En mayu del 2018 celebróse na Universidá de Łódź (Polonia) el VII Simposiu Internacional d’Hispanistes. Ellí, Ramón d’Andrés presentó una ponencia sobre l’atles ETLEN de la frontera del gallegoportugués y l’asturlleonés na parte cabera occidental d’Asturies. Agora acaben d’apaecer les actes d’esi congresu, publicaes nun volume tituláu Lingüística hispánica teórica y aplicada. Estudios léxico-gramaticales didácticos y traductológicos, onde apaez l’artículu col títulu «Nuevo atlas lingüístico ETLEN, sobre la frontera entre el gallegoportugués y el asturleonés en Asturias».
Esta ye la ficha bibliográfica:
Andrés Díaz, Ramón (2020): «Nuevo atlas lingüístico ETLEN, sobre la frontera entre el gallegoportugués y el asturleonés en Asturias», en Wiaczesław Nowikow; Antonio M. López González; Marta Pawlikowska; Marek Baran & Witold Sobczak (eds.), Lingüística hispánica teórica y aplicada. Estudios léxico-gramaticales didácticos y traductológicos, colección «Manufactura Hispanica Lodziense», núm. 10, Łódź / Kraków: Wydawnictwo Uniwersytetu Łódźkiego, pp. 51-68.
(del Seminariu de Filoloxía Asturiana, 27-04-2021)
Tierra alantre, la mesma fala 