Feeds:
Antradas
Comentairos

Posts Tagged ‘Universidá d\’Uviéu’

Varios autores
ISBN: 978-84-8053-773-5
15,5 x 21,5 cm || 400 páxs. || PVP: 25 €

El Seminariu de Filoloxía Asturiana de la Universidá d’Uviéu decidió publicar de manera separada, en formatu llibru, los artículos incluyíos nel volume 14 de la Revista de Filoloxía Asturiana escritos n’homenaxe al profesor José A. Martínez a pocos meses de la so xubilación académica. El resultáu ye esti llibru, Varia asturlleonesa, n’edición de Ramón d’Andrés, Taresa Lorences y Juan Carlos Villaverde Amieva.

(d’Ediciones Trabe, 24-08-2015)

Read Full Post »

PABLO R. GUARDADO

Dende esti llunes y hasta’l 14 d’agostu más d’un centenar de persones participen nos cursos qu’entama l’Academia de la Llingua Asturiana (ALLA) en Cangas del Narcea en collaboración col Conceyu y la Universidá d’Uviéu.

Esta mañana inauguróse de manera oficial la sesta edición de la Universidá Asturiana de Branu (UABRA), actu nel que tuvo presente la direutora nueva de los cursos, la decana de la Facultá de Filosofía y Lletres María Cristina Valdés; la presidenta de l’ALLA, Ana María Cano; la direutora xeneral de Política Llingüística, Ana María Fueyo; l’alcalde del Conceyu de Cangas del Narcea, José Víctor Rodríguez; y el vicerrector d’Estensión Universitaria de la Univesidá d’Uviéu, Vicente Domínguez. El llugar escoyíu foi la Casa Cultura de Cangas del Narcea.

(more…)

Read Full Post »

Xosé Lluis García Arias vieno acabante ser nomáu esta selmana eméritu honoríficu de la Universidá d’Uviéu colo que podrá allargar la so docencia nes aules universitarioes dos años más, pa gayola del alumnáu que va poder seguir disfrutando de la calidá científica y docente d’esti especialista. Catedráticu de Filoloxía Española foi presidente de l’Academia de la Llingua Asturiana ente 1981 y 2001 y ye autor de numberoses obres sobre gramática y toponimia asturiana y contribuyó decisivamente a la ellaboración del Diccionariu Xeneral de la Llingua.

El Conseyu de Gobiernu de la Universidá d’Uviéu votó esti martes, na so sesión del mes de xunu, el nomamientu del inxenieru Alfonso Fernández Canteli como profesor eméritu y el del filólogu Xosé Lluis García Arias como eméritu honoríficu. Dambos van poder d’esta forma siguir col so llabor docente ya investigadora na institución asturiana dos años más dempués de la so xubilación. Y reciben asina la reconocencia de los sos compañeros.

(d’Asturnews, 26-06-2015)

Read Full Post »

El vienres 29 de mayu del 2015 celebróse nel Paraninfu de la Universidá d’Uviéu l’homenaxe que los sos colegues-y dedicaron al profesor José Antonio Martínez, catedráticu de Llingua Española, con motivu de la so próxima xubilación.

L’actu, presidíu pol rector de la Universidá, Vicente Gotor, abriólu’l profesor Félix Fernández de Castro, que fixo recordanza de la so dómina d’alumnu del homenaxáu y la influencia de les sos enseñances. De secute, entregó-y al profesor Martínez el primer exemplar del volume «Studium grammaticae. Homenaje al profesor José A. Martínez», onde afonden en diversos temes gramaticales filólogos y llingüistes d’un bon númberu d’universidaes españoles y estranxeres.

(more…)

Read Full Post »

Paraninfu de la Universidá d’Uviéu
Vienres 29 de mayu del 2015
12:00 hores
Entrada llibre

Con motivu de la so xubilación, colegues de la Facultá de Filosofía y Lletres de la Universidá d’Uviéu faén-y un homenaxe al profesor José Antonio Martínez, catedráticu de Llingua Española.

Nel actu, que va tar presidíu pol Rector de la Universidá d’Uviéu, presentaránse dos llibros d’homenaxe, onde investigadores de la nuestra universidá y d’otres munches d’España y del mundu hispánicu dedíquen-y al homenaxáu los sos trabayos filolóxicos:

● Númberu especial de la Revista de Filoloxía Asturiana, tituláu Varia asturlleonesa, dedicáu específicamente a trabayos del ámbitu asturlleonés.

● Volume especial tituláu Studium grammaticae, centráu n’investigación gramatical.

