Gonzalo G. Barreñada gana el II Premiu de Novela Curtia Andrés Solar

El xuráu del segundu «Premiu de novela curtia Andrés Solar Santurio», aconceyó’l xueves 17 de payares de 2022 nel Centru de Cultura Antiguu Institutu a les 13:45 hores, presidíu por D. Manuel Ángel Vallina Rodríguez, Conceyal Delegáu de Cultura del Conceyu de Xixón; D. Xandru Martino Ruz, filólogu y académicu de la llingua asturiana, Dña. Juncal Mónica García Velasco, Xefa del Serviciu de Planificación y conocimientu de la llingua asturiana, D. Millo Rodríguez Cueto, escritor ganador de la edición anterior y, Dña. María Xosé Rodríguez López, responsable de la Oficina de Normalización Llingüística de la FMCE y UP que fino amás de Secretaria.

De resultes del aconceyamientu y tres analizar con procuru les siete obres presentaes, el xuráu decidió por mayoría conceder el premiu a la novela «La guerra del medrosu» presentada col nomatu de «Lord Holland», que n’abriendo la plica resultó ser Gonzalo González Barreñada.

El xuráu quixo poner de manifiestu la calidá de les obres presentaes y la importante participación, lo que dio llugar a un intensu y estensu debate. El xuráu quier destacar tamién les referencies de la obra a la novela clásica europea d’aprendizaxe y crecimientu.

(de Formientu, 23-12-2022)

Read Full Post »

La industria editorial n’asturianu prevé publicar 34 novedaes nel 2022, onde destaquen les traducciones

Les editoriales asturianes van publicar nel 2022 un total de 34 novedaes, ente les que destaquen les traducciones de grandes noveles de la lliteratura universal, como ‘Roméu y Xulieta’ de Willian Shakespeare o ‘Les dos torres’ de Tolkien. Amás, tamién hai obres que tovía nun tán publicaes en castellanu, como ‘Guillem’, de la catalana Núria Cadenes.

Son un total de 34 novedaes de siete editoriales que van recibir ayudes del Gobiernu d’Asturies pa la promoción del llibru n’asturianu y en gallego-asturianu, yá sía pa obres orixinales o traducíos d’otres llingües.

Read Full Post »

Riaño (ALLA) llama a los políticos a falar “ensin perda de tiempu” sobre “la oficialidá qu’Asturies demanda y necesita”

El presidente de l’Academia de la Llingua Asturiana (ALLA), Xosé Antón González Riaño, llamó a los grupos parllamentarios a que, “en nome del pueblu asturianu”, falen “ensin más perda de tiempu” sobre la oficialidá “qu’Asturies constitucionalmente demanda y necesita”.

Asina lo indica nel so discursu pola Xunta Estraordinaria de l’ALLA pol Día de les Lletres nel Teatru Campoamor, onde la institución acoyó a los miembros nuevos: l’escritor Xandru Martino como académicu correspondiente y a la periodista Pilar Rubiera Alonso como miembru d’honor.

Un actu al qu’asistieron el presidente del Principáu, Adrián Barbón; la conseyera de Cultura, Política Llingüística y Turismu, Berta Piñán; la conseyera d’Educación, Carmen Suárez; el presidente de la Xunta Xeneral, Marcelino Marcos; el rector Ignacio Villaverde; representantes de tolos grupos parllamentarios menos Vox y de sindicatos y asociaciones, amás d’alcaldes de 13 conceyos, ente los que nun taba Uviéu, qu’acueye l’actu.

Read Full Post »

L’escritor Xandru Martino Ruz y la periodista Pilar Rubiera Alonso, nuevos miembros de l’Academia de la Llingua Asturiana

L’Academia de la Llingua Asturiana (ALLA) decidió, na so sesión estraordinaria del xueves 15 d’abril, proponer como nuevos miembros de la institución, respeutivamente, al escritor D. Xandru Martino Ruz (académicu correspondiente) y a la periodista Dña. Pilar Rubiera Alonso (miembru h’honor).

