El director xeneral de Política Llingüística, Antón García, y l’alcaldesa de Carreño, Meli Fernández López, celebraron una sesión de trabayu pa poner en marcha la segunda convocatoria del Reguerada Fest, la feria d’empreses, lliteratura, música, artes visuales y escéniques y gastronomía, que va desenvolvese en Candás los díes 6, 7 y 8 d’ochobre de 2023. El coordinador del festival va ser, tamién esti añu, Xaime Martínez Menéndez.
(more…)Posts Tagged ‘Xaime Martínez Menéndez’
La Conseyería de Cultura entama la segunda edición del Reguerada Fest el 6, 7 y 8 d’ochobre en Candás
Posted in Carreño, Lhiteratura / Lliteratura, Música, Política lhenguística / Política llingüística, tagged Antón García, Conceyu de Carreño, Dirección Xeneral de Política Llingüística del Principáu d'Asturies, Meli Fernández López, Xaime Martínez Menéndez on Maio 17, 2023| Leave a Comment »
Yá ta disponible’l númberu 127 de la revista Lletres Asturianes
Posted in Asturies, Bergáncia, Bumioso, Fonética, Lhiteratura / Lliteratura, Música, Sintaxe / Sintaxis, tagged Adrián Expósito, Antonio Pamiés Bertrán, Covadonga Martínez Sánchez, Fernán Coronas, Galo Antonio Fernández, Hector García Gil, Isabel Álvarez Sancho, Manuel Duarte João Pires, Víctor Suárez Piñero, Xaime Martínez Menéndez on Nobembre 4, 2022| Leave a Comment »
Nesti númberu espublícense ocho artículos venceyaos a cuestiones llingüístiques, abarcando fonética, música, lliteratura, torna ya incluso apuntes sobro llingua y cine
La investigación sobro lliteratura ocupa bona parte de la revista; asina, Adrián Expósito fae un averamientu a la obra inédita del Padre Galo, Víctor Suárez Piñero estudia la presencia de l’asturianu en “Sinfonía Pastoral” y la so adautación cinematográfica y Hector García Gil apurre notes sobre la torna de “Retornu a Tagen Ata”.
Non tolos artículos tan escritos n’asturianu, Manuel Duarte João Pires apurre un trabayu d’investigación alrodiu’l mirandés escritu nesa llingua y Isabel Álvarez Sancho utiliza l’inglés pa falar de nueva tradición y activismu musical.
Llingüísticamente interesante abulta tamién el trabayu conxuntu de Natalia Riego Arredondas y Carmen Siñeriz Rico, alrodiu los avances fechos na creación del Diccionario Normativo d’Eonaviego.
Pa finar, nel separtáu de reseñer bibliográfiques alcontramos los artículos de Covadonga Martínez Sánchez , que fae un averamientu a los trabayos de fonética en 22 llingües d’Antonio Pamiés Bertrán, y de Xaime Martínez Menéndez, que fae una reseña bibliográfica del trabayu “Sound, Syntax and Contact in the Languages of Asturias, Amsterdam / Philadelphia”.
ENLLAZ: Lletres Asturianes, 127.
(d’InfoAsturies, 04-11-2022)
Francisco Álvarez faise col primer premiu nel Concursu de Cuentos pola Oficialidá de Bimenes
Posted in Asturies, Bimenes, Lhiteratura / Lliteratura, tagged Aitor García Corte, Conceyu de Bimenes, Daniel Cueli Canto, Francisco Álvarez González, Héctor Pérez Iglesias, Pablo Rodríguez Medina, Xaime Martínez Menéndez, Xuan Trenor Allen, Xulio Vixil Castañón on Outubre 18, 2019| Leave a Comment »
Francisco Álvarez González (Xixón, 1970) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu ventidós. El primer premiu, dotáu con 600 euros, foi pa la so obra Rosa d’iviernu.
El segundu premiu, dotáu con 450 euros, foi pal cuentu La nieve nun ye blanco y el cuervu nun ye prietu (dalgunes coses, por embargu, sí lo son), de Xaime Martínez Menéndez (Uviéu, 1993), y Xuan Trenor Allen (Uviéu, 1981) algamó’l tercer premiu, al que se-y apurren 300 euros, con Cavilaciones d’un home enroldáu.
Xaime Martínez: “Tamos énte una bona oportunidá pa construyir una identidá más sana y con más futuru”
Posted in Antrebistas / Entrevistes, Asturies, Lhiteratura / Lliteratura, Música, tagged Alan Lomax, Ambás, Chus Pato, Cristóbal Iglesias, Daria Fedotova, David Guardado, Emily Dickinson, Germán Álvarez Mingote, Jesús Colino, Ramsés Ilesies, Rubén Sánchez Díaz, Xaime Martínez Menéndez on Nobembre 20, 2018| Leave a Comment »
‘Ósculos d’agua nel Imperiu Asturianu’ ye un trabayu que trai aire nuevo a la escena musical asturiana. Tres d’él ta Xaime Martínez Menéndez (Uviéu, 1993), escritor y músicu miembru de La Bande, que fai una reflexón irónica y crítica de la historia del país al traviés d’un discu conceptual de folk alternativu nel qu’asomen personaxes como Urraca l’Asturiana, Xosefa Xovellanos, Belarmino Tomás o Pelayo.
¿Cómo nació la idea y cuál ye’l so oxetivu al grabar esti discu?
‘Ósculos d’agua nel Imperiu Asturianu’ xurdió en verdá como un proxectu poéticu, en lleendo’l ‘Messagem’, de Pessoa. Nél Pessoa fai una rellectura espiritual y esotérica de la hestoria portuguesa, y ocurrióseme facer daqué asemeyao con Asturies. Depués aportanon delles llocures más, como convertir el proxectu nun discu conceptual –que son discos que, per otru llau, danme davezu un noxu enorme– o mete-y ciencia ficción –l’Imperiu Asturianu asítiase nel futuru–. Lo que pretendo con esti discu, como diría Pablo Und Destruktion, ye combatir el mal.
Tierra alantre, la mesma fala 