La Xunta pola Defensa de la Llingua Asturiana denuncia la desapaición del asturianu de La Casa de las Lenguas

La XDLA denuncia otru ataque más a la llingua asturiana dientro de la Universidá d’Uviéu, onde l’asturianu desapaez de la ufierta formativa d’idiomes de La Casa de las Lenguas. La organización alvierte de que, sele que sele, siguen les aiciones escontra la cultura asturiana dende que llegó’l nuevu rectoráu al mandu de la Institución académica.

Dende la XDLA fai un llamáu al nuevu equipu rectoral pa que dexe de vulnerar los drechos llingüísticos de la sociedá que vienen marcaos nel estatutu d’autonomía, la llei d’usu y promoción del asturianu y los propios estatutos de la universidá.

(de la Xunta pola Defensa de la Llingua Asturiana, 01-08-2022)

Read Full Post »

La Selmana de les Lletres Asturianes arranca con crítiques al rector Villaverde pol discutiniu del asturianu

Les Asamblees d’Estudiantes emiten’l so comunicáu pa sofitar la “progresiva integración del asturianu nes distintes instituciones y estratos de la Universidá Pública” y refuguen dafechu “el plantegamientu del rector sobre la supuesta illegalidá que supondría la defensa y exhibición del asturianu nel ámbitu universtariu”

Pa les Asemblees d’Estudiantes esti fechu enmárcase dientro de la “diglosia” de “ciertu sector” que s’esfuercia en “despreciar y caltener adormecíu’l nuesu patrimoniu cultural”. L’asociación ye crítica col enfotu del rector en retirar l’asturianu de les comunicaciones institucionales y la marca institucional y afirma que ye una “posición ideolóxica” que yá se viere n’otres cuestiones como’l reglamentu de permanencia.

Read Full Post »

El Congresu pide al Gobiernu la creación de la especialidá docente de Llingua Asturiana y Lliteratura

La Comisión d’Educación y FP del Congresu aprobó esti miércoles, colos votos a favor de tolos grupos menos PP, Vox y Cs, una proposición non de llei del Grupu Parllamentariu Confederal d’Unidas Podemos-En Comú Podem-Galicia en común, pola que s’encamienta al Gobiernu a reconocer y crear la Especialidá Docente del Profesoráu de Llingua Asturiana y Lliteratura.

Según esponen los ‘moraos’ na iniciativa, nestos momentos, los neños de Primaria estudien l’asturianu (o’l gallego-asturianu na so zona d’influencia) de forma voluntaria nos centros escolares sosteníos con fondos públicos; esto ye, l’alumnáu pue escoyer ente l’asignatura de llingua asturiana o una alternativa (nesti casu cultura asturiana).

Read Full Post »

Política Llingüística prepara una campaña de normalización destinada a los supermercaos

La Dirección Xeneral de Política Llingüística ta na parte final de la tramitación alministrativa de dos campañes de normalización, una destinada pa los comercios del sector alimentariu y otra sobre la sidra y el so vocabulariu tradicional.

Asina lo anunció’l director xeneral del ramu, Antón García, que compareció na Comisión de Cultura, Política Llingüística y Turismu de la Xunta Xeneral a petición de Ciudadanos pa informar sobre los temes qu’afecten a la so cartera.

Read Full Post »

Convocáu’l XI concursu lliterariu de la Universidá d’Uviéu

El certame diríxese a estudiantes que cursen cualesquier de les enseñances impartíes en centros propios de la Universidá d’Uviéu mientres el cursu 2020-2021.

Coles mires de fomentar la creatividá y la creación lliteraria ente los sos estudiantes, la Universidá d’Uviéu convoca la undécima edición del concursu lliterariu empobináu a tol alumnáu matriculáu en cualesquier de les enseñances impartíes en centros propios de la Universidá d’Uviéu mientres el presente cursu.

El certame cunta con dos modalidaes: rellatu curtiu y poesía y va ser posible presentar, hasta’l 7 de setiembre, una única obra por caúna d’elles escrita n’asturianu o castellán. La tema va ser llibre y les obres tendrán de ser orixinales ya inédites y nun ser premiaes n’otru certame lliterariu.

ANEXU: Bases completes.

(de Formientu, 11-08-2021)

Read Full Post »

La Universidad fijará «normas claras» sobre los trabajos en llingua

«Ha sido un incidente desafortunado para todos», indicó ayer el rector, Ignacio Villaverde tras la queja de tres alumnos de un máster de Especialista en Asturias que fueron suspendidos en primera convocatoria por presentar su trabajo en llingua y negarse el docente a corregirlo. «Tenemos que fijar unas reglas claras que den seguridad y certidumbre tanto a los profesores para saber qué hacer y al alumnado». Sobre los casos en los que hubo que pedir permiso previo, apuntó que «si presentan trabajos fin de grado en estudios ingleses, lo lógico es hacerlo en inglés. La ley de uso del asturiano establece esa salvedad. Son requerimientos fijados en guías docentes y tienen una razón académica».