(more…)

Read Full Post »

“No todos los asturianistas respiramos de la misma manera”

PABLO BATALLA CUETO

En el departamento de Ramón d’Andrés hay tres caricaturas de Mahoma —una de Charlie Hebdo, otra del Jyllands Posten y una de El Jueves— enmarcadas y colgadas de la única pared dejada libre por tres estanterías repletas de libros, clasificados con etiquetas que dicen «Surdimientu», «Llatín», «Dialectoloxía» o «Vascu». Por una blasfemia, la de sostener que la lengua de los confines occidentales de Asturias es el gallego, pesa sobre este hombre de ciencia una fetua lanzada hace algunos años por ciertos compañeros de trinchera asturianista, celosos de unos dogmas que D’Andrés no suscribe y cuestiona con montañas de datos estadísticos recabados en un magno proyecto que dirige desde 2000: el ETLEN, Estudio de la Transición Lingüística en la zona Eo-Navia. Por otra blasfemia, la de escribir la primera tesis doctoral en lengua asturiana de toda la historia de la Universidad de Oviedo, fue protagonista en 1987 de otra famosa fetua lanzada por un ilustre muftí: don Emilio Alarcos Llorach, ya por entonces inmerso en una ardiente cruzada antiasturianista. Por otra blasfemia más, ser jefe de la Oficina de Política Lingüística del segundo gobierno Areces, y considerar digno de su esfuerzo y su alegría cualquier avance, por limitado que sea, en el camino de la normalización de la llingua, es también persona non grata en ciertos cenáculos. Nada define mejor, en cualquier caso, al hijo del escritor Mánfer de la Llera que su producción bibliográfica, en la cual estudios sobre el léxico minero asturiano, el neutro de materia, el uso de non y nun o la influencia eusquérica en las jergas gremiales asturianas se alternan con obras más divulgativas en las cuales desmonta uno por uno todos los argumentos que emplean los contrarios a una oficialidá que él defiende sinceramente recordando a la vez que no es una panacea automática y que el trabajo de recuperación lingüística debe hacerse día a día y nada o casi nada impide hacerlo dentro del marco legislativo actual.

(more…)

Read Full Post »

“Manuel Menéndez ya la Asturias occidental mediu sieglu depuéis” ye’l títulu de la xornada d’homenaxe a la obra del filólogu asturianu que va celebrase esti vienres 27 de febreru dende les 17 hores na Casa de Cultura de Navelgas (Tinéu) xunta la apertura d’una esposición. L’actividá vieno ampobinada por delles asociaciones ya instituciones, ente les que s’alcuentren la Universidá d’Uviéu, al traviés del Seminariu de Filoloxía Asturiana, el Real Instituto de Estudios Asturianos, l’Aula Valdés-Salas, la Fundación Valdés-Salas y la Fundación Aula de las Metáforas.

El programa d’actividaes entamará coles palabres de bienvenida d’un representante del Conceyu de Tinéu y del director del Aula Universitaria Valdés-Salas, asina como cola intervención de Ramón Rodríguez Álvarez, director del Real Instituto de Estudios Asturianos (RIDEA).

Tres d’eses palabres vendrá la presentación del llibru inéditu de Manuel Menéndez “El Cuarto de los Valles. III. Toponimia, refranes y conjuros”, polos sous editores, Ramón d’Andrés y Taresa Fernández Lorences.

(more…)

Read Full Post »

El Seminariu de Filoloxía Asturiana de la Universidad de Oviedo, a través de un convenio con la Fundación Camilo José Cela, ha digitalizado y catalogado los materiales asturianos del Diccionario Geográfico Popular de España del escritor gallego, Premio Nobel de Literatura. Los trabajos han sido dirigidos por los filólogos Luis Casteleiro Oliveros y Ramón d’Andrés Díaz.

ENLLAZ: Asturies nel Diccionario Geográfico Popular de España de Camilo José Cela.

(del Diario de la Universidad de Oviedo, 29-01-2015)

Read Full Post »

Oslin-Ast ye’l nome d’una nueva ferramienta llingüística d’usu llibre n’Internet que vieno acabante de ponese estos díes a disposición de los falantes ya investigadores por mor del trabayu que desendolcaren dos instituciones: la Universidá d’Uviéu (al traviés del Seminariu de Filoloxía Asturiana) y l’Institut Universitari de Lingüística Aplicada (IULA) de la Universitat Pompeu Fabra de Barcelona. Trátase d’un flexonador de palabres, esto ye, una base de datos interactiva que muestra toles variaciones gramaticales y formales que caúna de les palabres de la llingua asturiana pue tener, d’acordies cola normativa del estándar académicu.

La dirección d’OSLIN-AST ye: http://ast.oslin.org/ y nella puen facese dende yá consultes de toa mena y atopar información complementaria sobre’l proyeutu y le diverses fontes lexicográfiques asturianes, amás del Diccionariu de la Llingua Asturiana (DALLA) qu’emplega.

(more…)

Read Full Post »

La II Xornada de “Llingua Asturiana y Educación” va averar les TICS a la clas d’asturianu esti xueves 13 de Payares na Sala de Graos, Facultá de Formación del Profesoráu y Educación de la Universidá d’Uviéu, con un programa nel que les nueves tecnoloxíes y la so presencia na clas de primaria y secundaria van protagonizar una bona parte de les ponencies.

La xornada va entamar a les 10,00 de la mañana cola presencia de Julio Antonio González García, Vicerreutor de Profesoráu y Ordenación Académica (Universidá d’Uviéu), Inmaculada González Gómez, Primer teniente d’alcalde del Conceyu d’Uviéu, y Ana María Fueyo, direutora xeneral de Política Llingüística del Principáu d’Asturies, amás de Juan Carlos San Pedro Veledo, Decanu de la Facultá de Formación del Profesoráu y Educación y Raúl Carbajal López, Coordinador académicu de la xornada.

(more…)

Read Full Post »

« Newer Posts - Older Posts »