Feeds:
Antradas
Comentairos

Posts Tagged ‘Transportes Unidos de Asturias’

PABLO R. GUARDADO

Con 21 votos a favor, 4 astenciones de los ediles de Foro y un únicu votu en contra, el Plenu del Conceyu d’Uviéu aprobó l’usu del asturianu na TUA, la empresa pública de tresporte urbanu. La selmana pasada yá recibiera’l vistu bonu de la Comisión d’Economía y Interior.

Roberto Sánchez Ramos ‘Rivi’ encargóse de defender la propuesta presentada ayeri pol so partíu, Izquierda Xunida, tres la reclamación “realizada por sectores sociales en defensa del asturiano, nuestra lengua”, en rellación a la quexa presentada a finales d’agostu por Iniciativa pol Asturianu y presentada a tolos grupos municipales uviedinos. Tres les pallabres del edil, intervino Pedro Manuel Fernández Ruiz, conceyal non adscritu tres la so salida de Foro, que defendió la llingua asturiana como patrimoniu cultural, pero non como instrumentu de comunicación. D’igual forma, apuntó que nun esiste demanda ente la población pal usu del asturianu nos Tresportes Uníos d’Asturies (TUA), empresa pública que xestiona los autobuses urbanos, y afirmó que, “por mucho que nos duela, podemos comprobar todos los días que la llingua asturiana no termina de cuajar dentro de nuestra comunidad”. Por último, señaló que la midida d’introducir “el bable en el transporte público no hará más que complicar la vida a los ciudadanos de Oviedo”.

(more…)

Read Full Post »

Iniciativa pol Asturianu presentó va un mes una quexa al Conceyu d’Uviéu pola falta d’usu del asturianu nel sistema de tresporte públicu de viaxeros d’Uviéu (TUA) La quexa púnxose en conocimientu de les fuercies polítiques presentes nel plenu, ya Izquierda Xunida convirtió esta quexa nuna moción, que güei, na Comisión d’Economía, acabó por aprobase colos votos a favor d’IX, PP y PSOE, y l’abstención de Foro.

Dende Iniciativa pol Asturianu celebramos esta decisión y felicitamos a los grupos políticos que votaron a favor, y n’especial a IX por presentar la propuesta, por apostar pola normalización del idioma nun ámbitu tan importante pa la visibilización de la llingua asturiana como son los autobuses urbanos, que percuerren la ciudá y el conceyu d’Uviéu tolos díes, pasando per ellos cientos de miles d’usuarios cada añu.

(more…)

Read Full Post »

PABLO R. GUARDADO

La TUA, empresa que xestiona los tresportes urbanos públicos d’Uviéu, estrenó’l sábadu llinies nueves por mor del Plan de Movilidá, asina como una web pa informar de los cambios. Dende Iniciativa pol Asturianu critiquen l’ausencia del idioma na mesma y la non utilización de los nomes de llugar tradicionales, pendientes tovía d’aprobación.

Pa la organización que trabaya na normalización del asturianu “ye inescusable l’escaezu de la llingua asturiana nesti casu, que presentaba una ocasión mui afayadiza pa incluyila dafechu xunto al castellán, idioma nel que la compañía opera dafechu y n’esclusiva dende’l so entamu, hai más de 30 años”. D’igual forma, fai un llamamientu “a les instituciones del conceyu y a la propia empresa p’asegurar la inclusión del asturianu nel serviciu de TUA, qu’atiende a milenta asturfalantes a diariu y a que nun pue discriminar baxo dengún conceptu”.

(more…)

Read Full Post »