(d’El Comercio, 24-07-2021)

Read Full Post »

La Universidá d’Uviéu suspende a lo menos a tres alumnos por presentar un trabayu n’asturianu

Iniciativa pol Asturianu denuncia un nuevu casu de discriminación llingüística na Universidá d’Uviéu. Esti fechu ocurrió nel títulu propiu tituláu Especialista n’Asturies. Espaciu, Patrimoniu, Hestoria, Cultura, lo que lo fai especialmente llamentable esti fechu.

A lo llargo del cursu, dellos alumnos presentaron diferentes trabayos, xeres y actividaes n’asturianu ensin problema, faciendo un usu normal del idioma. Al llegar el resultáu de les evaluaciones finales, la calificación d’un trabayu apaecía como «non presentáu» y polo tanto, l’asignatura con un suspensu pa lo menos trés alumnos que dieron anuncia d’esta discriminación. Y ye qu’al consultar el motivu d’esta calificación la rempuesta foi que l’actividá taba fecha n’asturianu, reclamándose-yos la traducción del trabayu al castellán como condición pa poder ser evaluaos. Dempués de reclamar y nun tener rempuesta del profesor responsable, na segunda convocatoria, el director del Títulu propiu asumió la corrección de la xera, lo que-y queremos reconocer dende Iniciativa pol Asturianu, por buscar una solución como compromisu personal del docente. Sicasí, esti voluntarismu nun pue ser la solución definitiva pa garantizar los drechos llingüísticos del alumnáu.

Read Full Post »

El ‘DELLA’ zarra los conteníos lexicográficos cola publicación del sestu volume

L’Academia de la Llingua Asturiana acaba de publicar el sestu volume del Diccionariu Etimolóxicu de la Llingua Asturiana (DELLA), de Xosé Lluis García Arias. Con esti volume zárrense los conteníos léxicográficos d’esta obra editada pola Universidá d’Uviéu y l’Academia de la Llingua Asturiana.

La publicación del DELLA principicó en 2017 cola publicación del volume I (A-B), al que siguiríen, en 2018 y 2019 respeutivamente, los tomos II (C-D) y III (E-F). Los volúmenes IV (G-Ñ), V (O-R) y VI (S-Z) editáronse toos en 2021.

La serie va completase con una última entrega, en preparación yá nestos momentos, ‘Diccionariu de la Llingua Asturiana. Apéndiz. Índices y Bibliografía’, que l’ALLA tien previsto dar a la imprenta nesti mesmu añu de 2021.

(d’Europa Press, 23-06-2021)

Read Full Post »

Antón García: «Nadie n’Asturies pue dicir en serio que nun entiende esta llingua»

L. ORDÓÑEZ

El director xeneral de Política Llingüística, Antón García, fala de plazos y costes de la oficialidá, de la sentencia del Tribunal Constitucional sobre l’usu del asturianu na Xunta Xeneral y de la llingua na RTPA.

-Per primer vegada paez qu’hai una mayoría parlamentaria favorable a aprobar la oficialidá, más allá de los cambios nos partíos, ¿cuál cree que foi’l tresformamientu social que permitió llegar hasta equí?

-Estes cuatro décades de democracia crearon conciencia sobre’l valir de les llingües propies d’Asturies. La mayor parte de la sociedá asturiana ta d’alcuerdu en que paga la pena facer un esfuerzu pa que esta manera de comunicanos, qu’identifica a la xente d’equí dende va mil años, siga viva. L’apoyu ente la mocedá ye mui altu, lo que permite ser optimista de cara al futuru, y eso tien el natural reflexu nel parlamentu asturianu.

– El Tribunal Constitucional dictó una sentencia recién bien relevante sobre l’usu del asturianu na Xunta Xeneral ¿cómo la valora?

-Ye una sentencia d’un enorme valor. Sobre l’asturianu, casi siempre que’l Tribunal Constitucional se pronunciaba, nun entraba en materia, facía referencies a cuestiones de forma o similares. Nesta sentencia determina que la Constitución Española, nel artículu 3.3, ampara les llingües reconocíes estaturiamente que nun son oficiales, que tienen derechos y pa les que les alministraciones tienen deberes. Ye la llinia xurídica na que trabayaba esti Gobiernu y allégranos tener el respaldu del Altu Tribunal.

Read Full Post »

Villaverde: “Es increíble que todavía discutamos si un Trabajo Fin de Grado se puede presentar en asturiano, solo faltaba”

El catedrático de Derecho Constitucional y precandidato al Rectorado de la Universidad de Oviedo, Ignacio Villaverde, defiende el uso del asturiano en la institución académica en base a la Ley de Uso y Promoción de 1998. “Me parece increíble que a estas alturas todavía discutamos sobre si un Trabajo de Fin de Grado (TFG) o una tesis se puede presentar y defender o en asturiano, solo faltaba”.

“La Ley del 98 es clara y se va a aplicar a rajatabla en la Universidad de Oviedo”, ha aseverado durante una entrevista concedida a Europa Press en la misma semana que se ha anunciado el calendario que fija en el 1 de diciembre la cita electoral para elegir al rector de los próximos cuatro años.

Read Full Post »