La XIII UABRA, que torna a ser presencial, va celebrase n’El Campu

Los cursos formativos de l’Academia de la Llingua Asturiana (ALLA), nel formatu actual como UABRA, creáronse nel 2010 y dende un entamu fixéronse en Cangas del Narcea.

La Universidá Asturiana de Branu (UABRA) va recuperar la normalidá esti añu depués de dos ediciones en llinia y la suspensión de la del 2020 por mor de la situación sanitaria pola pandemia de COVID-19. La del 2023, la decimotercera, vien amás acompañada d’un cambiu de sede: El Campu, la capital del conceyu de Casu, va ser el llugar de celebración de les clases.

Read Full Post »

La poeta Lourdes Álvarez, premiu Nacional de Lliteratura Asturiana

L’Academia de la Llingua Asturiana (ALLA), con un xuráu formáu tamién por representantes de la Universidá d’Uviéu y del Principáu, decidió concedéi a la poeta Lourdes Álvares el III Premiu Nacional de Lliteratura Asturiana.

El xuráu, presidíu pol presidente de l’ALLA, Xosé Antón González Riaño, tuvo formáu polos académicos Ana Cano, Xosé Ramón Iglesias y Carmen Muñiz; los profesores de la Universidá d’Uviéu Carmen Alfonso y Leopoldo Sánchez; el Premiu Nacional 2020 Xuan Xosé Sánchez Vicente; y, faciendo de secretariu’l director xeneral de Política Llingüística del Principáu, Antón García.

Read Full Post »

La convocatoria de empleo de RTPA puntúa, por primera vez, el conocimiento de lengua asturiana

El BOPA de este viernes 30 de diciembre ha publicado la convocatoria para la provisión de plazas de personal de Radiotelevisión del Principado de Asturias (RTPA) con contratos de carácter indefinido, donde por primera vez se va a valorar como mérito acreditar el conocimiento de lengua asturiana.

Esta convocatoria, por el sistema de concurso y de concurso-oposición, está incluida en la Oferta de Empleo Público extraordinaria para la reducción de empleo temporal. Así, la radiotelevisión pública asturiana pretende cumplir el objetivo de situar la tasa de temporalidad estructural por debajo del 8%. Por concurso, entre los méritos a valorar está el conocimiento de lengua asturiana, que los aspirantes tendrán que certificar habiendo superado alguno de los exámenes oficiales de la Consejería de Educación y puntuarán desde un punto (nivel básico A1) hasta cuatro si pueden acreditar el nivel avanzado (C1).

Read Full Post »

Cultura trabaya nun corrector ortográficu al asturianu y nun traductor al gallego-asturianu

La Conseyería de Cultura, Política Llingüística y Turismu va poner en marcha nel 2023 la versión actualizada del traductor castellanu-asturianu Eslema.2, que va poder usase dende los teléfonos móviles. Amás, van principiar a trabayar nun corrector ortográficu automáticu y va siguir trabayándose nel traductor al gallego-asturianu, d’esta vuelta dende dientro de la propia Dirección Xeneral.

Otra manera, nel 2023 va ponese en marcha’l premiu ‘Pachín de Melás’ de testos teatrales y va dase un impulsu a los estudios de llinguaxe alministrativu n’asturianu y a les publicaciones en gallego-asturianu, al menguar la edición de llibros nesti idioma nos últimos años.

Read Full Post »

La promoción del asturianu mantiénse nel 0,04% del total del presupuestu

La partida pa promoción del asturianu recoyida nel proyectu de presupuestos pa 2023 xube a 2.535.701 euros, lo que supón –al igual que nes cuentes del 2019, 2020 y 2021– el 0,04% del total.

Nos presupuestos vixentes la promoción del asturianu tenía una partida de 2.205.441 euros, polo que la política llingüística pal 2023 xube en 330.260 euros. Sicasí, al producise una medría xeneral del presupuestu autonómicu, la partida continúa representando’l 0,04% del total de les cuentes.

Read Full Post »

El Principáu va ellaborar un manual sobre’l llinguaxe alministrativu asturianu

La Dirección Xeneral de Política Llingüística, en collaboración col Institutu Asturianu d’Alministración Pública y la Universidá d’Uviéu, punxe en marcha un grupu de trabayu sobre Llinguaxe Alministrativu en Llingua Asturiana.

El grupu aconceyó na sé del Institutu Asturianu y a la reunión, de carácter técnicu, asistió tamién el director xeneral de Política Llingüística, Antón García. Al grupu de trabayu van poder incorporase otres persones especialistes según s’avance nel llabor.

L’oxetivu ye iniciar los trabayos que permitan ellaborar un manual de Llinguaxe Alministrativu n’asturianu, según indicaron dende l’Executivu asturianu.

(d’Europa Press, 23-09-2022)

Read Full Post »