L’editorial del Anuariu de la Música Asturiana 2018, revista autofinanciada editada por Goxe Producciones de repartu gratuitu, lleva’l nome de ‘Vivir de la música asturiana’ y céntrase nos ataques “a la futura oficialidá de la llingua asturiana y a la so rellación cola creación musical”. “La oficialidá ye una oportunidá única pa, ente otres coses, promover y facilitar la creación de tou un texíu industrial de calter cultural onde la música ha xugar un papel perimportante. La creación musical n’asturianu (y gallego-asturianu) va vese beneficiada abondo cola reconocencia oficial de la llingua cola que trabaya. El Gobiernu asturianu, nesta etapa nueva que yá s’acolumbra, ha dexar les curties y acomplexaes acciones de calter inconexu y temporal y entamar una verdadera política ambiciosa y efectiva d’apoyu y promoción a esti sector”, reza un cachu del testu.
Posts Tagged ‘Vicente Díaz’
El cantar ‘Los fayeos de mayo’, de Felpeyu, ye’l meyor de la música asturiana, según un ranking de RPA
Posted in Asturies, Comunicación /Comunicaçon, Música, tagged Alfredo González, Anabel Santiago, Ígor Medio, Balandrán, Carlos Rubiera, Chus Pedro, Dixebra, Eduardo Martínez Torner, El Presi, Felpeyu, La Bandina, Llan de Cubel, Los Berrones, Lucas 15, Mariluz Cristóbal Caunedo, N'Arba, Nacho Vegas, Radiotelevisión del Principáu d\'Asturies, Rodrigo Cuevas, Selmana de les Lletres Asturianes, Tejedor, Toli Morilla, Vicente Díaz, Xulio Ramos, Xune Elipe on Maio 4, 2018| Leave a Comment »
El tema del grupu Felpeyu ‘Los fayeos de mayo’ ye’l meyor de la historia de la música asturiana, según la encuesta fecha pola Radio del Principáu d’Asturies (RPA) ente una trentena de personalidaes del mundu de la cultura asturiana.
La emisora pública emitió a lo llargo d’esta Selmana l’espaciu ‘Top 25 n’ast’, onde se dieron a conocer los 25 temes más votaos por xuráu de más de 30 personalidaes del mundu de la cultura asturiana –académicos, filólogos, músicos, escritores, actores, promotores, xestores culturales y profesores universitarios–. D’una primer esbilla salieron 200 cantares de la que les 25 que se sintieron en RPA foron los más votaos.
Yá tenemos grupos. Agora ye’l momentu d’una llingua amañosa
Posted in Asturies, Música, tagged Academia de la Llingua Asturiana, Burilo, Miguel Fernandi, Vicente Díaz on Março 26, 2010| Leave a Comment »
MIGUEL FERNANDI “BURILO”
Por fin. Depués de trenta años de movimientu de reivindicación llingüística y cultural podemos falar d’una verdadera escena musical na nuestra llingua fuera de la tonada y del folk. El rock n’asturianu -incluyendo equí otros estilos como’l pop, el hip-hop, etc- ganó presencia y una bona montonera de grupos coinciden nel tiempu y nos escenarios.
Con una normalización social del idioma asturianu inesistente del llau de les instituciones, la música tiense convertío nestos años como una ferramienta esencial pa tresmitir, enseñar y dar a conocer la nuestra llingua. Y ye agora, cuando tantos grupos hai, cuando se fae necesario facelo cola mayor atención posible.
