El vienres abre’l plazu pal cursu de Llingua Asturiana de la Universidá Popular

Dientro los 128 cursos qu’ufre la Universidá Popular en Xixón, tantu presenciales comu en llinia, destaca’l cursu básicu de Llingua Asturiana.

Los cientros culturales y ateneos de Xixón entamen nel mes d’ochobre la so actividá nel marcu la Universidá Popular, ufriendo un total de 128 cursos y talleres que s’impartirán on line o nes Aules de Música y del Centru de Cultura Antiguu Institutu, l’Atenéu de La Calzada, El Natahoyo, Taller de Cerámica, Muséu Nicanor Piñole, Muséu del Ferrocarril, Escuela de Comercio, Pumarín-Xixón Sur, El Coto, L’Arena, el Xardín Botánicu Atlánticu y El Llano.

Read Full Post »

La Universidá Popular de Xixón inclúi 150 cursos na so ufierta

La Universidá Popular de Xixón cunta con una ufierta de 150 cursos en tolos barrios de la ciudá. Ufiértense 2.218 places y los cursos van entamar a partir del 13 de febreru. La matrícula podrá facese dende’l 23 de xineru. Ente les novedaes destaquen los cursos de cocina que respuenden a distintos intereses, dende Cocina de fiambrera pa quien comen fuera de casa, a cómo cocinar verdures de múltiples maneres. Repostería fría pa les persones llambiones y p’aquelles que yá tienen conocencies y seyan amigues de la cocina de nueva espresión, cocina avanzada en miniatura y asina una montonera más.

Read Full Post »

LA U.P. abre’l plazu pa los sos cursos d’asturianu

La Universidá Popular de Xixón ufierta un añu más los sos cursos d’asturianu en dos niveles, básicu y mediu, siendo la duracción total de dambos de trenta hores llectives.

Estos cursos van empobinaos a les persones que quieran averase al conocimientu del asturianu, tanto falao como escrito, pente medies d’exercicios gramaticales y d’espresión escrita. Asina mesmo van tratase conteníos venceyaos a la normalización y recuperación llingüística que ta llevándose a cabu dende los diferentes ámbitos: institucionales y sociales.

Read Full Post »

La Universidá Popular de Xixón ufre 167 cursos y talleres

El perfil mediu de los matriculaos na Universidá Popular de Xixón, que ñació en 1981, ye una muyer de más de 46 años con estudios de nivel primariu o secundariu. Sicasí, nos cursos pue atopase a xente de toa triba. En total, esti añu van ponese en marcha 167 cursos y talleres, que van entamar el 13 d’ochobre.

Read Full Post »

25 años ensin Andrés Solar

D. BARREIRO

Güei fai 25 años qu’Andrés Solar perdiera la vida nun accidente de tráficu en Sotrondiu. La so narrativa xira casi toa sobre’l mundu de la infancia y la mocedá nun mediu rural que puxa col urbanu, pero lloñe del bucolismu y arcaismu de la lliteratura costumista. Cola so muerte les lletres asturianes perdieron ún de los grandes escritores del primer Surdimientu. Con una curtía obra lliteraria, que de siguir güei él ente nós naide sabe onde pudiera llegar, l’escritor ye anguaño too un símbolu del movimientu de reivindicación llingüística.

Read Full Post »

Xixón entama una nueva temporada de cursos de la Universidá Popular

La Universidá Popular de Xixon, que pertenez a la Fundación Municipal de Cultura, ufierta pal periodu 2009-2010, 184 cursinos abiertos a toles persones interesaes y con temática variada: dibuxu y pintura, informática, fotografía y vidiu, grabáu, hestoria, arte, salú, cocina, cerámica, música, naturaleza y otres munches propuestes, con duraciones ente les cincuenta y les seis hores.

Ente los cursos dellos de llingua y lliteratura asturiana, que lleven celebrándose más de venticinco años na ciudá.

Read Full Post »

Cursos de llingua y vestimenta tradicional na UP de Xixón

La ufierta de cursos de la Universidá Popular de Xixón, qu’entama esti mes d´ochobre presenta tres cursos de llingua asturiana nos niveles básicu, conversación y espresión escrita y un tercer cursu especializáu en traducción. Tolos cursos van ser n´horariu de tarde dos díes a la selmana y la matrícula podrá formalizase nes Oficines d´Atención al ciudadanu del Ayuntamientu de Xixón, nos Caxeros Ciudadanos o na web http://www.gijon.es hasta´l día 6 d´ochobre. El preciu de la matrícula son 15 euros y la duración de los cursos, 40 hores.

Read Full Post »