abandonó′l so trabayu como diseñador gráficu, mesmo ilustrando carátules de discos que cartelos pa compaíes de teatru, conciertos o festivales de música. Toa una referencia al falar del cómic n’Asturies qu’apocayá facía una retrospectiva de la so producción y qu’anguaño pon clases de cómic en diferentes esapcios como son la Universidá Popular de Xixón o’l centru de formación y ociu Pipo School de Ciañu. Munches razones p’afondar nesti puntu del camín creativu.

Ruma, hai unes selmanes inaugurabes nes Xornaes Internacionales del Cómic d’Avilés una esposición na que se pudo ver buena parte de la to producción. ¿Fue pa ti difícil facer esta selección? No personal, como creador, ¿apreciasti grandes cambios na evolución de la to obra o de la to forma de trabayar?
Siempre ye complicao intentar ver la obra propia dende fuera y facer una esbilla de lo que tendríes que poner n’una esposición, asina qu’escoyí les páxines que me paecíen más representatives de lo que tenía d’atrás y muncha obra de lo más reciente. Tolos que nos dedicamos a esto vemos munchos errores nes nuestres páxines vieyes, siempre ves muncha evolución col pasu los años.

(more…)

Read Full Post »

PABLO R. GUARDADO

Fiel a la so cita dende l’añu 2000, l’Anuariu de la Música Asturiana yá ta disponible nos puntos de venta habituales de la mano de Goxe Producciones. Esti númberu presenta un diseñu renováu dafechu y recupera’l CD que solía incorporar.

La edición del 2012, que dedica a Dixebra la portada por mor del so 25 aniversariu, presenta 94 páxines con una variedá grande de conteníos. Nel ‘Entamu’, los responsables de la espublización manifiesten el so enfotu de volver al orixe d’ella y recuperar los oxetivos colos que nació, amás d’afirmar que siguen “creyendo firmemente na necesidá d’un proyectu como ésti, no imprescindible de que la música del país tenga un órganu d’espresión, un escaparate onde amosar los sos llogros y esmoliciones, que dea una visión de conxuntu, que la refuerce interna y esternamente”. Darréu, los llectores van atopar entrevistes a la banda astur-chilena de folk Ta Fechu y a La Tarrancha, asina como al músicu Pablo Canalís, amás de reportaxes fotográficos del conciertu conmemorativu del venticinco aniversariu de Dixebra y de la sesta edición del Premiu al Meyor Cantar n’Asturianu, un informe sobre la baxada de conciertos y la so repercusión ente los grupos del país, comentarios sobre los discos nuevos de Mariluz Cristóbal Caunedo, Toli Morilla o Soncai System, y un diariu sobre’l procesu de creación, grabación y presentación del trabayu ‘Llume’ de Xera. (more…)

Read Full Post »

Older Posts »