Feeds:
Antradas
Comentairos

Posts Tagged ‘Universidá Asturiana de Branu’

PABLO R. GUARDADO

La Universidá Asturiana de Branu (UABRA) celebró’l pieslle oficial nun actu nel Paraninfu de la Universidá d’Uviéu nel que nun participó finalmente Antón García por nun cesar oficialmente Fernando Padilla nel cargu hasta medianueche. El presidente de l’Academia de la Llingua Asturiana (ALLA), Xosé Antón González Riaño, demandó al Gobiernu “una política llingüística de verdá”.

La presencia de Berta Piñán al frente de la Conseyería de Cultura, Política y Llingüística y Turismu, con Antón García pilotando la direición xeneral de Política Llingüística y Martín López-Vega la de Cultura y Patrimoniu, dan confianza a la institución académica, como dexó ver ayeri’l so máximu representante. “Nun hai dulda ente nós del so encontu”, espresó, pa depués solicitar “una política llingüística de verdé na ámbitu universitariu, nos medios de comunicación y nel ámbitu institucional”.

(more…)

Advertisements

Read Full Post »

JOSÉ L. GONZÁLEZ

Conoce bien la consejera de Cultura, Política Lingüística y Turismo, Berta Piñán, la Universidá Asturiana de Branu que inauguró en la mañana de ayer en la Casa de Cultura de Cangas del Narcea. Allí estuvo, como ella misma recordó, en calidad de profesora y colaboradora en ediciones anteriores. Ayer, llegó en su nuevo papel de consejera, en su primer acto oficial con discurso, con un mensaje claro bajo el brazo. «Nesta llexisllatura, vamos a tar nel camín de la oficialidá». Los números, por ahora, no dan. Los 26 diputados que suman PSOE, IU y Podemos quedan lejos aún de los dos tercios del parlamento regional que se necesitan para lograr el objetivo. No obstante, Berta Piñán señaló ayer que desde su departamento se luchará por lograrlo. «Ye’l momentu de la osadía y el trabayu en común. Igual, nun tenemos esos dos tercios de votos na Xunta, pero tenemos más nes calles», señaló la consejera, quien hizo un discurso de defensa de la llingua.

Berta Piñán, conocida hasta ahora por su faceta de escritora, comenzó sus palabras recordando otras que pronunció hace ya años, en su ingreso en la Academia de la Llingua, la entidad que organiza los cursos que ayer comenzaron. «La nuestra ye una llingua de resistencia, de llucha contra l’olvidu», recordó para explicar después sus motivaciones a la hora de escribir. «Pa mí escribir ye un compromisu cola llingua y cola vida. Nun tamos equí por casualidá, sinón por un trabayu consciente y constante pa llevar la llingua a un llugar visible. La llingua nun ye patrimonio d’un partido, ye la cultura del pueblu, pero son les instituciones les encargaes de lluchar por ella».

(more…)

Read Full Post »

PABLO R. GUARDADO

‘Terminoloxía de bioquímica y bioloxía molecular’ convirtióse recién na decimosétima propuesta de TermAst nos casi diez años de vida d’esta iniciativa de l’Academia de la Llingua Asturiana. El biólogu Xurde Menéndez Caravia (Quintes, 1990) ye l’autor d’esti pallabreru que resulta afayadizu “pa escolinos y profesores de Bioloxía” n’institutos.

La posibilidá d’ellaborar esta propuesta terminolóxica tuvo’l so xerme na Universidá Asturiana de Branu (UABRA).
La UABRA ye una de les actividades más prestoses qu’entama l’Academia de la Llingua Asturiana. Personalmente voi siempres que pueo a facer dalgún de los cursos que s’ufierten en Cangas del Narcea. Amás, recomiendo a tol mundu que vaya polo menos una vegada, especialmente a la mocedá. Paezme una vivencia mui tresformante qu’ayuda a entender la realidá social y cultural d’Asturies dende una perspeutiva amplia. Foi precisamente na UABRA del añu pasáu cuando surdió la idea de facer el TermAst de Bioquímica y Bioloxía Molecular. Falando cola xente de l’Academia, y especialmente con Héctor García Gil, vimos claramente la necesidá de poner enriba la mesa una propuesta terminolóxica nesta estaya de les Ciencies Biolóxiques.

(more…)

Read Full Post »

Un añu más, l’Academia de la Llingua organiza esti 2019 los cursos de la Universidá Asturiana de Branu (UABRA) que se van celebrar en Cangas del 29 de xunetu al 9 d’agostu. Esti añu hai convocaos, amás de los cursos elemental y avanzáu, el cursu de capacitación pala traducción, unu sobro’l patrimoniu cultural asturianu, un taller d’escritura creativa y otru más d’educación y nueves teunoloxíes multimedia.

Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como «Entidá Organizadora d’Actividaes de Formación Permanente del Profesoráu». Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d¡Educación Primaria y Secundaria del Principáu d¡Asturies. Los cursos desenvuélvense na Escuela Hogar de Cangas del Narcea en réxime d’internáu y la matrícula entama como siempres el próximu mayu nel llar de l’Academia n’Uviéu y va tar abierta hasta xunu.

(more…)

Read Full Post »

PABLO R. GUARDADO

El pasáu día 13 celebróse nel Aula Magna de la Universidá d’Uviéu’l pieslle oficial de los cursos de la Universidá Asturiana de Branu (UABRA) qu’entama l’Academia de la Llingua Asturiana en Cangas del Narcea a últimos de xunetu y primeros d’agostu. Xosé Ramón Iglesias Cueva (Cualloto, 1956) ye’l secretariu de los mesmos.

¿Qué valoración fai d’esta edición de la UABRA?
Una valoración mui positiva. Caltúvose’l nivel de trabayu y estudiu de la llingua nun ambiente relaxáu, abiertu y festivu. Esti añu, amás, el númberu de participantes foi más altu.

(more…)

Read Full Post »

PABLO R. GUARDADO

El llunes comienza en Cangas del Narcea la novena edición de la Universidá Asturiana de Branu (UABRA) qu’entama l’Academia de la Llingua Asturiana (ALLA). “Ye un eventu yá consolidáu”, espresa la direutora María Cristina Valdés, como amuesa l’alta matriculación.

Más d’un centenar d’alumnes y alumnos van participar na UABRA ente’l llunes y el 10 d’agostu, a lo qu’hai que sumar otru mediu centenar de docentes que van poner clase na amplia ufierta de los cursos, que tamién son d’estensión universitaria gracies a la collaboración de la Universidá d’Uviéu. L’ALLA, pal so desendolcu, tamién cuenta col fundamental sofitu del Conceyu de Cangas del Narcea.

(more…)

Read Full Post »

Otru añu más, l’Academia de la Llingua organiza los cursos de la Universidá Asturiana de Branu (UABRA) que se van celebrar en Cangas del 30 de xunetu al 10 d’agostu. Esti añu hai convocaos, amás de los cursos elemental y avanzáu, el cursu de capacitación pala traducción, unu sobro la historia del sieglu XX y XXI, otru de Xestión cultural y otru más de competencies dixitales nes aules.

Estos Cursos tienen reconocencia oficial per parte de la Conseyería d’’Educación del Principáu d’’Asturies, darréu de l’’acreitación de l’’ALLA como «Entidá Organizadora d’Actividaes de Formación Permanente del Profesoráu». Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies. Los cursos desenvuélvense na Escuela Hogar de Cangas del Narcea en réxime d’internáu y la matrícula entama’l próximu mayu nel llar de l’Academia n’Uviéu y va tar abierta hasta xunu.

(more…)

Read Full Post »

Older Posts »