Feeds:
Antradas
Comentairos

Posts Tagged ‘Xesús Cañedo Valle’

El II Premiu Nacional de Lliteratura Asturiana, qu’entrega l’Academia de la Llingua Asturiana en reconocimientu d’una trayeutoria lliteraria y el so llabor normalizador, ye pa Xuan Xosé Sánchez Vicente (Xixón, 1949). Dende’l so llar, con esmolecimientu pola situación pol coronavirus, fala con Asturies.com sobre’l so trabayu creativu y les nueses lletres.

¿Qué supón pa usté esti reconocimientu?
Un agradecimientu grande, en primer llugar: a toos, al xuráu, a l’Academia, a los mios llectores. Y, por supuestu, préstame muncho, muncho.

Xuan Bello y usté son los dos escritores que llevaron el Premiu Nacional de Lliteratura, pero ente los candidatos nestes dos ediciones apaecen los nomes d’Antón García, Roberto González-Quevedo, Berta Piñán, Lourdes Álvarez y Adolfo Camilo Díaz. ¿Ta la nuestra literatura nun nivel superior al de la implantación social de la llingua?
Pezme que sí. Hai un báramu notable d’escritores, pero la difusión y el prestixu social de la lliteratura (el so desconocimientu, pa nun dar llugar a males interpretaciones) nun se correspuenden col interés de la producción lliteraria.

(more…)

Read Full Post »

ANTÓN GARCÍA

Depués de cuatro décades de trabayu continuáu y provechosu, tán claros los temes qu’interesen a Xuan Xosé Sánchez Vicente como investigador de la cultura asturiana: la lliteratura, la llingüística, la mitoloxía y la paremioloxía o ciencia qu’estudia los refranes. En cada una d’estes disciplines la so contribución ye siempre extraordinariamente rica, ofreciendo en toes elles conocimientu, capacidá d’análisis y relación y agudeza interpretativa. Pa los casos de la mitoloxía y de la paremioloxía vien asociándose con Xesús Cañedo Valle nuna colaboración que fructifica de nuevu nel llibru que nos ocupa: Refraneru asturianu.

Baxo esti títulu vuelve a reeditase’l de 2002, ampliándose nesta ocasión hasta los 4033 refranes, cifra qu’impresiona tovía más si se tien en cuenta que frente a trabayos anteriores d’otros recopiladores, los autores procuren evitar la repetición de refranes que nun presenten otra diferencia que les variantes dialectales o morfolóxiques, apostando (como ye habitual nes sos obres) pola normalización llingüística. (more…)

Read Full Post »

L’asociación L’Arribada organiza un añu más en Xixón la so Vagamar lliteraria. Del 10 al 15 de setiembre, el Vieyu Institutu de Xixón va acoyer los actos d’esta edición, que va cuntar con dos esposiciones. Una nel Atenéu de la Calzada, embaxo’l títulu Huella Astur 2012, con semeyes del concursu de Tierra Astur, podrá visitase del 3 al 13 de setiembre; y nel Vieyu Institutu Xovellanos, la esposición fotográfica Les dos cares d’Asia, de Carlos Espina, del 7 al 16 de setiembre.

La inauguración de los actos va facese’l llunes 10, n’El Muelle, Puertu Deportivu de Xixón. A les cinco la tarde va celebrase una visita guiada pela bahía xixonesa nel barcu ‘Cimavilla I’, dende’l Puertu Deportivu a Islla de la Tortuga y Cabu San Llorienzo y regresu al Puertu Deportivu. A les seis produciráse l’Arribada de los congresistes con una pasacais cola Banda de Gaites de Castrillón, que trescurrirá dende’l Puertu Deportivu pelos Xardinos de la Reina, cais Corrida, Tomás Zarracina, Tomás y Valiente, y Plaza del Parchís hasta’l Centru de Cultura Vieyu Institutu. Yá nel patiu del edificiu va celebrase una llectura institucional y cívica, como Homenaxe a la narrativa en llingua asturiana y gallego-asturianu. A les ocho va proyectase “Les dos cares d’Asia”, audiovisual presentación de la esposición fotográfica de Carlos Espina. (more…)

Read Full Post »

Xuan Xosé Sánchez Vicente y Xesús Cañedo Valle acaben de publicar con Trabe la segunda edición, revisada y ampliada, del so Refraneru asturianu, la recopilación de los refranes d’Asturies más completa que se pue atopar.

El llibru empieza con una parte teórica, na que los autores espliquen con brevedá y aciertu qué s’entiende por refraneru asturianu, les clases y formes sintáctiques que presenta, amás de delles notes característiques de los dichos asturiano referíos al cuerpu, la enfermedá y l’alimentación. Al mesmu tiempu, Sánchez Vicente y Cañedo Valle reflexonen sobre’l camín qu’han triar los estudios futuros sobre’l refraneru asturianu, al empar que comenten la bibliografía yá existente. (more…)

Read Full Post »

PACHÉ MERAYO

Xuan Xosé Sánchez Vicente es, además de fundador y presidente del Partíu Asturianista (PAS), un prolífico escritor que suele reunir en la mesa de trabajo más de una propuesta literaria con su firma. Para demostrarlo, ayer presentó dos, mientras un tercer libro, el nuevo diccionario asturiano-castellano que verá la luz en la próxima Selmana de les Lletres, espera en la parrilla de salida. A los que ayer puso foco en el Centro de Cultura Antiguo Instituto, de Gijón, en un acto del Aula de Cultura de EL COMERCIO, fueron ‘Mundu, saber y decir nel refraneru’, escrito a cuatro manos con Xesús Cañedo Valle, y ‘Río del Eo. (España y Asturies: futuru y coyuntura)’, publicación en la que reúne los artículos de prensa de los últimos años haciendo acopio de su preocupación, «por los asuntos de esta tierra y de nuestra sociedad», a la vez que atiende a la economía de España, encarando la situación del País Vasco, el Estatuto de Cataluña y otros muchos temas que afectan a Europa e, incluso al mundo.

(more…)

Read Full Post »