Feeds:
Antradas
Comentairos

Posts Tagged ‘Vuelta Ciclista a Asturies’

La organización de la Vuelta Ciclista a Asturies comprometióse cola Dirección Xeneral de Política Llingüística a usar na comunicación colos medios y nos llibros de ruta los nomes de llugar oficializaos pol Gobiernu d’Asturies dende’l 2004. Esti compromisu ye resultáu de les xestiones feches dende la Dirección Xeneral de Política Llingüística depués de la protesta de delles organizaciones en defensa de los derechos llingüísticos, como la Xunta pola Defensa de la Llingua Asturiana o Iniciativa pol Asturianu.

El día 23 d’abril, el director xeneral de Política Llingüística, Alfredo Álvarez Menéndez, unvió una carta a la directora de la Vuelta Ciclista a Asturies onde la informaba de que los rutómetros fechos públicos pola organización de la prueba deportiva nun teníen en cuenta les formes oficiales de los nomes de poblaciones asturianes. Asina, los nomes usaos incurríen dacuando n’errores d’ortografía (Sevares en cuenta de Sebares), otres veces usábense nomes de población «inexistentes total o parcialmente» (como en Lastres por Llastres o El Gobernador por El Pidal), mentes qu’otres veces producíase una simplificación «inadecuada» de topónimos oficializaos con formes dobles (como los casos d’Infiesto en cuenta d’Infiesto/L’Infiestu o Gijón en cuenta de Gijón/Xixón). (more…)

Read Full Post »