Xandru Martino Ruz ye escritor en llingua asturiana y destaca poles sos aportaciones en cuantes a la narrativa y tien, amás, el perfil d’investigador, sobro too no que cinca a les adautaciones funcionales del léxicu del asturianu.

Pilar Rubiera ye periodista con una llarga trayeutoria na prensa escrita y vien destacando, nes décades caberes, polos sos trabayos en rellación cola información cultural y, especialmente, polo que tien que ver cola dinámica social arreyada a la llingua asturiana. Arriendes d’ello fai un llabor de collaboración cola ALLA, de gran importancia pa la so proyeición pública.

Read Full Post »

El riosellano Xandru Martino publicará en septiembre ‘Nunn’, su primera novela escrita en asturianu

El escritor, llingüista, cartero y gaiteru riosellano, Xandru Martino, publicará este año su primera novela. Será en llingua asturiana y con la editorial local Delallama. Según adelantó su editora, Ana María Roza, se titula ‘Nunn’ y “tiene que ver mucho con el castro de Caravia, la romanización,… a mi me pareció una historia guapísima”, aseguró. La intención del autor y la editorial pasa por sacarla a la luz en septiembre y presentarla en Ribadesella cuando llegue el momento. Hoy le ha pasado una primera prueba al autor para que proceda a su revisión y corrección, “así que tiene trabajo”.

Entre otras cosas, Xandru Martino es gaitero en la Banda Gaites Ribeseya y letrista del grupo folk riosellano Corquieu.

Read Full Post »

Carreño entama un programa dedicáu a Antón de Marirreguera cola intención de “crear un polu de creatividá cultural”

PABLO R. GUARDADO

Esti xueves echa a andar en Carreño’l Programa Cultural Antón de Marirreguera col oxetivu de recordar la figura del poeta, dignificar l’asturianu y “crear un polu de creatividá cultural” nel conceyu con repercusión en toda Asturies. Un actu en Llorgozana va abrir la XXXIX Selmana de les Lletres Asturianes el 27 d’abril.

Esta iniciativa naz del Conceyu de Carreño y cuenta cola collaboración de la Direición Xeneral de Planificación Llingüística y Normalización, l’Academia de la Llingua Asturiana (ALLA), l’Asociación d’Escritores d’Asturies y l’Asociación de Llibreríes del Principáu d’Asturies. Baxo’l sotítulu de ‘Carreño, ñeru de la pluma n’asturianu, va consistir nuna serie d’actividaes sobre la poesía de dellos autores consagraos, una conferencia sobre Antón de Marirreguera a cargu de Xandru Martino, prevista pal 5 d’abril, y conciertos en parroquies del conceyu, amás delles eventos al con motivu de la XXXIX Selmana de les Lletres Asturianes.

Read Full Post »

Les llingües minorizaes protagonicen el VI Festival Arcu Atlánticu

PABLO R. GUARDADO

L’occitanu, l’asturianu y el mirandés, l’eusquera, el bretón y el gallegu van ser el centru d’atención del VI Festival Arcu Atlánticu, que comienza esti martes y va allargase hasta’l domingu baxo’l lema ‘Un mar de llingües’. Juan Carlos Moreno Cabrera pon la charra inaugural, que trata sobre los idiomes como patrimoniu cultural.

Tres tar dedicáu a países como Portugal o Éire, o ciudaes como Naunnt o Lisboa, nesta ocasión la Fundación Municipal de Cultura, Educación y Universidá Popular decidió poner el focu nes llingües minorizaes del arcu atlánticu. Asina, va haber cinco xornaes dedicaes a caún de los idiomes minoritarios de la parte continental, amás d’una más xeneral que va conformar güei la xornada inaugural.

