Feeds:
Antradas
Comentairos

Posts Tagged ‘Universidad Complutense de Madrid’

La revista Madrygal. Revista de Estudios Gallegos, de la Universidad Complutense de Madrid, acaba d’espublizar el volume 22 que correspuende al añu 2019. Ente otros interesantes trabayos, Madrygal ―dirixida por Carmen Mejía Ruiz―, publica l’artículu tituláu «Atlas lingüístico ETLEN sobre la frontera entre el gallegoportugués y el asturleonés en Asturias», nel que’l profesor Ramón d’Andrés espón toles característiques del proyectu ETLEN, del que surdió l’atles del mesmu nome, dedicáu a la frontera llingüística ente’l gallegoportugués y l’asturlleonés n’Asturies.

Nel añu 2017 publicóse l’atles llingüísticu ETLEN, que supón un progresu relevante na conocencia de la xeografía llingüística de la faza Eo-Navia, la zona del occidente caberu d’Asturies onde se fala lo que se vien llamando «gallego-asturianu», «eonaviegu» o «gallegu d’Asturies», clasificáu pola dialectoloxía como un conxuntu de fales de tipoloxía mayoritaria gallegoportuguesa.

(more…)

Read Full Post »

El filólogu y investigador responsable de la torna del Quixote al asturianu, Pablo Suárez García, refugó participar na llectura de presentación del llibru ‘El Quijote universal. Siglo XXI’ na Biblioteca Nacional de España. La razón ye la presencia del lleonés como llingua estremada del asturianu.

‘El Quijote universal. Siglo XXI’ trátase d’una espublización de l’Asociación Cultural La Otra Andalucía, la Facultad de Filología de la Universidad Complutense de Madrid y Antonio Machado Libros qu’agrupa más de cien tornes del clásicu de la lliteratura castellana en delles llingües o variantes llingüístiques, traducciones munches d’elles novedoses, con motivu del cuartu centenariu de la muerte de Miguel de Cervantes. “Nun ye un asuntu que tenga que ver colos responsables del llibru, yá que’l so coordinador, José Manuel Lucía, ye un caderalgu de Filoloxía Románica, una rama que nun tien nenguna dulda sobre’l carauter de llingua del asturianu, que siempre amosó munchu respetu, pero ye una decisión que tomo tres comprobar que nel corréu que me mandaron sobre la llectura a la que me comprometí a dir presentábase al lleonés como llingua estremada del asturianu”, esplica.

(more…)

Read Full Post »