Feeds:
Antradas
Comentairos

Posts Tagged ‘Xareos! Xestión Cultural’

La nueva xeneración de poetes y narradores en llingua asturiana presenta una bona muestra de la so producción nel últimu númberu de la revista lliteraria Formientu, editada por Xareos Xestión Cultural.

La publicación, qu’algama yá los sos diez años de vida, incorpora nesta ocasión a un autor portugués qu’escribe en mirandés. Trátase de Tiégui Alves, residente en Burdeos, y que presenta dos muestres de la so producción poética.

Moisés Cima, Claudia Elena Menéndez, Francisco Priegue, Andrés Astur Treceño, Naomi Suárez o Berto Cla son otros poetes incluyíos nesti últimu númberu, na so mayor parte nacíos nos años 90. Marcos Salazar, Alba Carballo, Alicia Cortina y Xurde Álvarez Antón, ente otros, apurren les sos creaciones a la estaya de narrativa.

(more…)

Advertisements

Read Full Post »

La revista lliteraria Formientu va despidir l’añu y a dellos de los sos autores más vieyos nun actu que se va celebrar nel chigre L’Ayalga (c/ Prendes pando 11, Xixón), el xueves 29 d’avientu, a les 20:00 hores. L’actu va valir tamién pa recaudar fondos pa l’asociación Iniciativa pol Asturianu, creada va poco, pos tolos ingresos pola venta de revistes que se faigan esi día van tar destinaos al llabor d’esta organización.

Xareos! Xestión Cultural ye la entidá responsable de la publicación de Formientu, que cumplió apocayá cinco años, con una periodicidá biañal. Depués d’esti tiempu, y col oxetivu de caltener vixente’l subtítulu de «Revista de lliteratura mui moza», llegaba’l momentu de dicir adiós a dellos de los sos collaboradores, qu’entamaron siendo bien mozos y que tienen yá encadarmada una carrera lliteraria, con premios y volúmenes propios nel mercáu en munchos casos. (more…)

Read Full Post »

Xareos! Xestión Cultural publica un númberu nuevu de la «revista de lliteratura mui moza» Formientu, que cumplió cinco años apocayá. Depués d’esti tiempu, la dirección de la revista decidió dicir adiós a dalgunos de los sos collaboradores, que principiaron siendo bien mozos y que tienen yá iguada una carrera lliteraria, con premios y volúmenes propios nel mercáu en munchos casos. Asina, la revista quier fomentar la renovación xeneracional.

Por eso, dende’l númberu diez van poder publicar testos los autores nacíos dende 1980 n’adelantre, eliminando cinco años la edá máxima permitida pa la publicación na revista.

(de Les Noticies, 14-11-2011)

Read Full Post »

L’asociación Xareos! Xestión Cultural y la revista Formientu, en collaboración cola editorial La Cruz de Grau, convoquen la segunda edición del Certame de Microrrellatos Mozos “Formientu”, que nesta ocasión ha escribise con llingüaxe SMS embaxo’l títulu “¡Si nun llego a recibir aquel SMS…!”. Nel Certame ha escribise colos 160 caracteres que formen un mensaxe unviáu con un teléfonu móvil. Dende Formientu, camienten que “pue que seya hasta l’únicu tipu de testu que les xeneraciones más moces redacten y remanen con más remangu que les más madures”.

(more…)

Read Full Post »