Read Full Post »

Textu, Contextu

ANTÓN GARCÍA

Lletres Asturianes
Númberu 114, marzu 2016
Uviéu, Academia de la Llingua Asturiana, 2016

A un de los textos más singulares de la lliteratura asturiana, el «Viaxe del Tíu Pacho el sordu a Uviedo», dedica Xuan Xosé Sánchez Vicente’l so artículu nesti nuevu númberu de la revista «Lletres Asturianes», publicada pola Academia de la Llingua Asturiana. Fai nél un análisis pormenorizáu y intelixente de la obra, una novela («novelina» llámala Sánchez Vicente) escrita por Enriqueta González Rubín (1832-1877), impresa n’Uviéu en 1875 y que desapareciera llamativamente, hasta’l puntu de que los repertorios bibliográficos de la tradición (Canella, Fuertes Acevedo, Somoza, Oliveros) nun la citen siquiera. Les úniques referencies parecíen aportar de la otra banda la mar: Constantino Suárez «Españolito» y Alfonso Camín. Sicasí, el llibru apareció cerca casa: en Llanes, un únicu exemplar guardáu dientro d’otru llibru. Sánchez Vicente, como vien faciendo de va tiempu coles obres más representatives d’esta lliteratura, llee la obra con atención, desentellízala y fai por desvelar les partes más escures, como la interpretación d’esi «pote/porte» na que parez acertar de llenu. Deldora de Marirreguera, la obra inxértase dientro de la conocida tradición del paisanu de pueblu que viaxa a la capital y se maravía de les novedaes que ve, pero arriquecida con carga social y crítica política, anque tengo pa min que se nos escapen la mayor parte de les claves qu’escuende la obra. ¿Ye esta la primer novela de la lliteratura asturiana? Canella diz qu’esta mesma autora publicara en 1864 una novela na prensa asturiana, entendemos que por entregues y desconocida pa nós, que nun sería esta. Sabiendo que la primer novela de la Renaixença catalana ye de 1862 y la primera gallega de 1870 (anque publicada en 1880) podemos entender meyor l’aventura extraordinaria de la escritora Enriqueta González Rubín.

Read Full Post »

Literatura asturiana con GPS

A. P. GIÓN

Un viaje con Nené Losada desde Luarca a San Feliz y a través de sus poemas, desde el sofá o en vivo y en directo. Esto es ya posible gracias al Mapa literario, un proyecto que permitirá viajar por Asturias de la mano de los escritores más ilustres de la región y bajo las indicaciones que constituyen sus referencias literarias; literatura asturiana con GPS. Sus impulsores presentaron ayer el proyecto en la última jornada de la Feria del libro y del disco en asturiano, que tuvo como centro neurálgico el edificio de la antigua pescadería.

«Se trata de un mapa literario asturiano, con autores nacidos o vinculados a la tierra. Incluimos en soporte de internet sus textos sobre el mapa y realizamos localizaciones de sus obras a través de sus propias palabras. Geolocalizamos todos los puntos de los que se habla en el libro en cuestión», explicó el gijonés Daniel Castillo, de la firma «Aventuras literarias».

Read Full Post »

Rodríguez Medina y Marisa López Diz ganen el IV Premiu Arbidel de Cuentos Eróticos

Aconceyáu en Ribeseya el xuráu del Cuartu Premiu Arbidel de Cuentos Eróticos, formáu por Nieves Otero Paraja, especialista n’asturianu pola Universidá d’Uviéu y profesora d’asturianu, Vicente García Oliva, miembru de l’Academia de la Llingua asturiana y escritor y Xandru Martino Ruz, especialista n’asturianu pola Universidá d’Uviéu y faciendo de secretariu con voz, pero ensin votu, don Juan González Martino, conceyal de cultura del Conceyu de Ribeseya, apautaron da-y l’accesit del Cuartu Premiu Arbidel de Cuentos Eróticos al rellatu “Mientres me Mires”, presentáu ensin alcuñu, y escritu por Marisa López Diz, y declarar ganador del Cuartu Premiu Arbidel de Cuentos Eróticos al rellatu “La marca d’agua”, presentáu baxo l’alcuñu de El destín fetichista y que ta escritu por Pablo Rodríguez Medina.

(d’Asturnews, 04-05-2011)

Read Full Post »