Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.
Posts Tagged ‘Xandru Armesto’
La II Xornada de “Llingua Asturiana y Educación” va averar les TICS a la clas d’asturianu esti xueves 13 Payares
Posted in Ansino / Educación, Asturies, Comunicación /Comunicaçon, Música, Política lhenguística / Política llingüística, Uvieo, tagged Algamar Producciones, Ambás, Ana María Fueyo Llaneza, Inmaculada González Gómez, Iván Huerga, Jesús García Albá, José Luis Remis, Juan Carlos San Pedro Veledo, Julio Antonio González García, Pablo Quiroga, Pablo Rodríguez Medina, Poli Mencía, Raúl Carbajal López, Ramsés Ilesies, Serviciu de Normalización Llinguística de Conceyu de Siero, SUATEA, Universidá d\'Uviéu, UXT, Vítor Suárez, Xandru Armesto, Xosé Antón Fernández, Xosé Antón González Riaño, Xuncir, Xunta Estudiantil Asturiana on Nobembre 8, 2014| Leave a Comment »
La II Xornada de “Llingua Asturiana y Educación” va averar les TICS a la clas d’asturianu esti xueves 13 de Payares na Sala de Graos, Facultá de Formación del Profesoráu y Educación de la Universidá d’Uviéu, con un programa nel que les nueves tecnoloxíes y la so presencia na clas de primaria y secundaria van protagonizar una bona parte de les ponencies.
La xornada va entamar a les 10,00 de la mañana cola presencia de Julio Antonio González García, Vicerreutor de Profesoráu y Ordenación Académica (Universidá d’Uviéu), Inmaculada González Gómez, Primer teniente d’alcalde del Conceyu d’Uviéu, y Ana María Fueyo, direutora xeneral de Política Llingüística del Principáu d’Asturies, amás de Juan Carlos San Pedro Veledo, Decanu de la Facultá de Formación del Profesoráu y Educación y Raúl Carbajal López, Coordinador académicu de la xornada.
La II Sestaferia del Profesoráu de Llingua Asturiana celebraráse nel CPR d’Uviéu na primer selmana del mes de xunu
Posted in Ansino / Educación, Asturies, Uvieo, tagged Berto Cobreros, Chechu García, Iris Díaz Trancho, José Luis Remis, María José Fernández, Marta Mori, Mercedes Calzada, Paz Fonticiella, Próspero Morán, Sestaferia del Profesoráu de Llingua Asturiana, Xandru Armesto, Xandru Martino, Xulio Berros, Xurde Fernández on Maio 19, 2010| Leave a Comment »
Hasta’l 30 d’esti mes de Mayu hai plazu pa inscribise na II Sestaferia del Profesoráu de Llingua Asturiana que va celebrase nel CPR d’Uviéu na primer selmana de Xunu. El día 4 de 9,30 a 14 hores y de 16,30 a 20 hores, un máximu de 120 profesores n’activo d’Educación Primaria y d’Educación Secundaria qu’imparta Llingua asturiana van poer seguir un completu programa nel que les aplicaciones didáutiques que se vienen desendolcan nel aula d’asturianu van ser les protagonistes.
Los obxetivos d’esta Sestaferia del Profesoráu de Llingua Asturiana van dende analizar la contribución de la Llingua asturiana al llogru de la competencia en comunicación llingüística hasta l’emplegu de les Nueves Tecnoloxíes nes clases de Llingua y los conteníos empobínenese cola presentación de ponencies a primera hora de la mañana y de la tarde, pa facer darréu talleres simultáneos relacionaos colos conteníos propuestos.
Tierra alantre, la mesma fala 