Posted in Asturies, Lhiteratura / Lliteratura, Pravia, tagged Ana Silva, Antón García, Asociación d\'Escritores d\'Asturies, Berto Álvarez Peña, Berto Varillas, Dani García de la Cuesta, Héctor Braga, Laura Marcos, María Esther García López, Marta López, Marta Mori, Pilar Sánchez Vicente, Xosé Ambás on Outubre 23, 2019| Leave a Comment »
Xosé Ambás, Héctor Braga, Dani García de la Cuesta, Berto Álvarez Peña y Marta López participen nuna cita con una actividá sobre añaes protagonizaes por lletristres asturianes.
Esti martes echen a andar les XIX Xornaes Lliteraries en Pravia baxo’l títulu ‘Lliteratura: tradición y oralidá’. Hasta’l domingu hai programaes actividaes dientro de l’amplia programación entamada pola Asociación d’Escritores d’Asturies.
Posted in Asturies, Comunicación /Comunicaçon, Derechos llingüísticos / Dreitos lhenguísticos, Política lhenguística / Política llingüística, Xixón, tagged Antón Reixa, Carlos Suari, Esther Prieto, Pablo Quiroga, Radiotelevisión del Principáu d\'Asturies, Xosé Ambás, Xunta pola Defensa de la Llingua Asturiana on Júlio 15, 2016| Leave a Comment »
Esti xueves 21 de xunetu nel Toma 3 (cai Marqués de Casa Valdés 27, Xixón), a partir de les 17,30 hores vamos presentar esti trabayu y aldericar sobre medios de comunicación con Esther Prieto, Xosé Ambás, Antón Reixa, Pablo Quiroga, Carlos Suari y tola xente que quiera averase al actu.
Esti llibru recueye los documentos ellaboraos nos últimos años pola Xunta pola Defensa de la Llingua Asturiana (XDLA) sobre la presencia del nuestru idioma nes emisiones de la RTPA. Documentos que van dende los años noventa, cola reivindicación pola puesta en marcha d’una televisión autonómica 100 % n’asturianu, hasta l’actualidá, col nacimientu de la RTPA y la necesidá, cada día más evidente, de convertila nuna ferramienta al serviciu de la normalización del asturianu.
(d’Asturnews, 14-07-2016)
Posted in Ansino / Educación, Antrebistas / Entrevistes, Asturies, Audiovisual, Bimenes, Llaviana, Música, Noreña, Siero, Villaviciosa, Xixón, tagged Alba Mielgo, Blanca Romero, Camilo Sousa, Iván Huerga Antuña, Mapi Quintana, María Cotiello, María Fuego, Marco Castañón, Oficina de Política Llingüística de Xixón, Pablo A. Quiroga Prendes, Paula Rojo, Policarpo Mencía Álvarez, Ramón Melendi, Real Oviedo, Real Sporting de Gijón, Siero Musical, Viti Gutier, William Miller, Xosé Ambás, Xuncir, Xunta pola Defensa de la Llingua Asturiana on Janeiro 20, 2015| Leave a Comment »
Con casi 15.000 reproducciones en YouTube nuna selmana, #ElCantarDelVasu ta convirtiéndose en toda una sensación ente los escolinos asturianos. Ésta ye la primer iniciativa del proyeutu Xuncir, entamáu por Pablo A. Quiroga Prendes (Carrió, 1978), Policarpo Mencía Álvarez (El Berrón, 1975) y Iván Huerga Antuña (L’Entregu, 1964).
¿Qué ye Xuncir?
Poli Mencía: Xuncir ye un proyectu que llevaba tiempu pendiente de concretar; ye una plataforma colectiva que quier producir idegues y xuncir xente pa desenvolveles, siempres cola llingua asturiana como elementu vehicular. #ElCantarDelVasu ye la primera d’estes propuestes, anque agora mesmo hai otres idegues enriba la mesa y hai que ver qué persones o entidaes se pueden implicar nelles y si somos quien a llevales a cabu.
Posted in Audiovisual, Ḷḷena, tagged Dani Álvarez, Javier Niembro, Losone, Luis Argeo, Mapi Quintana, Sonia Fernández, Vanesa Gutiérrez, Xesús Torga, Xosé Ambás on Dezembre 22, 2012| Leave a Comment »
Sonia Fernández, profesora nel IES Benedicto Nieto de La Pola (L.lena) y polifacética artista plástica, estrena‘l so curtiumetraxe docmental entitulaú Piquinu, que tien como protagonista a ún de los sos alumnos, Aarón, un rapaz de 14 años que tolos díes cuerre los montes de Rospaso col so perru Chumbo.
En pallabres de la direutora “esta hestoria ye pequena. Ye un homenaxe que-y fago al mio alumnao por aprendeme día a día a ver el mundu d’una manera distinta, a valorar coses qu’esti mundu actual siempre arrequexa. Coses pequenes que son mui grandes”.
