El Centro Asturiano de Madrid recupera’l Día de les Lletres Asturianes

El llar del Centro Asturiano de Madrid va acoyer esti sábadu la celebración del Día de les Lletres Asturianes en Madrid. En collaboración con Iniciativa pol Asturianu entama una xornada de reivindicación, defensa y promoción del asturianu que va contar con presentaciones, una mesa redonda y un recital poéticu.

El coleutivu d’emigrantes na capital del Estáu recupera asina esti festexu al rodiu l’idioma. Va principiar a les 18 hores cola presentación de ‘La Rexenta’, llibru de Leopoldo Alas ‘Clarín’ lleváu al asturianu por Víctor Suárez, que va encargase d’esplicar tolos detalles de la traducción.

Read Full Post »

Homenaxe del mundu lliterariu asturianu a Xosé Bolado

Esti sábadu, 3 de xunetu, l’Academia de la Llingua Asturiana fixo homenaxe a Xosé Bolado García, académicu de Númberu fináu’l 20 de mayu pasáu. Nel actu, que tuvo llugar na Biblioteca d’Asturies «Ramón Pérez de Ayala», presentóse’l llibru homenaxe al autor, N’harmonía, Agora que sigues con nós…, nel que se recueyen les sos composiciones poétiques asoleyaes nes revistes de la Institución (Lletres Asturianes, Lletres Lliterariu y Lliteratura).

Na presentación d’esti llibru contóse coles pallabres iniciales del presidente de la
Institución, Xosé Antón González Riaño, que faló a los asistentes de la figura de Xosé Bolado y la so importancia ya implicación cola ALLA y la lliteratura asturiana. Darréu d’ello, Aurelio González Ovies, profesor de la Universidá d’Uviéu fixo un repás curtiu de la poética del autor homenaxáu, afondando nel so llinguaxe poéticu y les sos característiques más señalaes.

Read Full Post »

Aida Escudero y José Ángel Gayol, merecedores de los XX Premios de la Crítica

PABLO R. GUARDADO

L’Asociación d’Escritores d’Asturies (AEA) ta acabante de dar a conocer les dos obres que lleven los XX Premios de la Crítica na so estaya de llingua asturiana. En poesía’l meyor llibru del 2019 ye ‘Esti llugar qu’agora ye nuesu. Poemariu neanderthal’, d’Aida Escudero, y en narrativa ‘En primera persona’, de José Ángel Gayol.

Los xuraos de dambos gallardones aconceyaron ayeri de manera telemática. Los encargaos de decidir ente los poemarios espublizaos l’añu pasáu foron los escritores Lourdes Álvarez, Marta López Fernández, Xuan Xosé Sánchez Vicente y Inaciu Galán, ayalgueru de l’AEA qu’actuó como secretariu –cargu que cuenta con voz, pero non con votu–.

Read Full Post »

María Llatores, Fernando Prendes y Víctor Suárez faense colos premios de la FSA-PSOE

Esti miércoles aconceyó nel llar de la FSA-PSOE’l xuráu del concursu de microrrellatos en Twitter que convoca’l partíu dende va trés años. El xuráu escoyó los 25 meyores microrellatos y decidió dar el primer premiu a María Llatores, el segundu a Fernando Prendes y el terceru a Víctor Suárez. Los trés primeros van recibir un llote de llibros y un diploma y el restu, un detalle y un diploma. María y Fernando presentaron obres n’asturianu y Víctor en gallego-asturianu o eonaviegu.

Trátase del tercer Concursu de Microrrellatos en Twitter “Selmana Lletres FSA” convocáu pola Secretaría d’Educación, Universidá y Normalización Llíngüística de la FSA-PSOE al rodiu de la celebración de la XLI edición de la Selmana de les Lletres Asturianes.

El xuráu tuvo compuestu por Antón García, Director Xeneral de Política Llingüística del Gobiernu d’Asturies, Esther Prieto, escritora y editora n’Ediciones Trabe, Esther García, presidenta de l’Asociación d’Escritores d’Asturies, Inaciu Galán, escritor y periodista y María Luz Pontón, Secretaria d’Educación, Universidá y Normalización Llingüística de la Federación Socialista Asturiana FSA-PSOE, destacó l’ésitu d’una convocatoria a la que se presentaron 72 obres de muncha calidá y que, en pallabres de Mari Luz Pontón “amuesen el compromisu y el sofitu a la llingua asturiana”

Los rellatos presentaos pueden lleese en Twitter buscando cola etiqueta #SelmanaLletresFSA.

(de Formientu, 08-10-2020)

Read Full Post »

L’Asociación d’Escritores d’Asturies inclúi la oficialidá del asturianu nos sos estatutos

El sábadu pela mañana l’Asociación d’Escritores d’Asturies celebró la so Xunta Xeneral de socios nel Muséu Arqueolóxicu d’Asturies y na mesma aprobóse una propuesta de modificacion de los estatutos presentada pol periodista y escritor Inaciu Galán.

Tres d’esta modificación la entidá asume como llingües oficiales de la organización, en plena igualdá, asturianu, gallego-asturianu y castellán, cola siguiente redacción:

ARTÍCULU 5.- L’Asociación d’Escritores d’Asturies tien como llingües oficiales na so actividá interna y esterna’l castellán, l’asturianu y el gallego-asturianu. La entidá va trabayar por da-yos una presencia digna a toes elles, promoviendo con especial procuru la difusión y l’usu de les llingües propies d’Asturies na comunicación de l’asociación y nel ámbitu lliterariu y cultural, ensin que seya torga da-yos abellugu tamién a actividaes n’otres llingües, afalando’l multillingüismu y el respetu a la diversidá cultural._

Read Full Post »

Ragadast ufre de baldre un llibru de rellatos “Fecho na cuarentena”

Ediciones Radagast asoleya’l llibru dixital y de baldre “Fecho na cuarentena”, un llibru de rellatos n’asturianu, castellán y gallego-asturianu pa facer más llevadera la cuarentena.

