Pablo Suárez García destaca la importancia de la recuperación toponímica pa correxir la so “deturpación” histórica

El doctor en Filoloxía y investigador Pablo Suárez García destacó esti martes la importancia del llabor de recuperación toponímica que se ta desarrollando n’Asturies como forma de corrección de la “deturpación” que los nomes de llugares, según los sos estudios, sufrieron a lo llargo de la historia, tanto en feches remotes como n’otres más recientes.

Suárez refirióse a esti asuntu mientres la so intervención nel marcu de les ‘XXX Xornaes Internacionales d’Estudiu’, qu’entama l’Academia de la Llingua Asturiana, y que se desarrollen hasta’l próximu xueves, día 10 de payares.

Read Full Post »

L’ALLA centra na onomástica les XXX Xornaes Internacionales d’Estudiu

L’Academia de la Llingua Asturiana acaba de facer públicu’l programa de la edición XXX de les sos Xornaes Internacionales d’Estudiu, qu’esti añu van centrase na organización d’un Conceyu Internacional de Toponimia y Antroponimia Asturiana, ente los díes 8 y 10 de payares. Conferencies, presentaciones de llibros y revistes, meses redondes y alderiques van enllenar trés tarde d’acto na Facultá de Filosofía y Lletres de la Universidá d’Uviéu.

El martes 8 a les 16:45 hores van entamar los actos con una ponencia Xavier Terrado Pablo, de la Universidá de Lleida, alredor del “Léxicu románicu arcaicu na toponimia catalana y asturiana”. A les cinco y media Martín Sevilla va falar de “Los topónimos asturianos Taloca / Camoca”. Darréu, Xabiel Fernández García va lleer la comunicación “Oiconimia asturiana. La casa como elementu vertebrador del sistema socio-económicu tradicional”, siguiéndolu Francisco Javier Redondas Maseda, que va falar de los “Rasgos toponímicos nel Suroccidente Astur”.

Read Full Post »