Dempués de percorrer estremaos festivales nacionales y rexonales, había que llevar esti trabayu al so llugar de nacencia y posiblemente al únicu sitiu onde va ser entendíu d’entamu a cabu, por ello la directora enfotóse va tiempu en facer la presentación oficial nel Teatru Vital Aza de la Pola (L.lena), prevista pa esti próximu sábadu 22 d’avientu a les 20:00 hores. L’actu, de baldre pa tola xente que quiera asistir, va tar presentáu por Xosé Ambás y va contar coles intervenciones de Dani Álvarez, Javier Niembro, Luis Argeo, Mapi Quintana, Vanesa Gutiérrez y Xesús Torga. (more…)
Posted in Asturies, Avilés, Llaviana, Música, Mieres del Camín, Nava, Santu Adrianu, Siero, Tinéu, Uvieo, Villaviciosa, Xixón, tagged Adolfo Camilo Díaz, Alberto Álvarez Peña, Alfredo González, Anabel Santiago, Asturiana Mining Company, Big Band de Xixón, Camín de Fierro, Dixebra, Fala Non Caduca, Goxe Producciones, Ignaciu Llope, La Tarrancha, Llariegu, Llorián García, Mariluz Cristóbal Caunedo, Pablo Canalís, Pandereteres de Fitoria, Soncai System, Ta Fechu, Tejedor, Toli Morilla, Tuenda, Xandru Martino, Xera, Xicu Ariza, Xosé Ambás, Xune Elipe on Dezembre 19, 2012| Leave a Comment »
PABLO R. GUARDADO
Fiel a la so cita dende l’añu 2000, l’Anuariu de la Música Asturiana yá ta disponible nos puntos de venta habituales de la mano de Goxe Producciones. Esti númberu presenta un diseñu renováu dafechu y recupera’l CD que solía incorporar.
La edición del 2012, que dedica a Dixebra la portada por mor del so 25 aniversariu, presenta 94 páxines con una variedá grande de conteníos. Nel ‘Entamu’, los responsables de la espublización manifiesten el so enfotu de volver al orixe d’ella y recuperar los oxetivos colos que nació, amás d’afirmar que siguen “creyendo firmemente na necesidá d’un proyectu como ésti, no imprescindible de que la música del país tenga un órganu d’espresión, un escaparate onde amosar los sos llogros y esmoliciones, que dea una visión de conxuntu, que la refuerce interna y esternamente”. Darréu, los llectores van atopar entrevistes a la banda astur-chilena de folk Ta Fechu y a La Tarrancha, asina como al músicu Pablo Canalís, amás de reportaxes fotográficos del conciertu conmemorativu del venticinco aniversariu de Dixebra y de la sesta edición del Premiu al Meyor Cantar n’Asturianu, un informe sobre la baxada de conciertos y la so repercusión ente los grupos del país, comentarios sobre los discos nuevos de Mariluz Cristóbal Caunedo, Toli Morilla o Soncai System, y un diariu sobre’l procesu de creación, grabación y presentación del trabayu ‘Llume’ de Xera. (more…)
Posted in Antrebistas / Entrevistes, Asturies, Avilés, Comunicación /Comunicaçon, Música, Uvieo, Xixón, tagged Daniel G. de la Cuesta, Dark la Eme, Dixebra, DJ Pimp, Ensame Nacionalista Astur, Evaristo, Fermín Muguruza, Fernando Rubio, Fonsu Álvarez, Goxe Producciones, Iván Lomas, José Manuel Tejedor, L\'Aguañaz, Mano Negra, Manu Chao, Mapi Quintana, Marcos Llope, Mario Fueyo, Merce Santos, Santi Caleya, Soncai System, The Clash, The Pogues, Vicente García Oliva, Xosé Ambás, Xune Elipe on Dezembre 25, 2011| Leave a Comment »
J. CUEVAS
Dixebra ye un grupu que deprendió a tocar nos escenarios. Güei son una de les bandes asturianes con meyor direuto, referencia dientru de la música que saca la llingua y, dende la retirada de Ilegales, tamién la más veterana. Xune Elipe, voz de Dixebra, miembru fundador y director del sellu discográfico L’Agüañaz, nel que la banda espublizó 11 de los sos 12 discos (l’ultimu, XXV. 1987-2012 , llegó hai unos díes a la cai), repasa un cuarto de sieglu de rock and gaita .
25 años de Dixebra. ¿Qué pasó esi 6 de xineru de 1987?
Que depués de dellos meses cola idea d’entamar una banda de rock en llingua asturiana por fin llogramos axuntanos dellos rapazos d’Avilés y Corvera pa facer un ensayu y ver qué pasaba… (more…)