Ediciones Radagast, la nueva editorial asturiana de fantasía, rol y ciencia ficción qu’organizare’l crowdfunding de Depués d’Ochobre, el primer xuegu de rol n’asturianu, ta acabante d’asoleyar un llibru dixital de baldre pa que la cuarentena seya más llevadera.

Read Full Post »

Arranca’l #FormientuEnCasaFest, con actividaes diaries alredor de la cultura asturiana dende casa

La plataforma lliteraria Formientu.com pon en marcha estos díes y coincidiendo cola aisllamientu de la población pola mor del andanciu de coronavirus, un ciclu cultural embaxo’l títulu #FormientuEnCasaFest. La idea d’esti festival virtual ye ufrir a la xente actividaes lliteraries y culturales que valgan pa face-yos pasar el tiempu d’esti enzarru nes cases y poner en valir la importancia de la cultura asturiana y la llingua asturiana nun momentu como esti.

El festival tien previstes actividaes dende esti miércoles 18 y hasta’l llunes 30 de marzu, anque la idea ye siguir ampliando programación mientres dure la cuarentena nes cases y en función del ésitu de la convocatoria. Les actividaes van facese al traviés de cámara web y en directo dende les cases de los protagonistes de cada actividá,

Read Full Post »

Félix Fernández (Acuto Xuegos): “Vemos una necesidá de qu’haya una mayor concienciación de consumir n’asturianu”

“¿Cuála ye?” pue que nun fore, hasta agora, muncho más qu’una entruga. Sicasí, agora ye’l títulu del nuevu proyeutu d’Acuto Xuegos: Un xuegu de mesa p’adultos que va poner a prueba los nuesos conocimientos n’estayes como la historia, la xeografía, la llingua y la lliteratura o l’ociu… Pa facer posibe’l primer xuegu de mesa d’adultos, va organizase bien ceo un crowdfunding pa sofitalu al que vos podéis apuntar calcando equí.

Proyeutos como ésti faen parte de lo que ye la cultura popular asturiana, una de les estayes que más de llau quedó nes últimes décades y, quiciabes, la gran escaecida del surdimientu cultural. Con una lliteratura y una música d’oru, un teatru n’asturianu más que decente… …paez qu’ellementos d’importancia pa la cultura como los videoxuegos, los xuegos de rol, el cine o los xuegos de mesa acaben por resistísenos. D’estos últimos, de los xuegos de mesa, falamos güei con Félix Fernández, responsable d’Acuto Xuegos que mos cuenta qué tien d’especial “¿Cuála ye?”; un xuegu que nun sal de la nada, sinón que ye yá’l quintu que faen. Si queréis descubrilu, nun vos perder esta entrevista. Y si vos presta, nun dexéis de sofitalu.

¿Cómo se llama’l xuegu que vamos ver?
El xuegu llamáse ‘¿Cuála ye?’ y d’apellíu, por dicilo de dalguna manera, va tener ‘El xuegu de preguntes d’Asturies’.

Read Full Post »

«La oficialidad supondrá un beneficio económico»

IRENE B.CARRIL

La Carpa de la Palabra de la Semana Negra de Gijón hablaba anoche asturiano. Bajo ella tuvo lugar una mesa redonda en la que se debatió acerca de ‘Les oportunidaes de la oficiliadá pa la industria cultural d’Asturies’. En ella, María Luz Pontón, secretaría de Educación, Universidades y Normalización Lingüística de FSA-PSOE y una de las impulsoras de que la cooficialidad haya ido en el programa socialista de Barbón, afirmó que «la oficialidad supone un beneficio económico para la Comunidad Autónoma». En su opinión se crearían empresas y, por consiguiente, puestos de trabajo en el ámbito de la cultura asturiana. Y todo ello cuando llega una legislatura en la que la mayoría de los parlamentarios militan en partidos favorables a la cooficialidad. Eso sí, los resultados electorales les dejaron a un solo voto de lograr la mayoría necesaria para el cambio estatutario que la permitiría.

Quisieron todos los participantes en la mesa redonda destacar el efecto positivo que en otros lugares de España con lengua propia tuvo la oficialidad a nivel económico, poniendo como ejemplo los casos de País Vasco y Valencia. Además, animaron a los medios de comunicación a abrirle las puertas a la llingua, ya que consideran que así «acabará consiguiendo tener visibilidad y reconocimiento», y pusieron el país de Gales como ejemplo de esta circunstacia.

Read Full Post »

Iniciativa defende la oficialidá como ferramienta d’igualdá

Iniciativa pol Asturianu defende la oficialidá como una ferramienta pa consiguir igualar los drechos llingüísticos, preservar el patrimoniu y convertise nun elementu dinamizador de la economía, depués de volver denunciar otra llamentable situación de discriminación llingüística esta vegada na Conseyería de Servicios Sociales.

La declaración facíala Inaciu Galán, presidente d’Iniciativa pol Asturianu, impartió na tarde del xueves una charra nel espaciu El Manglar n’Uviéu. L’actu foi presentáu por Víctor Suárez, cofundador d’Iniciativa pol Asturianu y activista pro drechos llingüísticos, y entamó cola proyección del documental ‘La vida ensin oficialidá’ nel que apaecen varios casos de discriminación llingüística.

Read Full Post »