L’ALLA comunica los ganadores de los sos concursos del Certame d’Investigación

Yá se conocen tamién los finalistes de la Olimpiada Escolar de Redaición Urbano Rodríguez que se celebra’l día 21.

Ocho años depués l’Academia de la Llingua Asturiana (ALLA) tornó a convocar los sos concursos. Per un llau tán los del Certame d’Investigación y, per otru, los destinaos a escolines y escolinos.

Los diferentes xuraos convocaos pola institución académica decidieron conceder el Xosé Bolado de recoyida de material lliterario inédito anterior a 1970 a Adrián Martínez Expósito por ‘Nel corazu de casina (1932-1934) de Fernán Coronas’; el de Documentalismu Sociocultural Curtiu a Pablo Cueto pa ‘Indianos d’azucre’; y el de Recoyida, Trescripción y Estudiu de Testos Oralespa Claudia Elena Menéndez Fernández por ‘Averamientu a la caracterización del asturianu de La Güeria Carrocera (Samartín del Rei Aurelio)’, que tamién recibe un premiu especial.

Read Full Post »

L’Academia de la Llingua Asturiana convoca una olimpiada escolar de redacción dedicada a Urbano Rodríguez

L’Academia de la Llingua Asturiana ta acabante d’asoleyar les bases de los diez concursos que convoca pa esti añu, tres un parón de dellos años por cuestiones presupuestaries. Una de les novedaes d’esta edición ye la convocatoria d’una olimpiada escolar, que va abrir les inscripciones nel mes de setiembre.

La olimpiada escolar de redacción “Urbano Rodríguez”, na alcordanza del maestru y académicu fináu esti añu, va cuntar con dos concursos, el de Primaria y el de Secundaria y Bachilleratu. Previstu en dos fases, tendrá primero una clasificación en modalidá sincrónica a distancia y una final presencial a finales del mes d’avientu, abiertu a obres feches n’eonaviegu y n’asturianu.

ANEXU: Bases completes.

(de Formientu, 20-05-2022)

Read Full Post »

L’Academia de la Llingua Asturiana convoca los sos concursos, dixebraos nun certame d’investigación y una olimpiada escolar

L’Academia de la Llingua Asturiana ta acabante d’asoleyar les bases de los diez concursos que convoca pa esti añu. Ocho d’ellos, los que formen el certame d’investigación, queden yá abiertos a la receición de propuestes. Mentanto, los dos concursos de la olimpiada escolar anque yá convocaos, nun van abrir les inscripciones hasta’l mes de setiembre.

Los concursos del certame d’investigación -que puen repartir, cadún, un máximu de 1.500 euros- dedíquense a estos ámbitos: toponimia; léxicu de recoyida oral; propuestes léxiques pa campos téunicos especializaos; investigación llingüística y lliteraria; recoyida, trescripción y estudiu de fontes orales; testos de divulgación de ciencies naturales y teunoloxía; y documentalismu sociocultural curtiu. El plazu pa unviar les propuestes acaba’l 13 de payares.

Read Full Post »

Diputaos y alumnos comparte el Plenu de la Xunta na llectura institucional n’asturianu

Diputaos, cargos autonómicos y alumnos de los colexos públicos Fozaneldi (Uviéu) y La Puela Ayande compartieron esti miércoles el salón de plenos de la Xunta Xeneral pa tomar parte na llectura de testos en ‘llingua’ asturiana, nel actu institucional de la Selmana de Les Lletres Asturianes.

L’actu abriólu y conúxolu’l presidente de la Xunta Xeneral, Pedro Sanjurjo, que se dirixó a los presentes en ‘fala’ occidental y que lleyó’l testu ‘O eco do rego da pena’, d’Aurora García Rivas. Tanto él como’l conseyeru de Cultura, Genaro Alonso, aprovecharon les sos intervenciones pa destacar la importancia del caltenimientu de la llingua como patrimoniu de tolos asturianos.

Read Full Post »

L’Academia de la Llingua reelixe a Ana Cano

Ana María Cano González va seguir siendo presidenta de l’Academia de la Llingua Asturiana (ALLA) por cuatro años más dempués de ser reelexía nel cargu en xunta estraordinaria. Ana María Cano González dirixe la institución dende’l 25 de mayu de 2001. Tamién fueron reelexíos Miguel Ramos (vicepresidente), Roberto González (secretariu), Urbano Rodríguez (vicesecretariu) y Carlos Lastra (ayalgueru). Estos cargos tendrán un llargor de cuatro años, según los estatutos de l’ALLA.

(del Qué ye ho!, 21-06-2013)

Read Full Post »

La narrativa asturiana echa a andar otra vez

ANTÓN GARCÍA

Alredor de 1974 yera creencia xeneralizao que la lliteratura asturiana nun tenía prosa lliteraria. Conceyu Bable poníase en marcha como asociación cultural reivindicativa cola idea de qu’había que la facer, pero en 1981 tovía nun se consolidara una producción cuantitativa destacable, y cuando García Arias edita la so «Antoloxía de prosa bable» esi añu nun fai recuentu lliterariu, cabe nella too lo que tuviera en prosa: el cuentu, l’artículu, la traducción, un testamentu, un documentu de compraventa medieval… Conceyu Bable nun supo ver la importancia excepcional que tenía una autora como Enriqueta González Rubín, una muyer desconocida que nos años sesenta del sieglu XIX inauguraba con una novela’l xéneru narrativu pa la lliteratura asturiana (la primera catalana de la Renaixença publícase en 1862, y la primera gallega en 1880). Les proses de Pachín de Melás o de Fabricio (les d’esti tovía agora mui mal conocíes) entendíense como curiosidaes d’escasa calidá lliteraria, ensin valorar l’enorme esfuerzu que suponía a primeros del sieglu XX romper la tradición asturiana de narrar en versu.

Read Full Post »

Nomaos los representantes del Conseyu Asesor de la Llingua Asturiana del Ayuntamientu de Xixón

La selmana pasada la Xunta Gobiernu del Ayuntamientu de Xixón nomó a los titulares y suplentes del Conseyu Asesor de la Llingua Asturiana propuestos polos grupos políticos y entidaes que lu componen. La rellación de titulares pal mandatu actual ye la que sigui:

José Ramón Tuero (PSOE), Alfonso Martín (FAC), Humberto Gonzali (PP), Marcos Muñiz (IU), Alfredo Ignacio Álvarez (Principáu d’Asturies), Carlos Fernández (Conseyu la Mocedá de Xixón), Urbano Rodríguez (Academia de la Llingua Asturiana), Carmen Duarte (Federación Gijonesa AAVV), Xosé María García (Federación AAVV Zona Rural “Les Caseríes”), José González (CCOO), Rosa María Fernández (UGT), José Luis Llera (USO), Lluis Miguel Orviz (SUATEA), Carmen Moreno (Unión de Comerciantes de Gijón/Xixón), Ricardo Álvarez (Asociación de Hostelería de Gijón/Xixón).

(de L’Asturies Lliberal, 02-03-2012)

Read Full Post »

Asturnews recupera la cabera entrevista fecha al escritor Mánfer de la Llera

INACIU GALÁN

El martes que vien entama la 32 Selmana de les Lletres Asturianes, que va tar dedicada nesta ocasión al escritor Manuel d’Andrés, Mánfer de la Llera, que mos dexó en 2005 dempués d’una llarga vida trabayando pol espoxigue de la llingua asturiana y de les nueses lletres. El so primer llibru n’asturianu espublízalu nos años cincuenta. Cola apaición de Conceyu Bable, Mánfer conviértese en ponte ente dos xeneraciones, la de la Posguerra y les nueves voces lliteraries del Surdimientu. Asturnews ufre güei, como homenaxe y entamu de les celebraciones d’esta Selmana, la trescripción de la que fuere la so entrevista cabera, fecha por Inaciu Galán nel so programa na emisora Onda Peñes, “Asina foi… el Surdimientu” n’ochobre de 2004, pocos meses enantes de que Mánfer mos dexare pa siempres.

Mánfer, ¿cómo entamó a escribir n’asturianu, unos años nos que la llingua tenía tan mala situación?
Pues yo nací en Les Cuestes, Ciañu y ellí tol mundu falaba asturianu, los probes y los más ricos. Poro, escribir n’asturianu foi dalgo natural, anque daquella tamién escribía en castellán, sobre too, les cróniques de la ‘Voz de Asturias’, cuando yera corresponsal informativu de Sama, que si fuere anguaño facíales n’asturianu, pero aquellos yeren otros tiempos.

Read Full Post »

Vicente G. Oliva lee en el periódico que hay un curso de bable

JAVIER CUERVO

El escritor Vicente García Oliva -último premio de ensayo «Máximo Fuertes Acevedo»- llegó al asturiano por un curso que organizó Conceyu Bable en Gijón en enero de 1975 y empezó a escribir por militancia cinco años después, cuando le llamaron para formar parte de la Academia de la Llingua.

El periódico anunciaba un curso de bable en el antiguo Instituto Jovellanos. A Vicente García Oliva no era algo que le tocara muy de cerca pero le gustaba la forma popular de hablar y, en las tardes libres, cuando se juntaba con su gijonuda pandilla de amigos y hacían coro en los chigres, asturianizaban al máximo las canciones.

Read Full Post »

“Los pasos que da Xixón cola llingua tienen importancia n’otros llaos”

D. BARREIRO

Jesús Montés Estrada dixo que l’asturianu tien que ser oficial, afirmando amás que los pasos que dan en Xixón cola normalización de la llingua tienen importancia n’otros llaos.

El conceyal de Cultura Tradicional y Llingua de Xixón dixo estes pallabres na presentación del material didácticu ganador del cuartu concursu ‘Vas velo, trebeyos pal aula’, organizáu pola Oficina Municipal de la Llingua.

Read Full Post »